بھٹکل میں انڈین نوائط فورم کی جانب سے روزگار میلہ؛ چار سے پانچ لاکھ روپیوں میں کاروبار شروع کرنے کے خواہش مندوں کے لئے بھی سنہرا موقع

Source: S.O. News Service | By I.G. Bhatkali | Published on 16th April 2019, 8:28 PM | ساحلی خبریں | خلیجی خبریں |

بھٹکل 16/اپریل (ایس او نیوز)  بھٹکل سمیت اطراف کے علاقوں بالشمول شرالی، مرڈیشور اور منکی کے لوگوں کے لئے جو نوکریوں کی تلاش میں ہیں، انڈین نوائط فورم کی جانب سے  27 اپریل کو منعقد کئے جانے والے روزگار میلہ کی تیاریاں آخری مراحل میں ہیں، اس تعلق سے کافی لوگوں نے  اس میلہ  میں شریک ہونے کے لئے اپنا نام درج کروایا ہے اور یہ سلسلہ جاری ہے۔ نوکری کی تلاش کرنے والے لوگوں کو مطلع کیا جاتا ہے کہ اگر آپ نے ابھی تک اپنا نام  اس روزگار میلہ   کے لئے درج نہیں کروایا ہے تو مندرجہ ذیل لنک پر کلک کر کے  پہلی فرصت میں رجسٹریشن فارم میں  اپنا نام درج کرائیں:

Click here for registration form فارم کے لئے یہیں پر کلک کریں

 انڈین نوائط فورم کے جنرل سکریٹری جناب معاذ جوکاکو  نے بتایا  کہ گلف میں قانون تبدیل ہونے کے بعد کافی لوگ  بھٹکل  واپس  لوٹے ہیں اور وہ ملازمت کو لے کر کافی پریشان ہیں، اُن کی پریشانیوں کو دور کرنے کے مقصدسے یہ جاب فئیر یا روزگار میلہ منعقد کیا جارہا ہے، مگر دیگر لوگ بھی  اس فئیر میں شریک ہوسکتے ہیں اور اوپر دئے گئے لنک پر فارم کو پُر کرکے ملازمت کے لئے درخواست بھیج سکتے ہیں۔

کاروبار کرنے کے خواہشمند حضرات کے لئے سنہرا موقع، چار سے پانچ لاکھ روپیوں سے کاروبار کیسے شروع کریں ؟
اگر آپ  چار سے پانچ لاکھ روپیوں  کے ساتھ اپنا خود کا کاروبار یا تجارت شروع کرنا چاہتے ہوں تو اُن کے لئے   اس موقع پر مکمل رہنمائی کا ایک خصوصی ورکشاپ رکھا گیا ہے۔  اس سلسلے میں  مینگلور کے معروف  بلڈر اور انڈین نوائط فورم کے نائب صدر جناب ایس ایم ارشد   کی طرف سے خاص منصوبہ بھی بنایا گیا ہے۔  کاروبار یا تجارت  کرنے والے حضرات سے درخواست کی گئی ہے کہ وہ 27اپریل کو صبح ٹھیک دس بجے وقت کا خصوصی لحاظ  رکھتے ہوئے  ورکشاپ میں شریک ہوں۔

پروگرام کی تفصیلات:
27/اپریل کو صبح ٹھیک دس بجے نوائط کالونی   خوشحال میں  جاب فئیر کی مختصر افتتاحی تقریب ہوگی، جس کے ساتھ ہی  فئیر میں نام درج کرنے والوں کا انٹرویو لیا جائے گا اور اُنہیں اُن کے تجربہ  ، قابلیت اور تعلیم ودیگر اُمور کو دیکھتے ہوئے مختلف کمپنیوں یا دکانوں یا اداروں میں نوکری فراہم کی جائے گی۔  اسی طرح  کاروبار کرنے کے خواہشمند حضرات کے لئے الگ سے ورکشاپ کا انتظام کیا گیا ہے، جہاں  اُن کے لئے رہنمائی کے ساتھ ساتھ کاروبار کے تعلق سے مختلف منصوبے بھی بنائے گئے ہیں۔

انڈین نوائط فورم کے جنرل سکریٹری جناب  معاذ جوکاکو نے بتایا کہ  نوکری حاصل کرنے کے لئے تعلیم کی کوئی قید نہیں ہے، کم سے کم تعلیم یافتہ اور زیادہ سے زیادہ تعلیم یافتہ لوگ بھی اس فئیر میں شریک ہوسکتے ہیں اور جاب فئیر کا فارم پُر کرکے اپنا نام رجسٹرڈ کراسکتے ہیں۔ 27/اپریل کو جاب فئیر یا کاروباری ورکشاپ میں شریک  ہونے والوں سے درخواست کی گئی ہے کہ اپنے ساتھ  اپنا مکمل بائیو ڈاٹا لے کر آئیں، ساتھ ساتھ اپنا پاسپورٹ سائز فوٹو اور اپنا کوئی بھی (سرکار کی طرف سے جاری کردہ )   شناختی کارڈ بھی ساتھ  لے کر آئیں۔

