جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

Source: S.O. News Service | Published on 29th December 2023, 4:35 PM | اسپورٹس |

سنچورین، 29/دسمبر (ایس او نیوز /ایجنسی) جنوبی افریقہ کے خلاف دو ٹیسٹ میچوں کی سیریز کے پہلے ٹیسٹ میچ میں جنوبی افریقہ نے انڈیا کو ایک اننگ اور 32 رنوں سے شکست دے دی ہے۔ اس شرمناک شکست کے لئے ہندوستانی بلے بازوں اور گیندبازوں دونوں کو زمہ دار ٹہرایا جارہا ہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ہی اپنا بوریا بستر لپیٹ دیا تھا اور پویلین لوٹ گئی تھی۔ ہندوستانی گیندبازوں کو تو ایک ہی اننگ میں گیندبازی کا موقع ملا اور جنوبی افریقہ کے 9 بلے بازوں کو آؤٹ کرنے میں 408 رن دینے پڑے۔ کہا جارہا ہے کہ کپتان تیندا بووما زخمی تھے اس لیے وہ کھیلنے نہیں اترے، ورنہ جنوبی افریقہ مزید بڑا اسکور کھڑا کر سکتا تھا۔

پہلے ٹیسٹ میں شکست کے ساتھ ہی ہندوستانی ٹیم کا جنوبی افریقہ کی زمین پر ٹیسٹ سیریز جیتنے کا خواب ایک بار پھر چکناچور ہو گیا ہے۔ پہلی اننگ میں جہاں کے ایل راہل نے سنچری بنا کر کسی طرح ہندوستان کی لاج رکھی، وہیں دوسری اننگ میں وراٹ کوہلی نے 76 رن بنانے میں کامیاب رہے ۔لیکن کسی دیگر بلے بازوں نے ان کا ساتھ نہیں دیا۔ ہندوستان کی خراب بلے بازی کا اندازہ اسی بات سے لگایا جا سکتا ہے کہ صرف دو کھلاڑیوں (کوہلی 76 رن اور شبھمن گل 26 رن) نے ہی رن بنانے کے معاملے میں دوہرے ہندسے کو پار کیا۔

جنوبی افریقہ کی ٹیم جب 256 رن پر 5 وکٹ سے آگے کھیلنے اتری تو امید کی جا رہی تھی کہ ہندوستانی گیندباز جلد وکٹ لے کر سبقت کو بہت بڑا نہیں ہونے دیں گے، لیکن ڈین ایلگر اور مارکو یانسن کے درمیان 111 رنوں کی شراکت داری نے امیدوں پر پانی پھیر دیا۔ ایلگر 287 گیندوں پر 28 چوکوں کی مدد سے 185 رن بنا کر شاردل ٹھاکر کا شکار ہوئے۔ اس وقت تک جنوبی افریقہ کی پہلی اننگ میں سبقت 115 رنوں کی ہو چکی تھی۔ پھر گیرالڈ کویٹزی اور مارکو یانسن کے درمیان بھی 31 رنوں کی شراکت داری ہوئی۔ ایک سرے پر یانسن جم (ناٹ آؤٹ 84 رن) کر کھیلتے رہے اور دوسری طرف سے باقی بلے باز آؤٹ ہو گئے جس کے سبب جنوبی افریقہ 408 رن بنا سکی اور 163 رنوں کی بڑی سبقت جنوبی افریقہ کو پہلی اننگ میں ملی۔ ہندوستان کی جانب سے جسپریت بمراہ نے سب سے زیادہ 4 وکٹ لیے۔ 2 وکٹ محمد سراج کے حصے میں آئے اور 1-1 وکٹ شاردل ٹھاکر، پرشدھ کرشنا اور روی چندرن اشون کو ملا۔

