کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

Source: S.O. News Service | Published on 4th January 2024, 8:11 PM | اسپورٹس | ان خبروں کو پڑھنا مت بھولئے |

کیپ ٹاؤن، 4/جنوری (ایس او نیوز/ایجنسی) ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل کر لیا۔ یہ ٹیسٹ کرکٹ کی تاریخ میں گیند کے لحاظ سے سب سے چھوٹا میچ رہا جس میں جیت اور ہار کا فیصلہ ہوا ہو۔ دراصل یہ ٹیسٹ میچ صرف 642 گیندوں میں ختم ہو گیا۔ اس سے قبل 1932 میں ملبورن کے میدان پر آسٹریلیا نے جنوبی افریقہ کو ایک اننگ اور 72 رنوں سے ہرایا تھا جس میں 656 گیندیں پھینکی گئی تھیں۔

ویسے ہندوستان اور جنوبی افریقہ کے درمیان 2 ٹیسٹ میچوں کی سیریز کے دوسرے ٹیسٹ میچ میں بے شمار ریکارڈ بنے، لیکن سب سے بڑی بات یہ رہی کہ کیپ ٹاؤن میں ہندوستان نے پہلی بار جنوبی افریقہ کو شکست دی۔ یہ میچ پوری طرح سے گیندبازوں کا رہا کیونکہ 4 اننگ میں صرف ایک سنچری اسکور بنا اور نصف سنچری اسکور تو ایک بھی نہیں بن سکا۔ اس مشکل پچ پر ہندوستان نے 7 وکٹ سے جیت حاصل کی اور پہلی اننگ میں جہاں محمد سراج نے 6 وکٹ لے کر افریقی ٹیم کی کمر توڑ دی تھی، تو وہیں دوسری اننگ میں بمراہ نے 6 وکٹ لیتے ہوئے ہندوستان کے لیے جیت کا راستہ ہموار کر دیا۔

آج صبح جب جنوبی افریقہ نے کل کے اسکور 3 وکٹ کے نقصان پر 62 رن سے آگے کھیلنا شروع کیا تو پہلے ہی اوور میں جسپریت بمراہ نے ڈیوڈ بیڈنگھم (11 رن) کو آؤٹ کر میزبان ٹیم کو مشکل میں ڈال دیا۔ جلد ہی کائل ویرینے (9 رن) کو بھی بمراہ نے پویلین بھیج دیا۔ تھوڑے تھوڑے وقفے پر انھوں نے مارکو جانسن (11 رن) اور کیشو مہاراج (3 رن) کو بھی آؤٹ کر دیا۔ اس وقت جنوبی افریقہ 7 وکٹ کے نقصان پر 111 رن بنا چکی تھی۔ یہاں اس کی سبقت 13 رنوں کی ہو چکی تھی اور ٹیم مشکل میں تھی۔ یہاں ایڈن مارکرم نے طوفانی انداز اختیار کیا جو کہ گزشتہ روز 36 رنوں پر ناٹ آؤٹ تھے۔ انھوں نے کگیسو رباڈا (2 رن) کے ساتھ 51 رنوں کی اہم شراکت داری کی۔ مارکرم نے ایک مشکل پچ پر 103 گیندوں میں 2 چھکوں اور 17 چوکوں کی مدد سے 106 رن بنائے۔ ان کی اننگ کی اہمیت اسی بات سے ظاہر ہوتی ہے کہ دوسری اننگ میں جنوبی افریقہ کی طرف سے دوسرے بڑے اسکورر ڈین ایلگر رہے جنھوں نے 12 رن بنائے تھے۔ جنوبی افریقہ کی پوری ٹیم 36.5 اوورس میں 176 رنوں پر آؤٹ ہو گئی اور ہندوستان کے سامنے جیت کے لیے 79 رنوں کا ہدف رکھا۔

ہندوستان کی جانب سے گیندبازی کی بات کی جائے تو جسپریت بمراہ نے 13.5 اوورس میں 61 رن دے کر 6 وکٹ لیے۔ 2 وکٹ مکیش کمار کو ملے جنھوں نے 10 اوورس میں 56 رن دیے۔ 1-1 وکٹ محمد سراج (9 اوورس میں 31 رن) اور پرسدھ کرشنا (4 اوورس میں 27 رن) کو ملے۔ پورے میچ کی بات کریں تو محمد سراج نے 46 رن دے کر 7 وکٹ حاصل کیے جس کے لیے انھیں پلیئر آف دی میچ کا ایوارڈ ملا۔ پوری سیریز میں 12 وکٹ لینے والے ہندوستانی گیندباز جسپریت بمراہ کو پلیئر آف دی سیریز کا ایوارڈ دیا گیا۔ حالانکہ پلیئر آف دی سیریز مشترکہ طور پر ڈین ایلگر کو بھی دیا گیا جنھوں نے پہلے میچ میں 185 رن بنا کر ہندوستان کو جیت سے دور کر دیا تھا۔

