بھٹکل:7؍ مارچ(ایس اؤ نیوز) کرناٹکا یونیورسٹی دھارواڑ کے انٹرکالجیٹ سکینڈزون  کرکٹ ٹورنامنٹ کے فائنل میں میزبان کے ایل ای سوسائٹی کی جے جی کالج آف کامرس ہبلی کو شکست دے کر یسین کی کپتانی والی بھٹکل انجمن ڈگری کالج نے شاندار جیت درج کرتے ہوئے  چمپئین شپ حاصل کرنے میں کامیاب ہوگئی ہے۔

جے جی کالج آف کامرس ہبلی  کی میزبانی میں بی وی بی گراؤنڈ ہبلی کے میدان میں 2سے 5مارچ تک منعقد ہ انٹر کالجیٹ کرکٹ ٹورنامنٹ کے فائنل میں  انجمن کالج بھٹکل کی ٹیم نے بہترین پرفارمینس پیش کیا اور ہبلی کالج کو  5وکٹوں سے ہرا دیا۔

میزبان جے جی کالج آف کامرس اس ٹورنامنٹ میں  رنرز اپ قرار پائی۔

 فائنل میں میزبان  ہبلی نے پہلے بلے بازی  کرتے ہوئے 14.1اوورس میں اپنے تما م وکٹ کھو کر 57رن بنائے تھے۔جواب میں انجمن کالج کی ٹیم کی طرف سے الیاس موٹیا نے 3 اوورس میں 10رن دے کر 3وکٹ حاصل کئے۔ جب کہ ارسلان اور عبدالباقی نے دو دو وکٹ لئے۔

58رنوں کا  پیچھا کر تےہوئے  بھٹکل انجمن کالج  ٹیم نے بہترین بلے بازی کا مظاہرہ پیش کرتےہوئے  صرف 9.3 اووروں  میں 5وکٹوں کے نقصان پر ہی 61رن بنا کر شاندار  جیت حاصل کی۔ انجمن ٹیم کی طرف سے عبدالباقی نے 25رن بنائے۔ مخالف ٹیم کے اومکا ر نے تین وکٹ حاصل کئے۔

ٹورنامنٹ میں بہترین بیٹنگ  کا مظاہرہ  پیش کرنے والے انجمن کے عبدلباقی صدیقہ کو بیسٹ بلے باز کے ساتھ ساتھ بیسٹ آل راؤنڈر اور مین آف دی میچ کے  خطاب بھی سے نوازاگیا۔ ٹورنامنٹ میں مختلف کالجوں کی 7ٹیموں نے حصہ لیا تھا۔ کالج کے فزیکل ڈائرکٹر کے کلیم اللہ اور لائبریرین جمعدار نگراں کار کے طورپر ٹیم کے ساتھ موجود تھے۔