ہندوستان کی بلے بازی شروع سے ہی لڑکھڑاتی ہوئی دکھائی دی جب بغیر کوئی رن بنائے کپتان روہت شرما پویلین لوٹ گئے۔ جلد ہی یشسوی جیسوال (5 رن) بھی وکٹ کے پیچھے کیچ تھما بیٹھے۔ شبھمن گل اور وراٹ کوہلی اچھے انداز میں کھیلتے دکھائی دے رہے تھے، لیکن گل جانسن کی ایک یارکر گیند پر بولڈ ہو گئے۔ انھوں نے 37 گیندوں پر 6 چوکوں کی مدد سے 26 رن بنائے۔ ان کے بعد کوئی بھی بلے باز وکٹ پر جم کر نہیں کھیل سکا۔ شریئس ایر محض 6 رن بنا کر اور پہلی اننگ میں سنچری بنانے والے راہل محض 4 رن بنا کر آؤٹ ہو گئے۔ ایک سرے پر کوہلی رن بنا رہے تھے، اور دوسرے سرے پر وکٹ گرنے کا سلسلہ جاری رہا۔ نتیجہ کار پوری ٹیم 34.1 اوورس میں محض 131 رن بنا کر آؤٹ ہو گئی۔ کوہلی تیزی سے رن بنانے اور اسٹرائک اپنے پاس رکھنے کی کوشش میں 82 گیندوں پر 1 چھکا اور 12 چوکوں کی مدد سے 76 رن بنا کر آؤٹ ہو گئے۔

جنوبی افریقہ کی جانب سے دوسری اننگ میں گیرالڈ کویٹزی کو چھوڑ کر سبھی گیندبازوں نے وکٹ حاصل کیے۔ سب سے زیادہ 4 وکٹ اپنا پہلا بین الاقوامی ٹیسٹ کھیل رہے نیندرے برگر نے حاصل کیے۔ 3 وکٹ مارکو یانسن اور 2 وکٹ کگیسو رباڈا کو ملے۔ 185 رنوں کی شاندار اننگ کھیلنے والے ڈین ایلگر کو پلیئر آف دی میچ کا ایوارڈ دیا گیا۔

ایک نظر اس پر بھی

ٹریوس ہیڈ اور ابھیشیک شرما کی جارحانہ اننگز کی بدولت حیدرآباد نے لکھنو کو 10 وکٹوں سےدی شکست

 ٹریوس ہیڈ (89) اور ابھیشیک شرما (75) کی جارحانہ نصف سنچریوں کی بنیاد پر سن رائزرز حیدرآباد نے انڈین پریمئر لیگ (آئی پی ایل) کے 57ویں میچ میں بدھ کے روز لکھنو سپر جائنٹس کو ریکارڈ 10 وکٹوں سے شکست دے دی۔

ہبلی میں منعقدہ انٹرکالج کرکٹ ٹورنامنٹ میں بھٹکل انجمن کا شاندار پرفارمینس؛ دوسرا مقام حاصل کرنے میں کامیاب

ہبلی میں منعقدہ کرناٹکا یونیورسٹی دھارواڑ (کے یو ڈی) سکینڈ زون انٹرکالج کرکٹ ٹورنامنٹ میں بھٹکل انجمن انسٹی ٹیوٹ آف مینجمنٹ اینڈ کمپوٹر اپلیکشن (AIMCA) نے شاندارپرفارمینس پیش کرتے ہوئے دوسرا مقام حاصل کیا ہے۔

ٹی 20 ورلڈ کپ کیلئے ہندوستانی ٹیم کا اعلان، روہت شرما کپتان

آئی سی سی ٹی ٹوینٹی ورلڈ کپ کے لیے ہندوستان کی کرکٹ ٹیم کا اعلان کر دیا گیا ہے۔ منگل 30 اپریل کو احمد آباد میں منعقدہ میٹنگ میں 15 رکنی ٹیم کا انتخاب کیا گیا۔ بی سی سی آئی کے سکریٹری جے شاہ اور چیف سلیکٹر اجیت اگرکر دوپہر کو ہوٹل پہنچے۔ اس سے پہلے اگرکر نے دہلی میں ہندوستانی کپتان ...

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...