قطر  حلقہ ادب اسلامی کے زیراہتمام ڈاکٹر شاہ رشاد عثمانی کی صدارت میں  نعتیہ اجلاس ومشاعرہ کا انعقاد

Source: S.O. News Service | By Abu Aisha | Published on 12th November 2018, 10:12 PM | ساحلی خبریں | خلیجی خبریں |

قطر :12؍نومبر (ایس او نیوز) بڑی مسرت کی بات ہے کہ حلقہء ادب اسلامی۔قطر نے 8 نومبر 2018م کی شب اپنا سالانہ نعتیہ اجلاس ومشاعرہ  ادار ہ ادب اسلامی ہند کے کل ہند صدر  ڈاکٹر شاہ رشاد عثمانی کی صدارت میں منعقد کیا، موصوف محترم، حلقے کی خصوصی دعوت پر دوحہ قطر تشریف لائے ہوے تھے، اجلاس میں ڈاکٹر رضوان رفیقی فلاحی بطورِ مہمانِ خصوصی شریک رہے، سالانہ اجلاس کی مناسبت سے سٹیج پر صدرِ حلقہ عامر شکیب بھی موجود تھے۔

اجلاس کا آغاز برادر شمس الرحمن صدیقی کی خوبصورت تلاوت کلام پاک سے ہوا جس کی ترجمانی بھی پیش کی گئی، اس کے بعد نائب صدرِ حلقہ محترم مظفر نایاب صاحب نے شرکاء اجلاس کے استقبال اور مہمانوں کے تعارف کی رسم انجام دی، حسب روایت اجلاس کا پہلا حصہ نثر پر مشتمل رہا، جس کی نظامت اشتیاق عالم فلاحی نے کی، نثری حصہ میں دو تحریریں پیش ہویں، ایک تحریر ڈاکٹر عطاء الرحمن صدیقی صاحب نے دوحہ قطر کے معروف بزرگ شاعر شفیق اختر کے مجموعہء نعت پر لکھے تبصرہ کی شکل میں پیش کی جو مختصر مگر جامع رہی ، دوسری تحریر ڈاکٹر شاہ صاحب نے ، اردو نعت میں جدید ملی مسائل، کے عنوان سے پیش کی جو قدرے مفصل مگر پر مغز رہی، اس تحریر کی اہمیت کا اندازہ اس بات سے لگایا جاسکتا ہے کہ کئی شرکاء نے اس کو کتابچہ کی شکل میں شائع کروانے کی درخواست کی ۔

نثری حصے کے اختتام پر مختصر وقفہ دیا گیا جس کے بعد باقاعدہ نعتیہ مشاعرہ ہوا جس کی نظامت ڈاکٹر عطاء الرحمن صدیقی نے کی، جس میں جملہ 16 شعراء نے اپنے تازہ ومنتخب نعتیہ کلام کے ساتھ محفل میں شرکت کی ۔ اپنی تاثراتی گفتگو میں ڈاکٹر رضوان رفیقی صاحب نے اجلاس کے نثری وشعری دونوں حصوں پر مختصر وجامع تبصرہ کیا، اور نعت کے سلسلے میں شعراء کے جذبات کی قدر دانی کرتے ہوے اس میں بعض احباب کے تساہل کی جانب توجہ مبذول فرمائی، کہ مبالغہ آرائی میں اگر حدود کا خیال نہ رکھا جائے تو کبھی اللہ تعالی کی شان میں گستاخی ہوتی ہے تو کبھی رسول پاک کی تنقیص ۔اجلاس 8:30 پر شروع ہوکر 12 بجے شب اختتام پذیر ہوا ۔            (موصولہ  رپورٹ)

ایک نظر اس پر بھی

علاج کے لئے منگلور جانے والے توجہ دیں: منگلورو اور اڈپی کے اسپتالوں میں کل 17جون کو او پی ڈی خدمات رہیں گی بند

