وہاٹس ایپ، فیس بُک، انسٹاگرام، مسینجر سروس ڈاون؛ فوٹوز اور وڈیوز نہیں ہورہے ہیں ڈاون لوڈ؛ بڑی ہیکنگ یا سائبر وار کی شروعات ؟

Source: S.O. News Service | By I.G. Bhatkali | Published on 4th July 2019, 2:27 AM | ساحلی خبریں | ملکی خبریں | عالمی خبریں |

بھٹکل  3/جولائی (ایس او نیوز) دُنیا کی سب سے بڑی سوشیل نٹ ورک کمپنی کی لگ بھگ سبھی بڑی سروس ڈاون ہوگئی ہے، وہاٹس ایپ، میسنجر   اور فیس بُک سروس  ایک طرح سے ٹھپ ہوگئی ہے۔ فوٹو، وڈیو، وائس مسیج  ڈاون لوڈ نہیں ہورہے ہیں، یہ مسئلہ بدھ  کو شام   قریب پانچ بجے سے شروع ہوگیا ہے۔ بتایا گیاہے کہ سروس بند ہوجانے کے بعد کئی  لوگوں نے  سوشیل نٹ ورک کمپنی  کوشکایت درج  کرنی شروع کردی ہیں۔

فیس بُک کی جانب سے ٹویٹ کرتےہوئے اس بات کی وضاحت بھی کی گئی ہے  کہ  کمپنی نے سبھی سروس  کو ٹھیک کرنے کا کام شروع کردیا ہے، لیکن اس بات کی اطلاع نہیں دی گئی ہے کہ  یہ مسئلہ کیوں پیدا ہوا اور کب تک مسئلہ حل ہوگا۔

میڈیا رپورٹوں کے مطابق ایک عرب سے زائد فیس بُک استعمال کرنے والے لوگ فیس بُک پر  فوٹوز نہیں دیکھ پارہے ہیں، رپورٹ کے مطابق فوٹوز ڈاون لوڈ ہی نہیں ہورہے ہیں۔ کچھ یوزرس (استعمال کرنے والے لوگوں) نے  ٹویٹر پر اس بات کا شبہ ظاہر کیا ہے کہ  امریکی کمپنی فیس بُک پر  روس اور چین نے سائبر وار  کیا ہے۔

وہاٹس ایپ پر اگر کوئی فوٹوز آپ لوڈ کرکے روانہ کرنے میں کامیاب ہورہے ہیں تو  سامنے والے اُس فوٹوز کو ڈاون لوڈ نہیں کرپارہے ہیں،  خبریں یہ بھی ہیں کہ  بعض   لوگوں کو  فوٹوز آپ  لوڈ بھی نہیں ہورہے ہیں۔ بعض لوگ فوٹوز  کو اپنے Status  پر لگانے میں کامیاب ہورہے ہیں تو اکثر لوگ  Status  پر فوٹوز آپ لوڈ بھی نہیں کرپارہے ہیں۔

میڈیا رپورٹوں کے مطابق فیس بُک، مسینجر، وہاٹس ایپ اور انسٹا میں پہلی بار دقت نہیں آئی ہے، اس سے پہلے بھی مسائل پیدا ہوئے ہیں  لیکن اس بار  فوٹوز یا وڈیوز آپ لوڈ اور ڈاون لوڈ کرنے  میں دقت آرہی ہے۔

وہاٹس ایپ اور فیس بُک کے دنیا بھر میں عربوں یوزرس ہیں،  اور آج اچانک   فوٹوز یا وڈیو ز ڈاون لوڈ  نہ کرپانے پر  لوگ ٹویٹ کرتے ہوئے   بڑی ہیکنگ یا ڈاٹا  لیک  ہونے   کا شبہ ظاہر کررہے ہیں ۔ لوگوں کا کہنا ہے کہ  چونکہ فیس بُک پہلے سے ہی کیمبرج  انلیٹیکا  ڈیٹا اسکینڈل  کے بعد سے  لگاتار سوالوں کے گھیرے میں ہے، اس لئے لوگوں کا ڈر بھی بے وجہ  نہیں ہے۔ ٹویٹر پر کچھ لوگوں کاکہناہے کہ سائبر وار کی وجہ سے ہی ایسا ہوا ہے تو کچھ کا کہنا ہے کہ فیس بُک میں کوئی بڑا ڈیٹا لیک ہونے والا ہے۔

