نوہیرا شیخ کے خلاف چارج شیٹ داخل ہونے پر دبئی سے سرمایہ لگانے والوں نے کیا خیر مقدم، لیکن رقم واپس ملنے کے تعلق سے شش و پنج برقرار

Source: S.O. News Service | By I.G. Bhatkali | Published on 24th January 2019, 7:38 PM | ساحلی خبریں | ملکی خبریں | خلیجی خبریں |

دبئی 24؍جنوری (ایس او نیوز) ’ہیرا گروپ‘ کی پونزی اسکیم میں سرمایہ لگاکر فریب کھانے والے خلیجی ممالک میں مقیم افراد نے کمپنی کی سی ای او   نوہیرا شیخ کے خلاف ممبئی میں چارج شیٹ داخل کیے جانے کا خیر مقد م کیا ہے۔ مگر ان میں سے بہت سارے لوگ اپنی رقم واپس ملنے کے تعلق سے زیادہ پُر امید بھی نظر نہیں آرہے ہیں۔

دبئی سے شائع ہونے والے معروف انگریزی روزنامہ گلف نیوز کی رپورٹ کے مطابق ممبئی پولیس کی اکانومک آفینسس ونگ (ای او ڈبلیو) نے 22جنوری کو 3ہزار صفحات پر مشتمل چارج شیٹ عدالت میں داخل کی ہے۔جس میں کہا گیا ہے کہ اس نے سرمایہ کاروں کی رقم اپنے ذاتی اکاؤنٹ میں ٹرانسفر کرتے ہوئے بدعنوانی کی ہے۔بیرون ممالک میں رہائش پزیر باشندے جنہوں نے ’حلال‘ کمائی کے نام پر ہیرا گروپ کی مختلف اسکیموں میں اپنی زندگی بھر کی کمائی گنوائی ہے، انہوں نے اس پر کچھ اطمینان کا اظہار تو کیاکہ عدالتی کارروائی آگے بڑھ رہی ہے ، لیکن انہیں یقین نہیں ہے کہ ان کی رقم واپس بھی مل جائے گی۔

شارجہ میں مقیم ایک ہندوستانی باشندے نے کہا کہ:’’ مجھے خوشی ہے کہ پولیس نے نوہیر ا شیخ کے خلاف چارج شیٹ داخل کی ہے۔ لیکن مجھے شک ہے کہ اس سے ہماری صورتحال پر کچھ بڑا فرق پڑے گا۔‘‘خیال رہے کہ اس باشندے نے ہیرا گروپ میں 1,50,000درہم کا سرمایہ لگایا ہوا ہے۔دبئی میں مقیم اے احمد نامی ایک اور سرمایہ کار نے 3,00,000درہم کی کثیر رقم گنوائی ہے ۔ اس کاسوال یہ ہے کہ عدالتی کارروائی کے بعد اگر کمپنی کا اثاثہ فروخت کرکے سرمایہ کاروں کو رقم واپس لوٹانے کا موقع آئے گا تو کیا ہندوستان سے باہر رہنے والوں کو بھی حصہ ادا کیا جائے گا؟

گلف نیوز نے ممبئی ای او ڈبلیو کے چیف ونئے چوبے کا بیان درج کرتے ہوئے لکھا  ہے کہ تحقیق کے دوران نوہیرا شیخ اور اس کی کمپنیوں کے 200بینک کھاتوں کی شناخت کی گئی ہے۔اس کے علاوہ ہندوستان میں 400ملین روپے مالیت کے اثاثوں کا بھی پتہ چلا ہے۔ان جائیدادوں کو عدالتی کارروائی کے بعد نیلام کرکے اس سے ہونے والی آمدنی کو سرمایہ کاروں کے اندر تقسیم کیا جاسکے گا۔

