ایران میں قید ضلع شمالی کینرا کے ماہی گیروں نے رہائی کی اپیل کے ساتھ جاری کیا نیا ویڈیو؛ اُترکنڑا کے ڈپٹی کمشنر نے جلد رہائی کی دی یقین دہانی

Source: S.O. News Service | By Staff Correspondent | Published on 13th November 2018, 9:10 PM | ساحلی خبریں | خلیجی خبریں |

بھٹکل 13؍نومبر (ایس او نیوز) قریب چار ماہ قبل ایران  کے کِش میں گرفتار ضلع اُترکنڑا کے ماہی گیروں نے نئی وڈیو کلپ جاری کرتے ہوئے بھٹکل و دبئی جماعتوں کے ساتھ ساتھ وزیر خارجہ سشما سوراج سے   درخواست کی ہے کہ  اُن کی جلد رہائی کے لئے ضروری اقدامات کئے جائیں۔ وڈیو کلپ میں انہوں نے بتایا ہے کہ بھٹکل، ہوناور، کمٹہ اور شرور سے جملہ 18 ماہی گیروں کو  قریب چار ماہ سے دو بوٹوں پر نظر بند رکھا گیا ہے اور لمبے عرصے سے رہائی نہ ہونے سے وہ سخت پریشان ہیں، انہوں نے اپنے گھروالوں کی بھی پریشانی کا تذکرہ کرتے ہوئے بتایا ہے کہ  ان کی گرفتاری کے بعد گھر میں دوسرا کمانے والا نہ ہونے کی وجہ سے گھر والےبھی سخت پریشان ہیں۔ٍ

خیال رہے کہ ایرانی سمندری حدود کی  خلاف ورزی کرنے کے الزام میں دبئی سے ماہی گیری کے لئے نکلنے والے شمالی کینرا کے 18افراد کو ایرانی حفاظتی دستے نے گزشتہ تقریباً  چار مہینوں سے ’کشتیوں میں قید‘کررکھا ہے ۔ گرفتار ماہی گیروں نے قریب ایک ماہ قبل ایک وڈیو جاری کرتے ہوئے بتایا تھا کہ  ایرانی حفاظتی دستے کے ذریعے تین ماہی گیر کشتیوں کو ضبط کرتے ہوئے ان پر موجود بھٹکل سمیت ضلع شمالی کینرا کے 18ماہی گیروں کو قید کیا گیا ہے۔ پہلے جاری کی گئی وڈیو میں  انہوں نے اپنی رہائی کی اپیل کی تھی اور کہا تھا کہ اُنہیں لگ رہا تھا کہ وہ آج کل میں رہا ہوجائیں گے، مگر تین ماہ ہونے کے بائوجود رہا نہیں کئے جانے پر انہوں نے واقعے کی اطلاع گھروالوں کو دی  ۔

گھروالوں نے گرفتاری کی خبر ملتے ہی بھٹکل کے سماجی ادارہ مجلس اصلاح و تنظیم سے رابطہ کیا تھا، جنہوں نے دبئی میں مقیم قائد قوم جناب ایس ایم سید خلیل الرحمن کو واقعے کی جانکاری دیتے ہوئے  مداخلت کرنے اور ماہی گیروں کی رہائی کے لئے کوشش کرنے کی درخواست کی تھی۔ جناب ایس ایم سید خلیل الرحمن نے کرناٹکا این آر آئی فورم کے ساتھ دبئی میں ہندوستانی کونسلیٹ سے رابطہ کیا تھا اور ماہی گیروں کی رہائی کے لئے فوری اقدامات کرنے کی اپیل کی تھی۔ اس تعلق سے  گرفتار ماہی گیروں کے گھروالوں نے  مجلس اصلاح و تنظیم بھٹکل کے توسط سے وزیر خارجہ سشما سوراج کے نام   بھٹکل اسسٹنٹ کمشنر کو ایک میمورنڈم بھی سونپا تھا،  مقامی سمیت قومی میڈیا میں بھی واقعے کے تعلق سے رپورٹیں شائع ہوئیں تھیں جس کو دیکھتے ہوئے لگ رہا تھا کہ  سبھی ماہی گیروں کی جلد سے جلد رہائی ممکن ہوگی، مگر اتنا سب کچھ ہونے کے ایک ماہ بعد بھی کچھ  نہیں ہوا تو ماہی گیروں نے ایک نیا وڈیو جاری کیا۔

