اسرائیلی جہاز پر پھنسے 17 ہندوستانیوں سے ہندوستانی افسران کی جلد ہوگی ملاقات، ایران کی یقین دہانی

Source: S.O. News Service | Published on 16th April 2024, 11:39 AM | ملکی خبریں | عالمی خبریں |

نئی دہلی، 16/اپریل (ایس او نیوز/ایجنسی)  ایران و اسرائیل کی کشیدگی کے دوران جہاں ایک جانب ہندوستانی اسٹاک ایکسچنج لڑکھڑا نے لگا ہے تو وہیں ایران کی جانب سے ہندوستان کے لیے ایک راحت کی خبر بھی ہے۔ ایران نے اعلان کیا ہے کہ وہ ہندوستانی افسران کو اسرائیلی مقبوضہ جہاز پر سوار 17 ہندوستانیوں سے ملاقات کی جلد اجازت دے گا۔ واضح رہے کہ ایران نے ایک روز قبل ایک اسرائیلی ارب پتی کے مال بردار جہاز کو اپنے قبضے میں لے لیا تھا جس پر 17 ہندوستانی سوار تھے۔

خبروں کے مطابق ایرانی وزیر خارجہ حسین امیر عبداللہیان اور ہندوستانی وزیر خارجہ ایس جے شنکر کے درمیان بات چیت ہوئی تھی، جس کے بعد ایران ہندوستانی افسران کو جہاز پر سوار لوگوں سے ملاقات کی اجات دینے پر رضامند ہوا ہے۔ اتوار (14 اپریل) کی شام کو ہوئی بات چیت میں ایران-اسرائیل کشیدگی کی وجہ سے پیدا شدہ حالات پر بھی تبادلۂ خیال کیا گیا۔ اس دوران ایران کے ذریعے قبضے میں لیے گئے جہاز پر موجود 17 ہندوستانیوں کی محفوظ واپسی پر بھی بات چیت ہوئی۔ اس کے ساتھ ہی ہندوستان نے تہران سے مدد کی درخواست کی تھی۔

واضح رہے کہ خلیج عمان میں ہندوستان کی طرف آنے والے اسرائیلی ارب پتی ایال اوفر کے اس جہاز کو ایرانی بحریہ نے آبنائے ہرمز کے قریب پکڑ لیا تھا۔ اس جہاز پر 17 ہندوستانی سوار تھے۔ پہلے اسرائیلی جہاز پر ہیلی کاپٹر سے حملہ کیا گیا اور اس کے بعد اسے ایرانی بحریہ نے اپنے قبضے میں لے لیا۔ اس جہاز کا نام ایم ایس سی ایریز ہے اور اسے آخری بار جمعہ کو دبئی سے ہرمز کی طرف جاتے ہوئے دیکھا گیا تھا۔ بتایا جاتا ہے کہ جہاز نے اپنا ٹریکنگ ڈیٹا بند کر دیا تھا۔ اسرائیلی بحری جہاز اس علاقے سے گزرتے وقت اکثر اپنا ٹریکنگ ڈیٹا بند کر دیتے ہیں۔

اب ایک دن بعد ایرانی وزیر خارجہ نے کہا ہے کہ ان کی حکومت پکڑے گئے کارگو جہاز سے متعلق تفصیلات پر کام کر رہی ہے۔ انہوں نے کہا ہے کہ عملے کے ساتھ حکومت ہند کے نمائندوں کی میٹنگ جلد سے جلد کرائی جائے گی۔ دراصل یکم اپریل کو اسرائیل نے شام کے دارالحکومت دمشق میں ایران کے سفارتی مشن پر فضائی حملہ کیا تھا، جس کی وجہ سے ایران اور اسرائیل کے تعلقات میں تلخی پیدا ہو گئی ہے۔ اس حملے میں دو اعلیٰ ایرانی کمانڈر مارے گئے تھے۔ اس کے جواب میں ایران نے ہفتے کی رات اسرائیل پر 330 میزائل داغے اور ڈرون سے بھی حملے کیے۔

بہرحال، ایرانی وزیر خارجہ کے ساتھ فون پر بات چیت کے دوران ہندوستانی وزیر خارجہ ایس جے شنکر نے ایم ایس سی ایریز نامی بحری جہاز میں پھنسے ہوئے عملے کے 17 ارکان کا مسئلہ اٹھایا تھا۔ وزیر خارجہ ایس جے شنکر نے ’ایکس‘ پر ایک پوسٹ کیا تھا جس میں لکھا تھا کہ انہوں نے اسلامی جمہوریہ ایران کے وزیر خارجہ ایچ امیرعبداللہیان سے بات کی ہے۔ ایم ایس سی ایریز کے عملے کے 17 ہندوستانی ارکان کی رہائی اور علاقے کی موجودہ صورتحال پر بھی تبادلہ خیال کیا گیا ہے۔ اس دوران اس بات پر زور دیا گیا کہ دونوں ممالک کشیدگی میں اضافے سے گریز کریں، تحمل سے کام لیں اور سفارت کاری کا راستہ اپنائیں۔

