کینرا مسلم خلیج کونسل نے کیا بھٹکل اسمبلی حلقہ میں کانگریس کی حمایت کا اعلان؛ کیا بھٹکل تنظیم بھی کانگریس کے حق میں سنائے گی فیصلہ ؟

Source: S.O. News Service | By I.G. Bhatkali | Published on 1st April 2018, 3:14 AM | ساحلی خبریں | خلیجی خبریں |

جدہ یکم اپریل (ایس او نیوز) خلیجی ممالک میں قائم بھٹکل اور شراوتی پٹری کی 29 جماعتوں پر مشتمل کینرا مسلم خلیج کونسل نے جمعہ کومنعقدہ اہم اجلاس میں اس بات کا فیصلہ کیا ہے کہ آنے والے اسمبلی انتخابات میں کانگریس کی مکمل حمایت کی جائے اور کانگریس اُمیدوار کی جیت کو یقینی بنانے کے لئے ہرممکن تعاؤن فراہم کیاجائے۔ اس بات کی اطلاع کینرا مسلم خلیج کونسل کے صدر جناب عبدالقادر باشہ رکن الدین نے دی۔اجلاس کے اختتام کے بعد ساحل آن لائن سے گفتگو کرتے ہوئے انہوں نے بتایا کہ پوری ریاست کرناٹک میں کانگریس کی حمایت کرنے کی باتیں سامنے آرہی ہیں، جس کو دیکھتے ہوئے ہماری کانفرنس میں بھی یہ بات کھل کر سامنے آئی کہ کانگریس کی ہی حمایت کی جانی چاہئے، مگر اُس سے پہلے بھٹکل تنظیم کے ذریعے کانگریس کے ذمہ داروں کے ساتھ تبادلہ خیال کیاجانا ضروری قرار دیا گیا ہے کہ ہمیں آگے چل کر کس طرح کا تعاؤن حکومت سے حاصل کرنا ہے ، اور کن کن مسائل کے حل کی طرف توجہ دینی ہے،  یہ تمام باتیں اگر پہلے ہی طئے ہوجائیں تو ہمیں اپنے مسائل حل کرنے میں آسانی ہوگی۔ انہوں نے بتایا کہ اجلاس میں تقریبا سبھی29 جماعتوں کے مندوبین شریک ہوئے تھے اور متفقہ طور پر اس بات کا فیصلہ لیا گیا کہ اس بار کانگریس کے ہاتھ کومضبوط کیا جانا چاہئے انہوں نے بتایا کہ اس کے لئے خلیج کی جماعتوں کی طرف سے جو بھی تعاؤن درکار ہوگا ہم نے فراہم کرنے کا فیصلہ کیا  ہے۔

جناب عبدالقادر باشہ نے بتایا کہ کینرا مسلم خلیج کونسل کے فیصلے کو دیکھتے ہوئے اب تنظیم کو بھی چاہے کہ وہ بھی ان جماعتوں کے موقف کو دیکھتے ہوئے اپنا فیصلہ سنائیں۔ یہ پوچھے جانے پر کہ اگر تنظیم میں کانگریس کے حق میں فیصلہ نہیں ہوتاتو کینرا مسلم خلیج کونسل کا موقف کیا ہوگا تو انہوں نے جواب دیا کہ کینرا مسلم خلیج کونسل میں 29 جماعتیں شامل ہیں اور بھٹکل سمیت اطراف کی سبھی جماعتوں کا موقف ایک ہی ہے تو پھر تنظیم کا موقف کینرا مسلم خلیج کونسل کے موقف سے الگ ہونے کا سوال ہی پیدا نہیں ہوتا ۔ اس موقع پر قائد قوم جناب ایس ایم سید خلیل الرحمن صاحب بھی موجود تھے، جنہوں نے گفتگو کرتے ہوئے بتایا کہ سبھی 29 جماعتوں نے متفقہ طور پر اس بات کا فیصلہ کیا ہے کہ اس بار کانگریس کے حق میں حمایت کی جانی چاہئے، ایسے میں تنظیم کا فیصلہ الگ کیسے ہوسکتا ہے ۔ جناب ایس ایم خلیل الرحمن نے بتایا کہ اس تعلق سے وہ خود بھی کانگریس ذمہ داران سے فون پر بات چیت کریں گے اور کانگریس کی طرف سے اُمیدوار کا اعلان ہونے پر اُمیدوار کو تنظیم دفتر جاکر تنظیم کے ذمہ داران سے تبادلہ خیال کرنے کی بھی درخواست کریں گے۔

خیال رہے کہ کینرا مسلم خلیج کونسل میں خلیج میں قائم بھٹکل کی دس جماعتوں کے بشمول مرڈیشور، منکی، ولکی، ہیرانگڈی، سمسی،اُپنّی، کُروا کے ساتھ ساتھ شیرور، بیندور اور گنگولی کی جماعتیں بھی شامل ہیں۔

واضح  رہے کہ اس سے پہلے سوشیل میڈیا کے ذریعے اس طرح کی خبریں عام ہورہی تھی کہ بھٹکل اسمبلی حلقہ کے مرڈیشور، منکی ، ولکی اور شراوتی پٹریوں کی مقامی جماعتوں نے بھی کانگریس کے حق میں ہی حمایت کرنے کا فیصلہ کیا ہے، ایسے میں کینرا مسلم خلیج کونسل کا فیصلہ بھی کانگریس کے حق میں ہی سامنے آگیا ہے۔  اب یہ دیکھنا بے حد اہم اور دلچسپ ہوگا کہ آیا بھٹکل کا سب سے بڑا  اور طاقتور سمجھا جانے والا قومی اور سماجی ادارہ مجلس اصلاح و تنظیم  بھی کانگریس کی ہی حمایت کرنے کا اعلان کرے گا  ؟