جاب فئیر کے کنوینر  جناب آفتاب حُسین کولا  نے بتایا کہ  جاب میلہ اور ورکشاپ کے انعقاد  کا مقصد بے روزگار نوجوانوں کو غیرسرکاری ملازمت سے جوڑنا ہے اور بھٹکل سمیت اطراف کے علاقوں کے لوگوں  کو بغیر کسی  اعلیٰ تعلیمی قابلیت  کے باوجود بھی  ہر ایک کے لئے ممکنہ ملازمت کے مواقع فراہم کرنے کی پوری پوری کوشش کرنا ہے۔

خیال رہے کہ انڈین نوائط فورم بیرون بھٹکل( مگر اندرون ہند) کی آٹھ  جماعتوں پر مشتمل ایک پلیٹ فارم ہے جس کا قیام گذشتہ سال عمل میں آیا تھا۔

 جاب فئیر یا  کاروباری ورکشاپ    کا رجسٹریشن اگر آپ آن لائن کے ذریعے کرنے سے قاصر ہیں تو یہ    فارم  ساحل آن لائن دفتر میں بھی دستیاب ہے، ساتھ ساتھ مجلس اصلاح و تنظیم بھٹکل، بھٹکل مسلم یوتھ فیڈریشن ، رابطہ آفس بھٹکل وغیرہ سے بھی حاصل کیا جاسکتاہے اور فارم بھر کر واپس وہیں جمع کراسکتے ہیں۔  مزید تفصیلات کے لئے اپنے اپنے علاقہ کے اسپورٹس سینٹروں سے  بھی  رابطہ کیا جاسکتا ہے۔

ایک نظر اس پر بھی

بھٹکل تعلقہ شرالی اور بیلکے میں 23اور26ستمبر کو پی یوکالج طلبا کے ضلعی سطح کے کھیل مقابلوں کا انعقاد

اترکنڑا ضلع محکمہ تعلیمات عامہ اور پرنسپالس اینڈ لکچررس اسوسی ایشن بھٹکل تعلقہ کے اشتراک سے اترکنڑا ضلع پی یوکالج کے ضلع لیول کھیل مقابلے شرالی کے جنتا ودیالیا اور سرکاری ہائی اسکول بیلکے میں بالترتیب 23اور 26ستمبر2019کو منعقد ہونگے۔

بھٹکل مسلم جماعت بحرین کے انتخابات کے بعد نئے عہدیداران کا انتخاب؛ اسحاق پلور صدر اور سرفراز محتشم جنرل سکریٹری منتخب

گذشتہ روز ہوئے عام انتخابات کے بعد  بھٹکل مسلم جماعت بحرین کے لئے نئے عہدیداران کا انتخاب عمل میں آیا ہے جس میں متفقہ طور پر  جناب محمد اسحاق پلور صدر اور جناب  سرفراز احمد محتشم  جماعت کے نئے جنرل سکریٹری منتخب ہوئے۔

بھٹکل مسلم جماعت بحرین کا سالانہ جلسہ اور عام انتخابات؛ بیلٹ پیپر کے ذریعے 12 اراکین منتخب؛ پیر کو ہوگا عہدیداران کا انتخاب

بھٹکل مسلم جماعت کا سالانہ جلسہ اور عام انتخابات مورخہ 10 ستمبر کوبحرین کے فارم ہاوس میں منعقد ہوا جس میں 12 اراکین انتظامیہ کا انتخاب عمل میں آیا۔  انتخابات کے لئے جناب محمد شکیل مصباح صاحب کو الیکشن کمشنر کی ذمہ داری سونپی گئی تھی جنہوں نے نہایت ہی حسن خوبی کے ساتھ اپنے فرائض ...

دبئی : متحدہ عرب امارات میں انسانوں کواسمگل کرنے کی کوشش ناکام۔ ٹرک کے خفیہ خانے سے برآمد ہوئے 18افراد

گلف نیوز میں شائع ایک رپورٹ کے مطابق ابوظہبی پولیس اور کسٹمز نے ایک مصدقہ اطلاع پر کارروائی کرتے ہوئے ختم الشکلا سرحد سے غیر قانونی طور پر ٹرک کے اندر 18افراد کو چھپاکر لانے اور متحدہ عرب امارات میں داخل کروانے کی کوشش کوناکام کردیا ہے۔

مکہ مکرمہ کو ”اسمارٹ سٹی“ بنانے کا منصوبہ، عازمین حج وعمرہ کو سہولتیں فراہم کرنے کا مقصد، جاپانی کمپنی خدمات حاصل

سعودی عرب کی حکومت نے مکہ معظمہ کو ”اسمارٹ سٹی“ بنانے کا فیصلہ پر باقاعدہ کام کا آغاز کردیا ہے۔ کچھ دن قبل مکہ معظمہ کے گورنر اور خادم الحرمین الشریفین شاہ سلمان بن عبدالعزیز کے مشیر شہزادہ خالد الفیصل نے مکہ معظمہ کو اسمارٹ سٹی بنانے کا اعلان کیا تھا۔

متحدہ عرب امارات نے وزیر اعظم مودی کو اعلی ترین شہری اعزاز سے سرفراز کیا ۔ دنیا بھر میں یو اے ای کے اقدام کی مذمت

متحدہ عرب امارات نے ہندوستان کے وزیر اعظم نریندر مودی کو اپنے اعلی ترین شہری اعزاز سے سرفراز کردیاہے ۔ متحدہ عرب امارات نے چند دنوں قبل اعلان کیاتھا کہ وہ ہندوستان کے وزیر اعظم نریندر مودی کو اپنا اعلی ترین سول ایوارڈ دیں گے ۔