کچھ لوگوں نے ٹویٹر پر اس بات کی اطلاع دی ہے کہ  مسئلہ صرف یوروپی، امریکی اور افریقی ممالک میں ہی ہے، مگر اُدھر گلف  ممالک میں بھی  بالخصوص  وہاٹس ایپ  کو لے کر اسی طرح  کی شکایتیں موصول ہوئی ہیں اور لوگ کہہ رہے کہ شام سے ہی فوٹوز، وڈیوز اور وائس مسیج ڈاون لوڈ نہیں  ہورہےہیں۔ لوگوں نے بتایا کہ جب بھی کوئی فوٹو ڈاون لوڈ کرنے کی کوشش کی جاتی ہے تو  ایک مسیج سامنے آتا ہے  کہ Can't download. Please ask that it be resent to you, اسی طرح کی شکایتیں انڈیا  میں بھی پائی گئی ہیں۔   ہندوستانی یوزرس نے بتایا کہ  وہاٹس ایپ پر فوٹوز آپ لوڈ تو ہورہے ہیں مگر فوٹوز ڈاون لوڈ نہیں ہورہے ہیں۔

بعض میڈیا رپورٹوں کے مطابق  پوری دنیا میں  وہاٹس ایپ، فیس بک اور انسٹا گرام  میں  فوٹوز کا مسئلہ پیدا ہوگیاہے اور کمپنی نے  قبول کیاہے کہ  کچھ مسئلہ پیدا ہوگیاہے اور  ماہرین اسے درست کرنے میں لگے ہوئےہیں۔ میڈیا رپورٹوں کے مطابق   کمپنی نے  دنیا بھر میں پھیلے عربوں  یوزرس سے  مسئلہ پیدا ہونے پر معذرت چاہی ہے اور بہت جلد مسئلہ حل کرنے کی یقین دھانی کرائی ہے۔

 وہاٹس ایپ کا استعمال کرنے والے کئی لوگوں نے ایسی تصویریں بھی ٹویٹ کی ہیں جو واقعی چونکانے والی ہیں کچھ لوگ ٹویٹر پر فیس بُک کی سبھی سروس ڈاون ہونے کو سائبر وار کی شروعات مان رہے ہیں، کچھ کا کہنا ہے کہ ایران میں پچھلے آٹھ دنوں سے انٹرنیٹ کی سروس ٹھپ ہے، لہٰذا اُس کا بھی تذکرہ کیا جارہاہے۔ ایک ٹویٹر استعمال کرنے والے نے فیس بُک البم کا اسکرین شارٹ شئیر کیا ہے جس میں کوئی بھی  فوٹو نظر نہیں آرہا ہے لیکن حیرانی کی بات یہ ہے کہ فوٹو کی جگہ پر اُس فوٹو میں  دستیاب تفصیل کے بارے میں لکھا ہے، جیسے فوٹو میں کون ہیں اور اُس نے کیا پہن رکھا ہے یا کس کے ساتھ ہے، اس اسکرین شارٹ میں یہ چیزیں صاف دیکھی گئی ہیں۔حالانکہ زیادہ تر فیس بُک یوزرس کو کسی بھی طرح کی فیس بک  فوٹوز دیکھنے میں دقت ہورہی ہے، وہاٹس ایپ پر کوئی بھی فوٹو نہ تو ڈاون لوڈ ہورہی ہے اور نہ ہی اُسے دیکھا جاسکتا ہے۔