’ہیرا گروپ‘ کا شکارہونے والوں کی آل انڈیا ایسو سی ایشن کے صدر شہباز احمد خان حیدر آباد نے خلیجی ممالک میں مقیم سرمایہ کاروں کو مشورہ دیتے ہوئے کہا ہے کہ ان کے لئے بہترین راستہ ایک ہی ہے کہ وہ اپنے اپنے ملک میں اپنے رہائشی مقامات پر پولیس کے پاس شکایت درج کروائیں۔کیونکہ ہندوستان کے قانون’پروٹیکشن آف ڈپازٹرس آف فنانشیل اسٹابلشمنٹ ایکٹ‘ کے تحت ’ہیراگروپ‘ کے اثاثہ جات سے ہونے والی آمدنی کو انہیں افراد میں تقسیم کیا جائے گا، جنہوں نے پولیس میں مقدمہ درج کیا ہوا ہے۔ جنہوں نے اپنی رقم کا دعویٰ دائر نہیں کیا ہے ، وہ اس سے فائدہ نہیں اٹھا سکیں گے ۔ اس لئے ضروری ہے کہ وہ اپنی شکایات پولیس کے پاس درج کروائیں۔

سمجھا جاتا ہے کہ 35فی صد تک سالانہ منافع تقسیم کرنے کے جھانسے میں تقریباً1,75,000افراد نے اپنی جمع پونجی ہیرا گروپ میں لگادی تھی، جس میں سیکڑوں کی تعداد میں خلیجی ممالک میں رہائش پزیر باشندے بھی شامل ہیں۔دبئی کے فورچیون ایکزیکٹیو ٹاور جمیرا میں ’ہیرا گروپ‘ کا دفتر ہوا کرتاتھا جہاں پر سرمایہ کاری کے لئے رقم وصول کی جاتی تھی۔

یا درہے کہ اکتوبر 2018میں ہیرا گروپ کے دفاتر ممبئی اور دیگر علاقوں میں بند ہوجانے کے بعد اس کمپنی کی سی ای او  نوہیرا شیخ کو سرمایہ کاروں کے ساتھ دھوکہ دہی کے الزام میں پولیس نے گرفتار کرلیا تھا۔جس کے بعد پورے ملک اور بیرون ممالک میں سرمایہ کاروں پر جیسے بجلی گری تھی اور وہ تباہ و برباد ہوکر رہ گئے تھے۔اب دیکھنا یہ ہے کہ عدالتی کارروائیوں کا کیا نتیجہ نکلتا ہے اور کس کو کتنی راحت ملتی ہے۔

ایک نظر اس پر بھی

پلوامہ میں فوجیوں پر حملہ کے بعد اترکنڑا ضلع آٹویونین نے کیا ایک ہفتہ تک آٹو پر سیاہ پٹی باندھ کرشہید فوجیوں کوشردھانجلی دینے کا فیصلہ

جموں کشمیر کےپلوامہ میں سکیورٹی فورس پر ہوئے دہشت گرد حملے کی کڑی مذمت کرتے ہوئے ضلع کے آٹورکشاپر  اگلے ایک ہفتہ تک سیاہ پٹی باندھ کر شہید فوجیوں کو شردھانجلی دینے کا اترکنڑا ضلع آٹو رکشا یونین کے نائب صدر کرشنا نائک آسارکیری نے جانکاری دی۔

اترکنڑا ورکنگ جرنالسٹ اسوسی ایشن کے زیرا ہتمام ماحولیاتی تحفظ ورکشاپ کا انعقاد

ماحولیات سے لگاؤ، تحفظ،چیلنج اور حل کے سلسلے میں منعقد کیا گیا یہ ورکشاپ بہت ہی مفید ہے، اس ورکشاپ سے عوام ماحولیات کے متعلق جوبھی غلط فہمی ہے اس کو دور کرنے میں معاون ہونے کا رکن اسمبلی سنیل نائک نے خیال ظاہرکیا۔

بھٹکل میں مجلس اصلاح وتنظیم کی جانب سے پلوامہ دہشت گردانہ حملہ کی کڑی مذمت: تحصیلدار کی معرفت وزیراعظم کو میمورنڈم ؛کڑی کارروائی کا مطالبہ