دریں اثنا ہندوستانی سفارت خانہ نے اپنے سوشل میڈیا ہینڈل پر ایک پوسٹ میں کہا تھا کہ خطے میں حالیہ واقعات کے پیش نظر اسرائیل میں تمام ہندوستانی شہریوں کو پرسکون رہنے اور مقامی حکام کے جاری کردہ حفاظتی پروٹوکول پر عمل کرنے کا مشورہ دیا جاتا ہے۔ سفارت خانہ صورتحال پر گہری نظر رکھے ہوئے ہے اور اپنے تمام شہریوں کی حفاظت کو یقینی بنانے کے لیے اسرائیلی حکام اور ہندوستانی کمیونٹی کے ارکان سے رابطے میں ہے۔ سفارت خانے نے ہندوستانی شہریوں سے بھی کہا ہے کہ وہ پہلے سے دستیاب لنک کے ذریعے سفارت خانے میں رجسٹر ہوں۔

ایک نظر اس پر بھی

بیرون ملک سے غیر قانونی اور نامناسب چندہ لینے کے الزامات بے بنیاد، انتخابات کی وجہ سے لگائے جا رہے: عآپ

عام آدمی پارٹی پر بیرون ملک سے غیر قانونی اور نامناسب چندہ لینے کے الزامات عائد کئے گئے ہیں۔ عام آدمی پارٹی نے ان الزامات کو مکمل طور پر بے بنیاد اور جھوٹا قرار دیا ہے۔ عام آدمی پارٹی کا کہنا ہے کہ یہ برسوں پرانا الزام ہے۔ ان تمام باتوں پر عام آدمی پارٹی وزارت داخلہ، الیکشن ...

دہلی-این سی آر میں شدید گرمی کا سلسلہ جاری، درجہ حرارت 47 ڈگری سے متجاوز، محکمہ موسمیات نے جاری کیا الرٹ

دہلی شدید گرمی کی لپیٹ میں ہے اور آئی ایم ڈی نے جمعہ تک انتہائی درجہ حرارت کو لے کر ریڈ الرٹ جاری کیا ہے۔ گرمی اس حد تک تباہی مچا رہی ہے کہ پیر کو بھی دہلی کے کچھ حصوں میں درجہ حرارت 47 ڈگری سیلسیس کو پار کر گیا تھا۔ دریں اثنا، محکمہ موسمیات نے قومی راجدھانی میں گرمی کی لہر کے حالات ...

بی جے پی کیجریوال پر حملہ کرا سکتی ہے؛ عآپ رکن پارلیمنٹ سنجے سنگھ کا سنگین الزام

عآپ کے سینئر لیڈر اور راجیہ سبھا رکن سنجے سنگھ نے بی جے پی پر سنگین الزام عائد کرتے ہوئے کہا ہے کہ بی جے پی کیجریوال پر قاتلانہ حملہ کروانے کی سازش تیار کر رہی ہے۔ ان کا کہنا ہے کہ ’’کیجریوال کے جیل سے باہر آنے سے بی جے پی بوکھلائی ہوئی ہے۔ اب یہ لوگ کیجریوال پر قاتلانہ حملہ ...

کیجریوال کی خودسپردگی سے قبل ہی ای ڈی عدالت پہنچ گئی، عبوری ضمانت ختم ہوتے ہی حراست کا مطالبہ

 دہلی کے وزیر اعلی اروند کیجریوال کو سپریم کورٹ نے مبینہ دہلی آبکاری پالیسی گھوٹالہ سے متعلق منی لانڈرنگ کیس میں 10 مئی کو عبوری ضمانت دی تھی۔ انہیں 2 جون کو عدالت میں خودسپردگی کرنی ہے۔ مگر ان کی خودسپردگی سے قبل ہی ای ڈی انہیں حراست میں لینے کے لیے عدالت پہنچ گئی۔ ای ڈی ...

ایران میں نئے صدر کا انتخاب 28 جون کو، رئیسی ہیلی کاپٹر حادثے کی تحقیقات شروع

ایرانی صدر ابراہیم رئیسی کے انتقال کے بعد ایران میں نئے صدر کے انتخاب کی تاریخ کا اعلان کر دیا گیا ہے۔ نئے صدر کا  انتخاب 28 جون کو کیا جائے گا۔ ایرانی حکومت نے صدارتی ہیلی کاپٹر حادثے کی تحقیقات کے لیے اعلیٰ حکام کی ایک ٹیم بھی تشکیل دی ہے۔

ایرانی صدرابراہیم رئیسی اور وزیر خارجہ حُسین امیر عبداللہیان ہیلی کاپٹر حادثے میں جاں بحق

ایرانی  صدر ابراہیم رئیسی اور ایرانی وزیرخارجہ حسین امیر عبداللہیان ہیلی کاپٹر حادثے میں جاں بحق ہوگئے۔ بتایا گیا ہے کہ پیر  صبح حادثے کا شکار ہیلی کاپٹر کا ملبہ مل گیا جس کے بعد ایرانی صدر اور ہیلی کاپٹر پر سوار افراد کے بچ جانے کی امیدیں دم توڑ گئیں ۔

افغانستان: سیلابی صورتحال، 300؍ افراد ہلاک، سیکڑوں لاپتہ

بغلان میں نیچرل ڈیزاسٹر مینجمنٹ کے صوبائی ڈائریکٹر ہدایت اللہ ہمدرد کے مطابق، سیلاب نے کئی اضلاع میں گھروں اور املاک کو نقصان پہنچایا ہے۔ انہوں نے مزید کہا کہ مرنے والوں کی تعداد ابتدائی تھی اور بہت سے لوگ لاپتہ ہونے کی وجہ سے اس میں اضافہ ہو سکتا ہے۔