منگلورو - دبئی ہوائی پرواز شیڈول کے مطابق دوبارہ شروع؛ عوام نے لی راحت کی سانس
منگلورو، 24 / اپریل (ایس او نیوز) دبئی میں برسات اور سیلاب کی وجہ سے ایک ہفتے تک تاخیر یا منسوخی کے عمل سے گزرنے کے بعد اب منگلورو - دبئی کے لئے طیاروں کی پروازیں اپنے شیڈول کے مطابق شروع کردی گئی ہے۔
منگلورو - دبئی کی روٹ پر اُڑانیں بھرنے والے ایئر انڈیا ایکسپریس اور انڈیگو کے طیارے گزشتہ ایک ہفتے سے بار بار منسوخ ہو رہے تھے یا ان کی پروازوں میں مسلسل تاخیر ہو رہی تھی جس سے مسافروں کو بہت زیادہ پریشانیوں کا سامنا کرنا پڑا تھا ۔ بہت سارے مسافروں کو اپنی منزلوں تک پہنچنے کے لئے اپنا راستہ تبدیل کرتے ہوئے منگلورو کے بجائے بینگلورو ایئر پورٹ کے راستے سفر کرنا پڑا تھا ۔
اب موسم کی تبدیلی کے ساتھ دبئی اور منگلورو ایئر پورٹس پر اپنے شیڈول کے مطابق طیاروں کی پروازوں کا سلسلہ شروع ہو گیا ہے جس کی وجہ سے مسافروں نے راحت کی سانس لی ہے ۔