کشمیر کے پلوامہ میں دہشت گردانہ حملے کی کڑی مذمت کرتے ہوئے مجلس اصلاح وتنظیم بھٹکل نے تحصیلدار کی معرفت وزیر اعظم نریندر مودی کو اپیل سونپتے ہوئے دہشت گردی کا کرار ا جواب دینے کا مطالبہ کیا۔

لوک سبھا انتخابات 2019: مہاراشٹر کے سابق وزیر اعلی نارائن رانے کا دعوی، اکیلے لڑیں گے عام انتخابات

لوک سبھا انتخابات میں چند ماہ کا وقت رہ گیا ہے، اور اتحاد کا بننا۔ٹوٹنا اس وقت عروج پر ہے۔ایک طرف پورا اپوزیشن وزیر اعظم نریندر مودی اور ان کی بھارتیہ جنتا پارٹی کے خلاف متحد ہونے کی کوششوں میں مصروف ہے،

کیرالہ کی این آر آئی خاتون نے منگلورو ایئرپورٹ اسٹاف پر لگایا ،جان بوجھ کر پاسپورٹ پھاڑنے کا الزام؛ ائرپورٹ ڈائرکٹر نے الزام کو کیا خارج

 پڑوسی ریاست کیرالہ۔  کاسرکوڈ کے  ایک این آر آئی نے   الزام لگایا ہے کہ منگلورو انٹرنیشنل ایئر پورٹ پر سیکیوریٹی اسٹاف نے جان بوجھ کر اس کی بیوی کا پاسپورٹ اُس وقت   پھاڑ دیا جب وہ اپنے دو چھوٹے بچوں کے ساتھ دبئی روانہ ہونے کے لئے پہنچی تھی۔پاسپورٹ پھاڑنے کے بعد  ائرپورٹ ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔

دبئی میں راہل نے اخبار نویسوں سے کہا؛ ’بی جے پی مشتعل اور غیر روادار؛ کررہی ہے ہمارے اداروں کو برباد؛ مگر ہم اب اُنہیں ایسا کرنے دیں گے

متحدہ عرب امارات کے دورہ پر پہنچے راہل گاندھی نے دبئی میں پریس کانفرنس سے خطاب کرتے ہوئے مودی حکومت پر راست حملہ کیا اور  کہ  ’’بی جے پی مشتعل اور غیر روادار ہو رہی ہے اور ہمارے اداروں کو برباد کر رہی ہے، جیسا کہ  سپریم کورٹ ، ریزرو بینک اور الیکشن کمیشن   آف انڈیا  میں ...

دبئی میں راہول گاندھی نے کہا؛ میں آپ کے من کی بات سننے آیا ہوں؛ ہزاروں کی بھیڑ میں راہول کا چل گیا جادو؛ راہول۔راہول کے نعرے

کانگریس کے صدر راہل گاندھی نے کہاکہ آئندہ برس ہونے والے عام انتخابات کے بعد مرکز میں ان کی حکومت بننے پر آندھراپردیش کو خصوصی ریاست کا درجہ دیا جائے گا۔متحدہ عرب امارات کے اپنے پہلے دورہ پر آئے مسٹر گاندھی نے جمعہ کو شرمک کالونی میں رہنے والے ہندوستانیوں سے خطاب کرتے ہوئے کہا ...

ایران سے رہا ہونے والے سبھی ہندوستانی ماہی گیر خیروعافیت کے ساتھ دبئی پہنچ گئے

کل منگل کو ایرانی عدالت کے حکم سے رہا ہونے والے ضلع اُتر کنڑا کے 18 ماہی گیر سمیت جملہ 28 ماہی گیروں کی دونوں بوٹ  آج بدھ رات کو خیر و عافیت کے ساتھ دبئی پہنچ گئی۔ جس کے ساتھ ہی سبھی ماہی گیروں کے گھروالوں اور دوست احباب میں خوشی کی لہر دوڑ گئی ہے۔