واضح رہے کہ  جولائی اور اگست میں کشتیوں سمیت گرفتار کیے گئے ان ماہی گیروں کو ایران کے ’کش‘ جزیرے میں کشتیوں کے اندر ہی نظر بند رکھا گیا ہے۔ان میں سے 6افراد کو پہلے قید کرکے جیل میں بھیج دیاگیا تھا، مگر گزشتہ ایک مہینے قبل ان کو جیل سے تو رہا کردیا گیا مگرواپس لاکر ماہی گیر کشتی میں موجود دیگر ساتھیوں کے ساتھ نظر بند کردیا گیا ۔یہ تمام نظر بند ماہی گیر قریب چار مہینوں سے آس لگائے بیٹھے ہیں کہ ہندوستانی حکومت ، مداخلت کرتے ہوئے انہیں اس نظر بندی سے رہائی دلوائے  گی۔

تازہ ویڈیو کلپ میں تین کشتیوں میں قید تمام 18ماہی گیروں کو دیکھا جاسکتا ہے۔ ان میں سے عثمان بومبیکر نے اپنی مصیبت کا اظہار کرتے ہوئے امید ظاہر کی ہے کہ ہندوستانی حکومت اور خاص کر وزیر خارجہ سشما سوراج ان کی رہائی کے لئے آگے بڑھیں گی جیسا کہ انہوں نے اس سے قبل اکثر معاملات میں مداخلت کرتے ہوئے بیرونی ممالک میں پریشان حال ہندوستانیوں کو راحت دلائی ہے۔اس کے علاوہ انہوں نے مجلس اصلاح و تنظیم اوردیگر اداروں سے بھی اپیل کی ہے کہ ان کو نظر بندی سے چھڑانے کے لئے مزیدکوششیں کریں۔

ساحل آن لائن سے وہاٹس ایپ کال  پر گفتگو کرتے ہوئے عثمان بومبیکر نے بتایا کہ جملہ تین بوٹوں پر سوار ضلع اُترکنڑا کے 18 ماہی گیروں کو گرفتار کیا گیا ہے جس میں  بھٹکل تینگنگونڈی کےچھ، مرڈیشور کے تین، کمٹہ کے چھ، ہوناور منکی کا ایک اور شیرور، اُڈپی ضلع کا ایک ماہی گیر شامل ہیں۔ عثمان نے یہ بھی بتایا کہ  ایران نیوی نے بوٹ پر موجود  بوٹ مالکان متحدہ عرب امارات کے دو  عرب لوگوں کو بھی گرفتار کیا ہے جن کو اب گذشتہ ایک ماہ سے بوٹ سے نکال کر جیل میں بند کیا گیا ہے اور خبر ملی ہے کہ ایران کے ایک وکیل کےذریعے اُن دونوں کی اگلے دو تین دنوں میں رہائی ممکن ہے۔ عثمان کے مطابق گرفتار دو عرب مالکان کے توسط سے ہی سبھی ماہی گیروں کے لئے کھانے پینے   کا انتظام  جاری ہے۔ عثمان کے مطابق  ابھی تک کسی بھی ماہی گیر کو ایران کی کسی بھی عدالت میں بھی پیش نہیں کیا گیا ہے ۔عثمان نے یہ بھی بتایا کہ اُن کی گرفتاری سے قبل گجرات اور کیرالہ کی بوٹوں کو بھی  ایران نیوی نے گرفتار کیا تھا، اور  اُنہیں اُن کی ریاستی حکومتوں کے وزراء  اعلیٰ نے سرکاری سطح پر گفتگو کرتے ہوئے رہا کروایا تھاعثمان کے مطابق اگر کرناٹک سرکار بھی  اس تعلق سے مداخلت کرے تو سبھی 18 ماہی گیروں کی فوری رہائی ممکن ہوگی۔