اب یہ دیکھنا دلچسپ ہوگا کہ وہاٹس ایپ اور فیس بک کی جانب سے  کس طرح کی وضاحت سامنے آتی  ہے،   یہ دیکھنا بھی اہم ہوگا کہ کیا   سوشیل میڈیا کی تمام  تفصیلات کو کسی نے ہیک کرنے میں کامیابی حاصل کی ہے یا پھر  سائبر وار کے ذریعے  سروس کو  متاثر کرنے کی کوشش کی گئی ہے۔

ایک نظر اس پر بھی

کیرالہ کے وائناڈمیں ٹیچراور انتظامیہ کی غفلت کا دردناک انجام۔ کلاس روم میں سانپ کاٹنے سے بچی کی موت۔ طلبہ کا احتجاج۔ ٹیچراور ڈاکٹر معطل

کیرالہ کے سیاحتی مقام وائناڈ میں واقع سرکاری سرواجناہائر سیکنڈری اسکول کے ٹیچر اورانتظامیہ کے غیر ذمہ دارانہ رویے کی وجہ سے پانچویں جماعت میں پڑھنے والی معصوم طالبہ کی جان چلے جانے کا واقعہ پیش آیا ہے۔

گنگولی توحید انگلش میڈیم اسکول میں معصوم طلبا کے لئے ’ٹنی ٹواٹس‘ثقافتی  پروگرام کا انعقاد

توحید انگلش میڈیم اسکول گنگولی کے مولانا ابوالکلام آزاد آڈیٹوریم میں 20نومبر2019بروز بدھ کو اسکول کے چھوٹے چھوٹے معصوم بچوں کے لئے ’ٹِنی ٹواٹس‘ کے نام پر ایک انوکھے پروگرام کا انعقاد کرتےہوئے انہیں ثقافتی پروگرام کے ذریعے اپنی صلاحیتوں کو پیش کرنے کا موقع دیاگیا۔

انکولہ اور گوکرن میں پوجا کے لئے پہنچے کانگریس دگج لیڈر ڈی کے شیوکمارنے کہا’ضمنی انتخابات پارٹی کے لئے نہیں بلکہ  رائے دہندگان کے وقار کا سوال ہے‘

ریاست میں ہورہے ضمنی انتخابات رائے دہندگان کے لئے ایک وقار بن گیا ہے ، ان انتخابات میں میری یا کانگریس کے وقار کاسوال نہیں ہے، ووٹروں کی خود اعتمادی کو دھکا لگاہے، اس کا وہی صحیح اور ٹھیک ٹھیک جواب دیں گے۔ کانگریس کے دگج لیڈر ڈی کے شیوکمار نے ان خیالات کا اظہار کیا۔

بھٹکل کے بیلنی موگیر کیری سڑک پرکی گئی  اتی کرم کونکال باہر کرنے پنچایت سے عوام کا مطالبہ

تعلقہ کے ماوین کوروے گرام  پنچایت حدود کی بیلنی موگیرکیری سڑک کو اتی کرم کئے جانے سے سڑک کی دوبارہ تعمیر کے دوران چوڑائی کم ہوگئی ہے، عوامی مفاد کی خاطر پنچایت کی انتظامیہ فوری طورپر سڑک اتی کرم کو نکال باہر کرنےکی کارروائی کا مطالبہ لےکر دیہی عوام نے یوتھ منڈل کی قیادت میں ...

کاروار میں فلائی اوور اور قومی شاہراہ کو جوڑنے میں تکنیکی  دقت : فورلین کےلئے تعمیر کی جارہی سرنگوں کو لےکر مسائل

کاروار کے الی گدا کے قریب قومی شاہراہ فورلین کے لئے  ایک سرنگ تعمیر کی جارہی ہے، متعلقہ  سرنگ کی تعمیر جب سے  شروع ہوئی ہے اسی وقت سے  کوئی نہ کوئی مسئلہ پیش آتا رہاہے۔ یہ سوال بھی جنم لے رہاہے کہ کیا یہ سرنگ عوام کے لئے محفوظ ہے؟۔ حالیہ تعمیر کئے جارہے فلائی اوور اور قومی ...