ایک نظر اس پر بھی

اُڈپی : رافیل گھپلے کے خلاف ضلع کانگریس کا احتجاج : احتجاجی ریلی میں لاٹھیوں کی نمائش

نریندر مودی کی قیادت والی مرکزی بی جے پی کی  حکومت 41ہزار کروڑ روپیوں کے رافیل جنگی جہاز گھپلے کے متعلق شفاف جانچ کا مطالبہ کرتے ہوئے اُڈپی ضلع کانگریس کی قیادت میں منگل کو اُڈپی ڈپٹی کمشنر دفتر کے روبرو احتجاج کیا گیا۔

بھٹکل کی رکشاموگیر اٹیا پٹیا کھیل کی ریاستی ٹیم کے لئے منتخب

شرالی کے سینٹ تھامس کوٹے باگیلو اسکول کی طالبہ کماری رکشا جنّا موگیر  اٹیا پٹیا نامی کھیل کی ریاست کرناٹکا کی ٹیم کے لئے منتخب ہونےکی جانکاری بھٹکل تعلقہ اٹیا پٹیا فیڈریشن کے اعزازی سکریٹری نے پریس ریلیز کے ذریعے دی ہے۔

بھٹکل کے نیمدی کیندرا کو مناسب عمارت میں منتقل کرنے کا مطالبہ؛ سماجی کارکن فیاض ملا نے  ڈی سی کو سونپا میمورنڈم

شہر کا اٹل جی جن سنہی مرکز  مقامی انتظامیہ کے ایک تنگ کمرے میں کام انجام دینے کی وجہ سے ضروریات کے لئے پہنچنے والے عوام کو کافی دقت ہورہی ہے۔ بھٹکل بلدیہ کے نامزد ممبر اور سماجی کارکن فیاض ملا نے اترکنڑا ڈپٹی کمشنر سے کاروار میں ملاقات کرتے ہوئے مرکز کو  کسی دوسری مناسب جگہ ...

ہوناور میں ہوئے سڑک حادثہ میں مرنے والوں کی تعداد بڑھ کر ہوگئی چھ؛ منی پال اسپتال میں ایک خاتون کی ہوئی موت

تین روز قبل ہوناور تعلقہ کے کرکی نیشنل ہائی وے پر ہوئے سڑک حادثے میں پانچ لوگوں کی موت واقع ہوگئی تھی اور آٹھ لوگوں کو شدید زخمی حالت میں اُڈپی، منی پال اور مینگلور اسپتالوں میں داخل کیا گیا تھا،  اس تعلق سے منی پال سے خبر ملی ہے کہ اسپتال میں ایڈمٹ ایک خاتون  زخموں کی تاب نہ ...

بھٹکلی نوجوان ابصر محتشم کی شارجہ قبرستان میں ہوئی تدفین؛ جنازے میں کثیر تعداد میں لوگوں نے کی شرکت

بھٹکل کے نوجوان ابصر محتشم  جس کی نعش جمعرات کو  شارجہ میں واقع اُسی کے فلیٹ سے برآمد ہوئی تھی، آج کاغذی کاروائیوں کے بعد میت کو اُس کے بھائی اور رشتہ داروں کے حوالے کردی گئی۔

دبئی میں ملازمت کرنے والے بھٹکل کے نوجوان کی شارجہ میں موت؛ آج کی گئی نوجوان کی شناخت

بھٹکل  گڈلک روڈ کے رہائشی محمد ابصر محتشم (30) جس کی نعش   متغیر  حالت میں  شارجہ میں اُسی کے فلیٹ سے 23اگست کو برآمد کی گئی تھی، آج اُس کے  بھائیوں کی مدد سے شناخت کے بعد اُن کے حوالے کرنے کاغذی کاروائی جاری ہے۔ توقع ہے کہ کل پیر کو میت بھائیوں کے حوالے کی جائے گی اور کل ہی ...

مناسک حج کی ادائیگی کے دوران اردنی خاتون نے بچے کو جنم دے دیا

مزدلفہ میں شب قیام کے بعد حجاج کرام پہلے دن کی رمی کے لئے منیٰ پہنچ گئے ہیں اورقربانی کے بعد حجاج کرام کاسرمنڈوا کر احرام کھولنے کاعمل بھی جاری ہے اورمناسک حج کی ادائیگی کے دوران اردنی خاتون نے بچے کو جنم دے دیا۔

فرش سے عرش تک لبیک اللھم کی صدائیں،مناسک حج کا آغاز؛ عرفات پہنچنے والے لاکھوں افراد میں 175025 ہندوستانی عازمین بھی شامل

دنیا بھر سے ہر قوم و نسل کے تقریبا 30 لاکھ عازمین حج جس میں ہندوستان کے 175025 عازمین بھی شام ل ہیں،  بیت اللہ کیلئے مکہ مکرمہ میں ہیں جو عمرے کی ادائیگی کے بعد رات سے ہی بسوں اور دیگر گاڑیوں میں سوار ہوکر اور پیدل منیٰ پہنچ رہے ہیں۔