گلف سے واپس لوٹنے والوں کے لئے سنہرا موقع؛ ریاستی حکومت کی طرف سے بے روزگار ہنرمند افراد کے لئے اسکل کارپوریشن پورٹل کا اجراء
بنگلورو:7؍جون(ایس اؤ نیوز) اگر آپ ملک یا ریاست کے باہر کسی بھی انڈسٹریز افرادی قوت کے ہنرمندوں کی ٹیم میں شامل تھے اور اب روزگار کی تلاش میں ہیں تو اسکل ڈیولپمنٹ کارپوریشن میں اپنا نام رجسٹریشن کرسکتےہیں۔
کرناٹک کے بے شمار ہنر مندروزگار بیرون ملک یا بیرونی ریاست میں قیام پذیر تھے اب وبائی مرض کرونا وائرس کے چلتےاپنا روزگار کھویا ہے تو ریاستی حکومت نے ان بے روزگار افراد کو روزگار فراہم کرنے میں مدد کرنے کا فیصلہ کیاہے۔ روزگار کھونے والے افراد ریاست کے کرناٹکا اسکل ڈیولپمنٹ کارپوریشن کے ویب سائٹ https://migrantkar.kaushalkar.com پر اپنا نام بنیادی معلومات پُر کرتےہوئے رجسٹریشن کریں۔ اس کے بعد محکمہ خود آپ کو روزگار کے سلسلے میں جانکاری فراہم کرےگا۔
اس سلسلے میں ریاست کے نائب وزیر اعلیٰ اشوتھ نارائن (جو اسکل ڈیولپمنٹ محکمہ کے بھی انچارج ہیں ) نے بتایا کہ حال ہی میں ہم نے اس ویب سائٹ کا اجراء کیا ہے تاکہ تمام شعبہ جات کے ہنر مندافراد چاہے وہ انجنئیرس ہوں یا نرس ان کی مدد کی جاسکے۔ایک طرف روزگار کی تلاش میں ریاست کے سیکڑوں لوگ بیرون ملک یا بیرون ریاست گئے ہوئے تھے وبائی مرض کی وجہ سے وہ اب لوٹ رہے ہیں تو دوسری طرف ہماری ریاست میں کام کررہے ہنر مندروزگار اپنے مقام کو جارہےہیں۔ ان حالات میں روزگار کے بے شمار مواقع میسر ہیں اور خاص کر تعمیراتی شعبہ میں اسکل افراد کی زیادہ مانگ بھی ہے یہ صرف ایک مثال ہے ۔ ہمیں امید ہے کہ ہم اس پورٹل کے ذریعےروزگار کا میدان جو خالی ہواہے اس کو بھرتی کرسکیں گے۔
روزگار کے خواہش مند افراد کے ڈاٹا جمع کرنے کے ساتھ ساتھ ریاست کے مختلف شعبہ جات کے لئے ضروری روزگار کا بھی ڈاٹا جمع کریں گے۔دستیاب روزگار کی جانکاری کے لئے بہت جلد ہم مزید ایک پورٹل کا اجراء کر یں گے۔ اور ہم اس معاملے میں انڈسٹریز کے نمائندوں کے ساتھ رابطہ میں رہیں گے۔
محکمہ کے اہلکاروں کے مطابق سیوا سندھو ایپ کے ذریعے 1.50لاکھ افراد کرناٹک لوٹے ہیں اور انہیں روزگار کی تلاش ہے۔ محکمہ اس تعلق سے بیروزگاروں کی تعداد کی صحیح صحیح جانکاری حاصل کرنےمیں مصروف ہے۔