کاروار: سابق وزیر آنند اسنوٹیکر کے سامان میں پستول۔ بنگلورو ایئر پورٹ پر تفتیش کے بعد جانے کی دی گئی اجازت

Source: S.O. News Service | By I.G. Bhatkali | Published on 20th September 2020, 6:16 PM | ساحلی خبریں | ریاستی خبریں |

کاروار 20؍ستمبر (ایس او نیوز) بنگلورو سے بذریعہ ہوائی جہاز گوا ہوتے ہوئے کاروار کے لئے نکلے سابق وزیر اور جنتا دل لیڈر آنند اسنوٹیکر کو سنٹرل انڈسٹریل سیکیوریٹی فورس  نے سنیچر کو  بنگلورو ایئر پورٹ پراپنی تحویل میں لیا گیا تھا  کیونکہ ان کے سامان میں پستول  موجود تھا جسے ساتھ لے جانے کی اجازت انہوں نے نہیں لی تھی۔ انہیں مزید تفتیش کے لئے مقامی پولیس کی تحویل میں دے دیاگیا تھا مگر پتہ چلا ہے کہ پولیس نے ان سے پوچھ تاچھ کے بعد  شام کے وقت گھر جانے کی اجازت دے  دی گئی۔

 بتایا جاتا ہے کہ اسنوٹیکر کے پاس  پستول رکھنے کا لائسنس موجود تھا، لیکن انہوں نے طیارے میں اسلحہ لے جانے کے لئے لازمی  پیشگی اجازت نامہ حاصل نہیں کیا تھا۔ سامان کی چیکنگ کے دوران پستول موجود ہونے کا پتہ چلنے پر انہیں حراست میں لیا گیا تھا۔ ایشیان علاقے کے ڈپٹی کمشنر آف پولیس کے سی بابا نے بتایا کہ پولیس کی تفتیش کے دوران  اسنوٹیکر نے وضاحت کرتے ہوئے بتایا کہ  اپنی والدہ کی طبیعت خراب ہونے کی وجہ سے جلدی میں وہ کاروار جانے کے لئے نکلے تھے اور انہیں لگیج کے اندر پستول ہونے کا دھیان ہی نہیں رہا۔ انہوں نے جب  اپنے موبائل میں لائسنس کی سافٹ کاپی دکھائی تو پولیس نے ان کو لائسنس کی اصلی کاپی لاکر دکھانے کی ہدایت کے ساتھ گھر جانے کی اجازت دے دی۔

بتایا گیا ہے کہ گذشتہ پارلیمانی الیکشن کے موقع پربھی اسی پستول کے ساتھ  بنگلورو جانے کے لئے نکلنے کے دوران ہوئے آنند اسنوٹیکر پر ہاویری میں انتخابی ضابطے کی خلاف ورزی کا  کیس درج کیا گیا تھا۔اس معاملے میں عدالت نے  حال ہی میں اسنوٹیکر کو بے قصور قرار دیتے ہوئے انہیں قانون کی خلاف ورزی کے جرم سے بری کردیا تھا۔

ایک نظر اس پر بھی

ایم ایل سی انتخابات میں بی جے پی اُمیدوار سنکنور کے پرچار کے لئے فشریس منسٹرکوٹا سرینواس پجاری کا بھٹکل دورہ

کرناٹکا کے مغربی گریجویٹس حلقہ کے لئے  بی جے پی اُمیدوار ایس وی سنکنور کے انتخابی پرچار کاجائزہ لینے آج اتوار کو ماہی گیری اور مزورائی وزیر  کوٹا سرینواس پجاری نے بھٹکل کا دورہ کیا اور بی جے پی دفتر میں بی جے پی ورکروں کے ساتھ میٹنگ کا انعقاد کرتے ہوئے  ایس وی سنکنور کی ...

بھٹکل: شیرور ٹول گیٹ پر مقامی ٹیکسی والوں کو رعایت نہ ملنے  پر ٹیکسی ڈرائیورس نے ٹول گیٹ مینجر سے کی ملاقات؛ عملہ کی جانب سے غنڈہ گردی سے پیش آنے کی کی شکایت

مقامی ٹورسٹ ٹیکسی مالکان اور ڈرائیوروں کی یونین کی طرف سے آئی آر بی کمپنی کے منیجر کو آج ایک میمورنڈم دیا گیا جس میں مطالبہ کیا گیا ہے کہ شیرور ٹول گیٹ پر ان کےسا تھ جو ناانصافی ہورہی ہے اس کا ازالہ کیا جائے۔

بنگلورو میں ریکارڈبارش،برساتی نالے لبریز،سڑکیں تالاب میں بدل گئیں۔ مسلسل تین گھنٹے کی بار ش سے جنوبی بنگلوروزیرآب،500مکانات پانی پانی

بروزجمعہ شہر بنگلورمیں گھن گرج وچمک کے ساتھ مسلسل تین گھنٹوں تک ہوئی موسلادھاربارش سے راجدھانی کے عوام دہل گئے اورشہربارش کے پانی سے دھل گیا۔

ضمنی انتخابات پر وزراء کے ساتھ وزیر اعلیٰ کی خفیہ میٹنگ، ضمنی انتخابات کے نتائج کا اثر حکومت پر نہیں پڑے گا: ایڈی یورپا

دو اسمبلی حلقوں آر آر نگر اور سرا میں ہورہے ضمنی انتخابات سے متعلق وزیر اعلیٰ بی ایس ایڈی یورپانے آج ریاستی وزراء سے خفیہ میٹنگ کی اور یہ امید ظاہر کی کہ دونوں حلقوں میں ان کی پارٹی کامیاب ہوگی۔

کرناٹک کو فوری 10ہزار کروڑ کے خصوصی پیکیج کا اعلان کرنے وزیراعلیٰ نے لکھا خط، 30/ہزار مکانات تباہ

ماہ اگست، ستمبر اور اکتوبر کے دوران بشمول کلیان کرناٹک، ممبئی کرناٹک ریاست کے مختلف مقامات پر ہوئی زبردست بارش اور سیلاب سے ہوئے نقصانات کیلئے فوری 10/ہزار کروڑ روپئے کا خصوصی پیکیج جاری کرنے وزیر اعلیٰ بی ایس ایڈی یورپا نے وزیر اعظم نریندر مودی کو خط لکھا ہے۔