بہرحال، دوسرے میچ میں ہندوستانی سلامی بلے باز روہت شرما اور یشسوی جیسوال جب 79 رنوں کے ہدف کا پیچھا کرنے میدان میں اترے تو میچ کو جلد از جلد ختم کرنے کے موڈ میں دکھائی دیے۔ یشسوی جیسوال نے تو پہلے اوور کی پہلی اور تیسری گیند پر چوکا لگا کر اپنا ارادہ ظاہر کر دیا تھا۔ نتیجہ یہ رہا کہ یشسوی جب 23 گیندوں پر 6 چوکوں کی مدد سے 28 رن بنا کر کیچ آؤٹ ہوئے تو ہندوستان کا اسکور 44 رن پہنچ چکا تھا۔ شبھمن گل نے بھی زیادہ رک کر کھیلنا مناسب نہیں سمجھا، لیکن رباڈا کی ایک اچھی گیند پر وہ بولڈ ہو گئے۔ انھوں نے 11 گیندوں پر دو چوکوں کی مدد سے 10 رن بنائے۔ وراٹ کوہلی بھی بہت اچھے دکھائی دے رہے تھے، لیکن بدقسمتی سے مارکو جانسن کی ایک گیند ان کے گلوس میں لگ کر کیپر کے پاس چلی گئی۔ کوہلی نے 11 گیندوں پر 12 رن بنائے۔ اس کے بعد مزید کوئی وکٹ نہیں گرا۔ شریئس ایر نے چوکا لگا کر ہندوستان کو جیت دلا دی۔ دوسری طرف کپتان روہت شرما 22 گیندوں پر 2 چوکوں کے ساتھ 16 رن بنا کر ناٹ آؤٹ رہے۔ ہندوستان نے 79 رنوں کا ہدف محض 12 اوورس میں ہی حاصل کر لیا۔

جنوبی افریقہ کی طرف سے کگیسو رباڈا نے 6 اوورس میں 33 رن دے کر ایک وکٹ، ناندرے برگر نے 4 اوورس میں 29 رن دے کر ایک وکٹ اور مارکو جانسن نے 2 اوورس میں 15 رن دے کر ایک وکٹ لیا۔

ایک نظر اس پر بھی

ٹریوس ہیڈ اور ابھیشیک شرما کی جارحانہ اننگز کی بدولت حیدرآباد نے لکھنو کو 10 وکٹوں سےدی شکست

 ٹریوس ہیڈ (89) اور ابھیشیک شرما (75) کی جارحانہ نصف سنچریوں کی بنیاد پر سن رائزرز حیدرآباد نے انڈین پریمئر لیگ (آئی پی ایل) کے 57ویں میچ میں بدھ کے روز لکھنو سپر جائنٹس کو ریکارڈ 10 وکٹوں سے شکست دے دی۔

ہبلی میں منعقدہ انٹرکالج کرکٹ ٹورنامنٹ میں بھٹکل انجمن کا شاندار پرفارمینس؛ دوسرا مقام حاصل کرنے میں کامیاب

ہبلی میں منعقدہ کرناٹکا یونیورسٹی دھارواڑ (کے یو ڈی) سکینڈ زون انٹرکالج کرکٹ ٹورنامنٹ میں بھٹکل انجمن انسٹی ٹیوٹ آف مینجمنٹ اینڈ کمپوٹر اپلیکشن (AIMCA) نے شاندارپرفارمینس پیش کرتے ہوئے دوسرا مقام حاصل کیا ہے۔

ٹی 20 ورلڈ کپ کیلئے ہندوستانی ٹیم کا اعلان، روہت شرما کپتان

آئی سی سی ٹی ٹوینٹی ورلڈ کپ کے لیے ہندوستان کی کرکٹ ٹیم کا اعلان کر دیا گیا ہے۔ منگل 30 اپریل کو احمد آباد میں منعقدہ میٹنگ میں 15 رکنی ٹیم کا انتخاب کیا گیا۔ بی سی سی آئی کے سکریٹری جے شاہ اور چیف سلیکٹر اجیت اگرکر دوپہر کو ہوٹل پہنچے۔ اس سے پہلے اگرکر نے دہلی میں ہندوستانی کپتان ...