کشمیر: غیر یقینی صورتحال کے 110 دن، سری نگر کی جامع مسجد 16 ویں جمعے کو بھی مقفل

 وادی کشمیر میں 110 دنوں سے جاری غیر اعلانیہ ہڑتال اور غیر یقینی صورتحال کے بیچ جمعہ کے روز جہاں وادی میں کہیں مکمل تو کہیں جزوی ہڑتال سے معمولات زندگی متاثر رہے وہیں نوہٹہ میں قائم وادی کی سب سے قدیم معبد جامع مسجد بھی مسلسل 16 ویں جمعے کو بھی مقفل رہی۔

ادھو ٹھاکرے کے سرسجے گا مہاراشٹر کا تاج، وزیر اعلیٰ بنائے جانے پر رضامند ،جانئے کب ہوگا اعلان

مہاراشٹر میں نئی حکومت کے قیام کا راستہ صاف ہو گیا ہے۔ ممبئی میں جمعہ کو شیوسینا، کانگریس اور این سی پی کے رہنماو ¿ں نے حکومت تشکیل کو لے کر پہلی بار ایک ساتھ ملاقات کی اور ادھو ٹھاکرے کو وزیر اعلیٰ بنائے جانے پر رضامند ہوگئے۔ اس کی جانکاری این سی پی سربراہ شرد پوار نے دی۔

ایران میں انٹرنیٹ سروس: حکمرانوں کے  لئے حلال اور عوام کیلئے حرام

ایران میں انٹرنیٹ منقطع ہونے کا سلسلہ 100 گھنٹوں سے زیادہ تجاوز کر چکا ہے۔ یہ بات انٹرنیٹ کی جانچ کرنے والی بین الاقوامی تنظیم Net Blocks نے جمعرات کی صبح بتائی۔تنظیم نے ٹویٹر پر اپنے سرکاری اکاؤنٹ پر مزید کہا کہ ایرانی حکام نے اپنے عوام کا دنیا سے رابطہ مکمل طور پر کاٹ دیا ہے۔

کیا ایرانی انٹیلی جنس القدس فورس کی جاسوسی کر رہی ہے؟

امریکی جریدے نے پیر کے روز جن ایرانی دستاویزات کو اِفشا کیا ان سے ایرانی وزارت انٹیلی جنس اور القدس فورس کے درمیان تنازع اور مسابقت کی تصویر سامنے آ گئی۔ القدس فورس ایرانی پاسداران انقلاب کی بیرون ملک کارروائیوں کی ذمے دار تنظیم ہے۔جریدے کی ویب سائٹ پر جاری رپورٹوں میں 700 ...

حوثیوں کی طرف سے جنگی طیارہ مار گرانے کا دعویٰ بے بنیاد ہے:المالکی

یمن میں آئینی حکومت کے دفاع کے لیے لڑنے والے عرب عسکری اتحاد کے ترجمان کرنل ترکی المالکی نے بدھ کے روزان خبروں کی سختی سے تردید کی ہے جن میں دعویٰ کیا گیا تھا کہ حوثی ملیشیا نے عرب اتحاد کا ایک 'ایف 15' جنگی طیارہ مار گرایا ہے۔

پولیو کیس میں اضافہ، 2019 پاکستان کے لیے بھیانک قرار

اقوامِ متحدہ کے زیرِ انتظام کام کرنے والے ادارے انڈیپنڈنٹ مانیٹرنگ بورڈ (آئی ایم بی) اور گلوبل پولیو اریڈیکیشن پروگرام (جی پی ای آئی) نے اپنی جاری کردہ 17 ویں سالانہ رپورٹ میں 2019 کو پاکستان میں پولیو وائرس کی جیت اور مریضوں کے لیے ’بھیانک سال‘ قرار دے دیا ہے۔