عمان میں سیلاب سے تباہی، 13 افراد جاں بحق، لاپتہ لوگوں کی تلاش جاری

Source: S.O. News Service | Published on 15th April 2024, 5:25 PM | خلیجی خبریں |

مسقط، 15/اپریل  (ایس او نیوز /ایجنسی) مشرق وسطیٰ کے شہر عمان میں اس وقت سیلاب نے زبردست تباہی مچا رکھی ہے۔ اتوار سے ہی عمان میں سیلاب کا قہر دیکھنے کو مل رہا ہے اور پیر کے روز بھی موسلادھار بارش کی خبریں سامنے آ رہی ہیں۔ موصولہ اطلاع کے مطابق اب تک اس سیلاب نے 13 لوگوں کی جان لے لی ہے اور کئی دیگر لاپتہ ہیں جن کی تلاش کی جا رہی ہے۔ 12 ہلاکتوں کی خبر تو اتوار کے روز ہی سامنے آ چکی تھی، اور آج یو اے ای واقع خلیج ٹائمز نے خبر دی ہے کہ عمان میں شہری سیکورٹی و ایمبولنس اتھارٹی نے ایک شخص کی لاش برآمد کی ہے جو شمالی الشرکیہ گورنریٹ سے لاپتہ ہو گیا تھا۔

اس سے قبل اتوار کے روز اچانک آئے سیلاب کے سبب کم از کم 12 افراد ہلاک ہو گئے تھے۔ رپورٹ میں کہا گیا تھا کہ 12 ہلاک لوگوں میں سے 9 طالب علم، دو مقامی باشندے اور ایک مہاجر شامل ہیں۔ موسلادھار بارش کے سبب عمان کے کئی حصوں میں زبردست سیلاب آ گیا ہے جس نے لوگوں کو گھروں میں اور اونچے مقامات پر رہنے کو مجبور کر دیا ہے۔

رائل عمان پولیس، عمان کی رائل آرمی، شہری سیکورٹی اتھارٹی و ایمبولنس کی ٹیموں نے پھنسے ہوئے طلبا کو اسکولوں سے محفوظ مقامات تک پہنچایا۔ سوشل میڈیا پر وائرل ہو رہی کچھ ویڈیوز میں دیکھا جا سکتا ہے کہ عمان کی سڑکوں پر سیلاب کا پانی تیزی کے ساتھ بہہ رہا ہے۔ کچھ ویڈیوز میں کاروں کو بہتے ہوئے بھی دیکھا جا رہا ہے۔

اس درمیان ایمرجنسی مینجمنٹ کے لیے عمان کی قومی کمیٹی نے بارش سے متاثر ہونے کے اندیشہ والے سبھی گورنرس کو الرٹ کر دیا ہے۔ رپورٹ میں کہا گیا ہے کہ عمان کے علاوہ یو اے ای میں بھی غیر مستحکم موسم کی حالت دیکھی جا سکتی ہے، جس میں کچھ علاقوں میں ژالہ باری، بجلی اور گڑگڑاہٹ کا امکان بھی شامل ہے۔

ایک نظر اس پر بھی

گلف سے مزید بھٹکلی اسٹوڈینٹس کی نمایاں نمبرات کے ساتھ کامیابی کی خبریں

گریڈ 12 امتحان میں دبئی سے محمد سیف سلمان دامودی، کویت سے حنین ہاشم معلم اور مسقط سے یوشع عُمران سقاف اور سجا تسنیم سہیل ائیکری کی امتیازی نمبرات کے ساتھ نمایاں کامیابی کی خبر شائع ہونے کے بعد اب ابوظبی سے اطلاع موصول ہوئی ہے کہ ابوظبی انڈین اسکول میں تعلیم حاصل کرتے ہوئے فاطمہ ...

بھٹکلی طالبہ کی کویت میں امتیازی کامیابی

بھٹکل مسلم ایسوسی ایشن کویت کے سابق صدر و سابق جنرل سکریٹری اور جماعت کے سرگرم رکن محمد ہاشم معلم کے دُختر حنین ہاشم معلم نے کارمل اسکول کویت سے تعلیم حاصل کرتے ہوئے سی بی ایس ای  XII  میں 92.80 فیصد مارکس کے ساتھ امتیازی کامیابی درج کی ہے۔ اس ہونہار طالبہ نے انفارمیٹکس پریکٹس کے ...

قطر میں مقیم بھٹکلی طالب علم کی ماس کمیونیکشن میں نمایاں کامیابی

قطر میں مقیم بھٹکل کارگیدے کے رہائشی مولانا فضیل احمد ارمار ندوی کے فرزند حافظ احمد عویمر ارمار نے قطر یونیورسٹی سے ماس کمیونیکیشن میں نمایاں کامیابی حاصل کی ہے جس کے نتیجے میں انہیں ایک پروقار تقریب میں امیر قطر شیخ تمیم بن احمد الثانی کے ہاتھوں ایک میمنٹو اور تہنیتی خط پیش ...

بھٹکل واطراف بھٹکل والوں کے لئے خوش خبری؛ دیرہ دبئی میں حیدرآباد ہاوس ریسٹورینٹ کا افتتاح

حیدرآبادی کھانے بالخصوص حیدرآبادی بریانی دنیا بھر میں مشہور ہے اور گلف سمیت دبئی میں لوگ اکثر حیدرآبادی کھانوں کا مزہ لینے حیدرآبادی ریسٹورینٹ کی تلاش میں رہتے ہیں،  لیکن اب دبئی میں رہائش پذیر بھٹکل اور اطراف بھٹکل والوں کے لئے خوش خبری یہ ہے کہ بھٹکل والوں کی ملکیت میں ...