گرمی کی بڑھتی ہوئی شدت -  5 اضلاع میں ریڈ الرٹ - 14 اضلاع میں آرینج الرٹ 

Source: S.O. News Service | Published on 6th May 2024, 7:46 PM | ریاستی خبریں |

بینگلورو،6 / مئی (ایس او نیوز) ریاست میں گرمی کی بڑھتی ہوئی شدت اور بعض مقامات پر پارہ 42 سے 44 ڈگری سیلسیس تک پہنچنے کے بعد کرناٹکا اسٹیٹ ڈیسیاسٹر مونیٹرنگ سینٹر (کے ایس این ڈی ایم سی) نے 9 مئی تک کے لئے پانچ اضلاع میں ریڈ الرٹ اور 14 اضلاع میں آرینج الرٹ جاری کیا ہے ۔
    
گرمی کی لہر چلنے کے امکانات کے تحت جن اضلاع کے لئے ریڈ الرٹ جاری کیا گیا ہے ان میں باگلکوٹ، بیلگاوی، دھارواڑ، ہاویری اور کوپل شامل ہیں ۔ جبکہ 7 مئی کو جن 14 حلقوں میں لوک سبھا کے انتخابات منعقد ہونے والے ہیں وہاں کے لئے آرینج الرٹ جاری کیا گیا ہے ۔
    
الیکشن کمیشن نے ان علاقوں کے پولنگ سینٹرس گرمی کی شدت سے نمٹنے کے لئے ضروری اقدامات کیے ہیں تا کہ زیادہ سے زیادہ ووٹرس باہر نکل کر اپنے حق رائے دہی کا استعمال کر سکیں ۔ ان پولنگ سینٹروں میں خیموں کی سہولت ، اضافی پنکھے ، کرسیاں ، پینے کے پانی کا انتظام اور ضرورت پڑنے پر کام آنے کے لئے ایمبولینس، نیم طبی اور نرسنگ عملہ، آشا ورکرس وغیرہ کی فراہمی کو یقینی بنایا گیا ہے ۔ 
    
جن 14 حلقوں میں 7 مئی کو پولنگ ہو رہی ہے ان میں چکوڈی، بیلگام، باگلکوٹ، گلبرگہ، بیجاپور، رائچور، بیدر، کوپل، بیلاری، ہاویری، دھارواڑ، شمیوگہ، داونگیرے اور اتر کنڑا شامل ہیں جہاں 28,269 پولنگ اسٹیشنوں میں 2,59,52958 ووٹرس اپنے حق رائے دہی کا استعمال کریں گے ۔ 

ایک نظر اس پر بھی

کرناٹک کے سابق وزیر اعلیٰ یڈ یورپا کے خلاف غیر ضمانتی گرفتاری وارنٹ جاری

کرناٹک کی ایک عدالت نے جمعرات کو سابق وزیر اعلی اور سینئر بی جے پی لیڈر بی ایس یڈیورپا کے خلاف POCSO کیس میں ناقابل ضمانت گرفتاری وارنٹ جاری کیا۔ یدی یورپا کے خلاف بچوں کے تحفظ سے متعلق جنسی جرائم ایکٹ (POCSO) کیس کی جانچ کر رہے کرمنل انویسٹی گیشن ڈیپارٹمنٹ (سی آئی ڈی) نے پہلے انہیں ...

کرناٹک کے سابق وزیر اعلیٰ یڈی یورپا کو سی آئی ڈی کا نوٹس، پوسکو معاملے میں تفتیش کے لیے طلب

سی آئی ڈی نے بی جے پی کے سینئر لیڈر اور کرناٹک کے سابق وزیر اعلیٰ بی ایس یڈ ی یورپا کو ان کے خلاف درج پروٹیکشن آف چلڈرن فرام سیکسوئل افینس ایکٹ (پوسکو) کیس میں تفتیش کے لیے طلب کیا ہے۔

سابقہ حکومت کی نجکاری پالیسی پر کانگریس نے وزارتِ اسٹیل کے نئے وزیر ایچ ڈی کمار سوامی سے پوچھے 5 سوالات

نئی تشکیل شدہ این ڈی اے حکومت میں ایچ ڈی کمار سوامی کو اسٹیل کی وزارت دی گئی ہے۔ ان کے اس عہدے پر فائز ہونے کے بعد کانگریس نے ان سے اس وزارت سے متعلق 5 سوالات پوچھے ہیں۔ کانگریس جنرل سکریٹری جے رام رمیش نے سوشل میڈیا پلیٹ فارم ’ایکس‘ کے اپنے اکاؤنٹ پر ایچ ڈی کمار سوامی سے یہ ...

کرناٹک میں کانگریس کی کارکردگی میں مزید بہتری کی ضرورت: ڈی کے شیوکمار

کانگریس کے زیر اقتدار کرناٹک کے نائب وزیر اعلیٰ ڈی کے شیوکمار نے کرناٹک میں کانگریس کی کارکردگی پر عدم اطمینان کا اظہار کیا ہے۔ انہوں نے کہا کہ کرناٹک میں انتخابی نتائج خطرے کی گھنٹی ہیں اور اس میں بہتری کی ضرورت ہے۔ خیال رہے کہ کرناٹک میں کانگریس کو 28 میں سے محض 9 سیٹیں ہی حاصل ...

جنسی استحصال و فحش ویڈیو معاملہ: عدالت نے پرجول ریونا کو 14 دنوں کے لیے عدالتی حراست میں بھیجا

کرناٹک کے فحش ویڈیو معاملے میں پھنسے جنتا دل سیکولر کے معطل لیڈر پرجول ریونا کو 42ویں اے سی ایم ایم کورٹ نے آج 14 دنوں کی عدالتی حراست میں بھیج دیا۔ یعنی اب وہ 24 جون تک جیل میں رہیں گے۔ اس معاملے کی جانچ کر رہی ایس آئی ٹی نے پیر کی صبح پرجول ریوناسے اپنی پوچھ تاچھ مکمل کر لی، اس ...