اس ویڈیو کلپ کے موصول ہونے کے بعد اُترکنڑا کے ڈپٹی کمشنر ایس ایس نکول نے تمام قیدیوں کے نام ، پاسپورٹ نمبر اور  گھروالوں کے ٹیلی فون  نمبر حاصل کرنے کے بعد وزارت خارجہ سے رابطہ قائم کیاہے اور ماہی گیروں کی  تمام تفصیلات سے اُنہیں آگاہ کرایا ہے۔ انہوں نے کہا کہ :’’ ہم نظر بند قیدیوں سے  رابطہ قائم کرکے واقعے سے متعلق تمام تفصیلات حاصل کی ہیں اوران کی رہائی کے لئے وزارت خارجہ کو رپورٹ بھی ارسال کی ہیں۔‘‘ ڈپٹی کمشنر نے یقین دلایا کہ وہ اس تعلق سے  اپنی جانب سے ہرممکن کوشش کریں گے کہ ضلع کے سبھی ماہی گیروں کی فوری رہائی کو یقینی بنائیں۔

ایک نظر اس پر بھی

بھٹکل تعلقہ بیلکے ہائی اسکول میں ایندھن کے صحیح استعمال پر آئیل کمپنی بیلگام کے ریجنل مینجر کا خطاب

جہاں بھی ایندھن کا استعمال کریں ہم ضرورت کے تحت کریں آج کل ایندھن کازیادہ تر غلط استعمال ہورہاہے جس کے نتیجے  میں آئندہ حالات  بگڑ سکتےہی۔ آئی اؤ سی ایل  بیلگام کے چیف ریجنل مینجر وی رمیش بابو نے ان خیالات کا اظہار کیا۔

کاروار: ای۔جائیداد کے متعلق الجھن اور پیچیدگی پیدا نہ کریں : وڈیوکانفرنس کے ذریعے ڈی سی کی ضلع و تعلقہ جات افسران کو ہدایت

اترکنڑا ضلع کے شہری علاقوں میں 95فی صد ای ۔ جائیداد کا سافٹ وئیر تیار ہے۔ مقامی افسران کسی بھی پیچیدگی کو جگہ نہ دیتے ہوئے سرگرم ہونے کی ضلع ڈپٹی کمشنر ڈاکٹر ہریش کمار نے ہدایات جاری کی ہیں۔

ضلع پنچایت سی ای او کے حکم پر بھٹکل تحصیلدار نے ہٹائیں مرڈیشور میں غیرقانونی دکانیں

ترکنڑا ضلع پنچایت چیف ایکزی کوٹیو آفسر(سی ای او)  محمد روشن کے حکم پر عمل درآمد کرتے ہوئے بھٹکل تحصیلدارکی قیادت میں ریوینیو ڈپارٹمنٹ کے افسران نے جمعرات کو دکانداروں کی مخالفت کے باوجود مرڈیشور کے سڑک کنارے بنی ہوئی غیر قانونی دکانوں کو ہٹانے کی کارروائی انجام دی۔

بھٹکل کاراسٹریٹ پر رات کے اندھیرے میں کچرا پھینکنے والوں کا بالاخر پتہ چل گیا، سی سی ٹی وی میں قید ہوگیا منظر

یہاں کار اسٹریٹ جیسی مصروف سڑک پر رات کے اندھیرے میں کچرے کا ڈھیر لگانے والوں سے عوام اور دکاندار بہت ہی زیادہ پریشان تھے اور کچرہ پھینکنے والوں کا پتہ لگانے کی کوششوں میں مصروف تھے، مگر بدھ کی شام کو بالاخر ایک رکشہ سے کچرہ پھینکنے کا منظر قریب میں واقع سی سی  ٹی وی کیمرے میں ...

بھٹکل نوائط کالونی کے عوام کی ہیسکام سے شکایت؛ 15 دنوں کی زائد میٹر ریڈنگ کے ساتھ تھمایاجارہا ہے بِل

بھٹکل ہیسکام کی جانب سے ہر ماہ 4, 5 اور 6  تاریخ کو گھروں میں دیا جانے والا بِل 18, 19 اور 20 تاریخوں کو دیا جاتا ہے جس کے نتیجے میں  12 سے 15 دنوں کی میٹر  Reading زائد ہوجاتی ہے اور ریڈنگ مطلوبہ یونٹ سے زائد ہونے کی صورت میں ہیسکام کی طرف سے پینالٹی بھی ڈالی  جاتی ہے، اس طرح کی شکایتیں ...

