عجمان میں 16 مارچ سے اٰمین سیف اللہ بی پی ایل کرکٹ ٹورنامنٹ کے ساتویں ایڈیشن کا آغاز
دبئی 14/ مارچ (ایس او نیوز) دبئی کے قریب عجمان میں 16/مارچ سے اٰمین سیف اللہ بی پی ایل یعنی بھٹکل پریمئر لیگ کے ساتویں ایڈیشن کا کرکٹ ٹورنامنٹ شروع ہورہا ہے جس میں دبئی اور عرب امارات کے مختلف شہروں میں مقیم بھٹکل کے کرکٹ کھلاڑی حصہ لے رہے ہیں۔
ٹورنامنٹ کا پہلا میچ جمعہ ۱۶ ۔مارچ کی دوپہر کو کھیلا جائے گا۔ جس میں رکن الدین چیلنجر ٹیم این جی ٹی اسٹرائکر کے ساتھ مقابلہ کرے گی۔ اس دن جملہ تین میچیس کھیلے جائیں گے۔ دوسرا میچ ٹرک چارجر اور کے ایم واریئر اور تیسرا میچ ابوظبی رائیڈرس اور ڈی وی ایس یونائیٹد کے درمیان کھیلا جائیگا۔
یاد رہے کہ اس ٹورنامنٹ سے پہلے چھ مرتبہ بی پی ایل گورننگ کونسل نے شاندار ٹورنامنٹ منعقد کئے تھے۔ عجمان جیسے دور دراز مقام پر ٹورنامنٹ منعقد کرنے کے باوجود تماشائیوں کی بڑی تعداد میدان میں موجود رہتی تھی ۔
اس مرتبہ یہ ٹورنامنٹ عجمان کے ایک نئے کرکٹ گراؤنڈ میں منعقد کیا گیا ہے جو ایڈن گارڈن گرائونڈ سے معروف ہے۔ یہ میدان پچھلے دوسالوں سے کھیلے جانے والے میدان کے بالکل متصل میں موجود ہے ۔
بی پی ایل کے نائب کمشنر ضیاء جوکاکا نے عوام الناس سے درخواست کی ہے کہ وہ چھٹیوں کے دنوں میں دوسرے مقامات کا رُخ کرنے کے بجائے عجمان کے اس میدان کا رُخ کریں اور کھلاڑیوں کی ہمت آفزائی کرتے ہوئے ٹورنامنٹ سے بھی لطف اندوز ہوجائیں۔انہوں نے یقین دلایا ہے کہ ہر بار کی طرح اس بار کا ٹورنامنٹ بھی بے حد دلچسپ اور تفریح بخش ہوگا۔
