بھٹکل 12ڈسمبر (ایس او نیوز) دبئی کی ایک معروف کمپنی میں فائنانس کے اہم عہدہ پر فائز محمد آفاق نائطے کو ساحل آن لائن میڈیا اینڈ پبلیشنگ سوسائٹی کے لئے مارکیٹنگ ڈائرکٹر کے طور پر نامزد کیا گیا ہے۔ وہ اعزازی طور پر ساحل آن لائن کے لئے اپنی خدمات پیش کریں گے ۔ ساحل آن لائن کے لئے اشتہارات اور مارکیٹنگ سمیت اس سے منسلک تمام شعبے ان کی نگرانی میں انجام دئے جائیں گے۔

بھٹکل انجمن آرٹس سائنس اینڈ کامرس کالج سے بی کام کے بعد بینگلور سے ایم بی اے مکمل کرنے والے محمد آفاق نائطے، نہایت متحرک شخص ہیں، وہ بھٹکل مسلم خلیج کونسل میں بھی محاسب کے اہم عہدہ پر فائز ہیں۔

اس اہم عہدہ کی ذمہ داری سنبھالنے پر ساحل آن لائن کے چیرمین جناب ڈاکٹر ایس ایم سید خلیل الرحمن، نائب چیرمین جناب عبدالمتین ائیکری اور ساحل آن لائن کے مینجنگ ڈائرکٹرو چیف ایڈیٹر عنایت اللہ گوائی سمیت دیگر ڈائرکٹرس و اسٹاف نے انہیں مبارکباد پیش کی ہے۔