پاکستان میں طوفانی بارش؛ آسمانی بجلی گرنے سے 25 افراد جاں بحق

Source: S.O. News Service | By I.G. Bhatkali | Published on 14th April 2024, 1:00 AM | عالمی خبریں |

لاہور13 اپریل (ایس او نیوز) پاکستان میں  آسمانی بجلی گرنے سے 25 افراد جاں بحق ہوگئے۔جس میں  پنجاب  کے  17 اور بلوچستان کے  8 افراد   شامل ہیں۔

میڈیارپورٹوں کے مطابق پاکستان میں طوفانی بارش  نے بھی قہر ڈھارکھا ہے ۔ بلوچستان میں ندی  اورنالے بھر گئے ہیں، اولوں کی برسات سے سیب، چیری، بادام اور خوبانی کے باغات اور سبزیوں کی فصلوں کو نقصان پہنچا ہے۔خیبر پختونخوا کے دریائے پنچکوڑہ میں  سیلابی صورتِ حال ہے اور متعدد مکانوں کو بھی نقصان پہنچا ہے۔کالام کے پہاڑوں پر وقفے وقفے سے برف باری  کا سلسلہ جاری ہے۔  جبکہ سوات کے علاقے بحرین میں شدید بارشوں کے بعد پاک فوج کا ریسکیو آپریشن جاری ہے۔

 

لوئر دیر میں موسلادھار بارشوں سے ندی نالوں میں طغیانی ہے جبکہ دریائے پنچکوڑہ میں سیلابی صورتحال ہے، خال کے مقام پر دریائے پنچکوڑہ کا پانی دکانوں میں داخل ہونے  کی خبروں کے ساتھ ساتھ ، شدید بارشوں سے منڈہ اور میدان میں متعدد مکانات منہدم ہوگئے  ہیں۔آزاد کشمیر کی وادی نیلم میں بھی موسلا دھار بارش  کے نتیجے میں   ایک نالے میں سیاحوں کی گاڑی پانی کے تیز بہاؤ کی زد میں آنے کی اطلاعات تھی، مگر لوگوں نے گاڑی پر سوار افراد کو بچالیا ہے۔نوشہرو فیروز ہالہ، نیو سعیدآباد، پڈ عیدن، سانگھڑ سمیت سندھ کے دیگر شہروں میں بھی ہلکی اور تیز بارش  کی خبریں ہیں۔ سعید آباد میں قومی شاہراہ پر مختلف حادثات میں 35 سے زائد افراد زخمی ہونے کی بھی اطلاعات ہیں۔

ایک نظر اس پر بھی

ایران میں نئے صدر کا انتخاب 28 جون کو، رئیسی ہیلی کاپٹر حادثے کی تحقیقات شروع

ایرانی صدر ابراہیم رئیسی کے انتقال کے بعد ایران میں نئے صدر کے انتخاب کی تاریخ کا اعلان کر دیا گیا ہے۔ نئے صدر کا  انتخاب 28 جون کو کیا جائے گا۔ ایرانی حکومت نے صدارتی ہیلی کاپٹر حادثے کی تحقیقات کے لیے اعلیٰ حکام کی ایک ٹیم بھی تشکیل دی ہے۔

ایرانی صدرابراہیم رئیسی اور وزیر خارجہ حُسین امیر عبداللہیان ہیلی کاپٹر حادثے میں جاں بحق

ایرانی  صدر ابراہیم رئیسی اور ایرانی وزیرخارجہ حسین امیر عبداللہیان ہیلی کاپٹر حادثے میں جاں بحق ہوگئے۔ بتایا گیا ہے کہ پیر  صبح حادثے کا شکار ہیلی کاپٹر کا ملبہ مل گیا جس کے بعد ایرانی صدر اور ہیلی کاپٹر پر سوار افراد کے بچ جانے کی امیدیں دم توڑ گئیں ۔

افغانستان: سیلابی صورتحال، 300؍ افراد ہلاک، سیکڑوں لاپتہ

بغلان میں نیچرل ڈیزاسٹر مینجمنٹ کے صوبائی ڈائریکٹر ہدایت اللہ ہمدرد کے مطابق، سیلاب نے کئی اضلاع میں گھروں اور املاک کو نقصان پہنچایا ہے۔ انہوں نے مزید کہا کہ مرنے والوں کی تعداد ابتدائی تھی اور بہت سے لوگ لاپتہ ہونے کی وجہ سے اس میں اضافہ ہو سکتا ہے۔