کمٹہ میں کانگریس کا اجلاس - بائک ریلی کے ذریعے قوت کا مظاہرہ
بھٹکل، 5 / مئی (ایس او نیوز) کمٹہ میں کانگریس کے پرجا دھونی ۔2 اجلاس میں شرکت کے لئے بھٹکل تعلقہ کے مرڈیشور سے ایک شاندرا بائک ریلی نکالتے ہوئے کانگریس نے ساحلی پٹی میں اپنی قوت کا مظاہرہ کیا ۔
ضلع انچارج وزیر منکال وئیدیا کی بیٹی بینا وئیدیا کی قیادت میں دوپہر کے وقت مرڈیشور سے بائک ریلی کا آغاز ہوا جس میں ہزاروں کی تعداد میں کانگریسی کارکنان، منکال وئیدیا کے حامی ، ڈاکٹر انجلی نمبالکر کے حامی شریک ہوئے ۔ پھر جب یہ ریلی ہوناور کے گیروسوپا سرکل پر پہنچی تو کانگریسی امیدوار ڈاکٹر انجلی اور بینا وئیدیا نے موٹر گاڑی پر سوار ہو کر لوگوں کی جانب ہاتھوں سے اشارے کرتے ہوئے ریلی کے ساتھ کمٹہ کے منکی میدان تک پہنچ گئے ۔
اس ریلی کی خاص بات یہ تھی کہ اس میں شریک ہونے والے زیادہ تر 'جئے بجرنگی' (ہنومان) جھنڈے لہرا رہے تھے ۔