اترکنڑا ضلع میں موسلادھار بارش اور سیلاب سے سڑکیں خستہ : مسافر، عوام اورڈرائیور پریشان

اترکنڑا ضلع میں موسلادھار بارش اور سیلاب و طغیانی کی وجہ سے سب سے زیادہ سڑکوں کو نقصان پہنچا ہے ۔ عام زندگی معمول پر لوٹ کر ایک ماہ ہونےکو ہے لیکن راستوں کی حالت اب بھی خستہ حال ہے جس سے مسافروں کو کافی پریشانی ہونے کی اطلاعات موصول ہورہی ہیں۔

بھٹکل مسلم جماعت بحرین کے انتخابات کے بعد نئے عہدیداران کا انتخاب؛ اسحاق پلور صدر اور سرفراز محتشم جنرل سکریٹری منتخب

گذشتہ روز ہوئے عام انتخابات کے بعد  بھٹکل مسلم جماعت بحرین کے لئے نئے عہدیداران کا انتخاب عمل میں آیا ہے جس میں متفقہ طور پر  جناب محمد اسحاق پلور صدر اور جناب  سرفراز احمد محتشم  جماعت کے نئے جنرل سکریٹری منتخب ہوئے۔

بھٹکل مسلم جماعت بحرین کا سالانہ جلسہ اور عام انتخابات؛ بیلٹ پیپر کے ذریعے 12 اراکین منتخب؛ پیر کو ہوگا عہدیداران کا انتخاب

بھٹکل مسلم جماعت کا سالانہ جلسہ اور عام انتخابات مورخہ 10 ستمبر کوبحرین کے فارم ہاوس میں منعقد ہوا جس میں 12 اراکین انتظامیہ کا انتخاب عمل میں آیا۔  انتخابات کے لئے جناب محمد شکیل مصباح صاحب کو الیکشن کمشنر کی ذمہ داری سونپی گئی تھی جنہوں نے نہایت ہی حسن خوبی کے ساتھ اپنے فرائض ...

دبئی : متحدہ عرب امارات میں انسانوں کواسمگل کرنے کی کوشش ناکام۔ ٹرک کے خفیہ خانے سے برآمد ہوئے 18افراد

گلف نیوز میں شائع ایک رپورٹ کے مطابق ابوظہبی پولیس اور کسٹمز نے ایک مصدقہ اطلاع پر کارروائی کرتے ہوئے ختم الشکلا سرحد سے غیر قانونی طور پر ٹرک کے اندر 18افراد کو چھپاکر لانے اور متحدہ عرب امارات میں داخل کروانے کی کوشش کوناکام کردیا ہے۔

مکہ مکرمہ کو ”اسمارٹ سٹی“ بنانے کا منصوبہ، عازمین حج وعمرہ کو سہولتیں فراہم کرنے کا مقصد، جاپانی کمپنی خدمات حاصل

سعودی عرب کی حکومت نے مکہ معظمہ کو ”اسمارٹ سٹی“ بنانے کا فیصلہ پر باقاعدہ کام کا آغاز کردیا ہے۔ کچھ دن قبل مکہ معظمہ کے گورنر اور خادم الحرمین الشریفین شاہ سلمان بن عبدالعزیز کے مشیر شہزادہ خالد الفیصل نے مکہ معظمہ کو اسمارٹ سٹی بنانے کا اعلان کیا تھا۔

متحدہ عرب امارات نے وزیر اعظم مودی کو اعلی ترین شہری اعزاز سے سرفراز کیا ۔ دنیا بھر میں یو اے ای کے اقدام کی مذمت

متحدہ عرب امارات نے ہندوستان کے وزیر اعظم نریندر مودی کو اپنے اعلی ترین شہری اعزاز سے سرفراز کردیاہے ۔ متحدہ عرب امارات نے چند دنوں قبل اعلان کیاتھا کہ وہ ہندوستان کے وزیر اعظم نریندر مودی کو اپنا اعلی ترین سول ایوارڈ دیں گے ۔