کینرا مسلم خلیج کونسل کی تیسری کانفرنس30 مارچ کو جدہ میں ہوگی؛ بھٹکل کمیونیٹی جدہ کی میزبانی میں ہوگا اجلاس
جدہ 27/مارچ (ایس او نیوز) کینرا مسلم خلیج کونسل کا سالانہ اجلاس ماہ رواں کے اخیریعنی 30مارچ 2018 کو بھٹکل کمیونٹی جدہ کی میزبانی میں ہونے جا رہا ہے، کینرا مسلم خلیج کونسل کی یہ تیسری کانفرنس ہے۔ جس میں بہت سارے موضوع پر بحث ہوگی۔ اہم موضوع خلیج میں مقیم ساحلی علاقہ کے برسر روزگار لوگوں کو ہندوستان واپسی پر ان کی نو آباد کاری پر غور اور قوم کے نوجوانوں کو فنی مہارت میں بڑھاوا دینے پر غور کرنا ہوگا، جسکے لئے وکیشنل ٹرینگ انسٹیٹوٹ کے قیام کا بھی منصوبہ بنایا جارہا ہے۔
کینرا مسلم خلیج کونسل کے سکریٹری ابو محمد مختصر نے میڈیا کو بتایا کہ کینرا کونسل کے ماتحت سابقہ کانفرنس میں ساحلی علاقہ ولکی میں کمیو نٹی اسکول کے لئے بنیاد رکھی گئی تھی ان شا ءاللہ یہ پروجکٹ جلدہی منظر عام آئے گا۔
بھٹکل کمیونیٹی جدہ کی میزبانی میں ہو رہی کانفرنس کے کنوینر عبیداللہ عسکری نے بتایا کہ یہ کانفرنس بروز جمعہ30 مارچ 2018 تھری پوئینٹ ہوٹل میں منعقد ہوگی۔ مزید بتایا کہ کانفرنس کی تیاریاں تقریباً مکمل ہو چکی ہیں۔انہوں نے اُمید جتائی کہ سابقہ کانفرنس کی طرح اس کانفرنس سے بھی قوم و ملت کی فلاح بہبودی کے لئے ٹھوس عملی اقدامات ممکن ہوں گے۔