 بھٹکل اور اطراف سے کافی لوگ  علاج معالجہ کے لئے پڑوسی ضلع اُڈپی اور مینگلور کے اسپتالوں کا رُخ کرتے ہیں،  ان کے لئے  بری  خبر یہ ہے کہ کل  ڈاکٹروں کے احتجاج کے پیش نظر  مینگلور اور اُڈپی کے اسپتالوں میں باہری  مریضوں  کا علاج  نہیں ہوگا۔

آئی ایم اے میں سرمایہ کاری کرکے دھوکہ کھانے والے متاثرین کی قانونی مدد کے لئے اے پی سی آر کی خدمات دستیاب

آئی ایم اے میں سرمایہ کاری کرکے دھوکہ کھانے والے متاثرین کی قانونی رہنمائی اور اُن کی  مدد کے لئے  اسوسی ایشن فور پروٹیکشن آف سیول رائٹس  (اے پی سی آر)  کی خدمات حاصل کی جاسکتی ہے۔جن  لوگوں نے  اپنی چھوٹی چھوٹی سرمایہ  کاری  اس کمپنی میں کی تھی اور اب وہ کنگال ہوچکے ہیں، اے پی ...

بحرین میں بھٹکل مسلم جماعت بحرین کی خوبصورت عید ملن تقریب ؛ اناس افریقہ کو بیسٹ اسٹوڈینٹ کا ایوارڈ؛ قران حفظ کرنے پر اسعدمصباح کو بھی ملا خصوصی اعزاز

بھٹکل مسلم جماعت بحرین کا عید ملن پروگرام بروز جمعرات  13جون کو منعقد ہوا، جس میں  بچوں کے پروگرام بالخصوص نظمیں، کوئیز، کھیل مقابلے نہایت دلچسپ رہے، عید ملن تقریب میں تعلیمی ایوارڈ سمیت بچوں کی ہمت آفزائی  کے لئے  بعض خصوصی انعامات  سے بھی نواز گیا جبکہ   آخر میں ریفل ...

جون 13 کو ہوگا بھٹکل مسلم جماعت بحرین کا عید ملن پروگرام؛ ممبران سے شرکت کی درخواست

بھٹکل مسلم جماعت بحرین کی عید ملن تقریب انشاء اللہ 13 جون کو مناما کے    ویندھم گرینڈ ہوٹل (Wyndham Grand Hotel, Manama)  میں  منعقد کی گئی ہے جس میں  دلچسپ اور تفریحی پروگرام پیش کئے جائیں گے۔ اس بات کی اطلاع جماعت کے جنرل سکریٹری مولوی اظہرالدین آرمار نے دی ہے۔

بھٹکل مسلم ایسوسی ایشن ریاض کی عید ملن تقریب؛ نوائطی ڈرامے، کوئیز، فینسی ڈریس سمیت کئی دلچسپ پروگرام سے حاضرین نے اُٹھایا لطف

بھٹکل مسلم ایسوسی ایشن ریاض کی طرف سے عید کی رات ٹھیک 10بجے کراون پلازہ ہوٹل میں ایک شاندار عید ملن تقریب کا اہتمام کیا گیا جس میں  تفریحی پروگرام، بچوں کا فینسی ڈریس ، نوائطے ڈرامے، کوئز اور ریفل ڈراء  وغیرہ جیسے مختلف پروگراموں سے  حاضرین نے خوب لطف اُٹھایا۔

دوبئی میں بھیانک سڑک حادثہ 12 ہندوستانی شہری سمیت17افراد ہلاک

دوبئی میں جمعرات کی شام کو ہوئے ایک بھیانک سڑک حادثے میں 12 ہندوستانی شہریوں سمیت 17 افراد ہلاک ہوگئے جبکہ پانچ دیگر کی حالت نازک بتائی گئی ہے۔ ذرائع سے ملی اطلاع کے مطابق بس پر  مختلف ممالک کے کل 31مسافر سوار تھے۔