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

دہلی میں بڑھتی آلودگی کی ذمہ دار مودی حکومت ہے، کانگریس کا سنگین الزام

دہلی میں بڑھتی آلودگی کے لیے کانگریس نے مرکز کی مودی حکومت کو ذمہ دارٹھہریا ہے۔ کانگریس کے جنرل سکریٹری جے رام رمیش نے آج (17 مئی) کو ایک پریس کانفرنس میں کہا ہے کہ معیار کو نظر انداز کرتے ہوئے دہلی میں تقریباً ایک درجن بجلی گھروں میں کوئلہ استعمال کیا جا رہا ہے اور مرکز کی ...

مہاراشٹر غداروں کو کبھی معاف نہیں کرتا، ادھوٹھاکرے کا ایکناتھ شندے گروپ پر سخت حملہ

ملک میں لوک سبھا انتخابات کے چار مرحلوں میں ووٹنگ ہوچکی ہے۔ پانچویں مرحلے کے تحت 20 مئی کو ووٹ ڈالے جائیں گے۔ تمام سیاسی پارٹیاں انتخابی مہم میں مصروف ہیں۔ اس دوران شیوسینا (یو بی ٹی) کے صدر ادھو ٹھاکرے نے شیوسینا توڑنے والوں کے ساتھ بی جے پی پر جم کر نشانہ سادھا ہے۔ انہوں نے کہا ...

بھٹکل؛ پڑوسی ریاست کیرالہ میں بھٹکلی اسٹوڈینٹس کی نمایاں کامیابی

پڑوسی ریاست کیرالہ کے کالی کٹ میں  بھٹکل کی ایک طالبہ  خدیجہ افزا ء بنت  محمد امجد جعفر نے گریڈ 12 کے شعبہ سائنس میں  98 فیصد کے ساتھ شاندار کامیابی درج کی ہے۔ اس طالبہ نے ہندی میں سو میں سو مارکس، میتھس سائنس میں 120 میں  120 ،  فزیکس میں 120 میں 119 اورانگلش میں سو میں 99 مارکس حاصل کئے ...

گلف سے مزید بھٹکلی اسٹوڈینٹس کی نمایاں نمبرات کے ساتھ کامیابی کی خبریں

گریڈ 12 امتحان میں دبئی سے محمد سیف سلمان دامودی، کویت سے حنین ہاشم معلم اور مسقط سے یوشع عُمران سقاف اور سجا تسنیم سہیل ائیکری کی امتیازی نمبرات کے ساتھ نمایاں کامیابی کی خبر شائع ہونے کے بعد اب ابوظبی سے اطلاع موصول ہوئی ہے کہ ابوظبی انڈین اسکول میں تعلیم حاصل کرتے ہوئے فاطمہ ...

بھٹکل: انجمن نور اسکول میں 19 مئی کو شروع ہورہا ہے آدھار کارڈ کیمپ؛ بھٹکل کے عوام اُٹھا سکتے ہیں فائدہ

بھٹکل کے چھ اسپورٹس سینٹروں پر مشتمل نور حلقہ کی جانب سے  مورخہ 19 مئی کو نورمسجد کے قریب واقع نور انجمن اسکول میں آدھار کارڈ کا میگا کیمپ منعقد کیا گیا ہے جہاں پہنچ کر  بھٹکل کے عوام  نیا  آدھار کارڈ بھی بنواسکتے ہیں، پرانے کارڈ کو درست کرنا ہے تو کرکشن بھی کرواسکتے ہیں، نام ...

ایچ ڈی ریونا جنسی استحصال سے متعلق اغوا کیس میں جیل سے باہر آگئے

کرناٹک کے بنگلورو میں ایک خصوصی عدالت نے پیر کو ’فحش ویڈیو‘ اسکینڈل سے متعلق ایک ہائی پروفائل اغوا کیس میں پھنسے ہولیناراسی پورہ سے جنتا دل (ایس) کے ایم ایل اے ایچ ڈی ریونا کو مشروط ضمانت پر رہا کردیا ہے۔ سپریم کورٹ کے حکم کے بعد انہیں منگل کو پارپنا اگرہارا جیل سے مشروط طور پر ...