کرناٹکا اسٹیٹ کرکٹ اسوسی ایشن سے منظورشدہ کرکٹ ٹورنامنٹ میں حصہ لینے کھلاڑیوں کے لئے سنہرہ موقع؛ بھٹکل سمیت ضلع اُترکنڑا کے کھلاڑی ہوسکتے ہیں شریک

Source: S.O. News Service | By I.G. Bhatkali | Published on 25th September 2019, 7:43 PM | ساحلی خبریں | اسپورٹس |

بھٹکل 25/ستمبر (ایس او نیوز) کرناٹکا اسٹیٹ اسوسی ایشن (KSCA) سے منظور شدہ کرکٹ ٹورنامنٹ میں  حصہ لینے بھٹکل اسپورٹس اکیڈمی کی جانب سے بھٹکل کی انڈر 14، انڈر 16، انڈر 19 سمیت سنئیر کھلاڑیوں پر بھی مشتمل  دو ٹیموں کو  ترتیب دیا جارہا ہے  جس کے لئے کھلاڑیوں کا انتخاب اُن کی قابلیت ، اُن کے پرفارمینس اور دیگر شرائط کی بنیاد پر کیا جائے گا۔ بھٹکل سمیت پورے ضلع اُترکنڑا کے کھلاڑی  اپنی عمر کے  لحاظ سے ان ٹیموں میں شریک ہونے   اپنا نام درج کرواسکتے ہیں۔ ان باتوں کی اطلاع  بھٹکل اسپورٹس اکیڈمی کے مینجنگ ڈائرکٹر جناب وسیم کے ایم نے  دی ہے۔

وسیم نے بتایا کہ   ضلع کے جو بھی کھلاڑی اپنا نام درج کروانا چاہتے ہوں،   موبائل نمبر   8904600600 ڈائل کرکے دے سکتے ہیں۔ کھلاڑیوں کا سلیکشن  11/اکتوبر اور 13/اکتوبر کو کیا جائے گا۔ انہوں نے بتایا کہ  انڈر 14، انڈر 16 اور انڈر 19 کی تین ٹیموں سمیت  سنئیر کھلاڑیوں پر مشتمل ایک ٹیم   منظور شدہ  ٹورنامنٹوں  میں کھیل سکیں گے، البتہ سنئیر کھلاڑیوں پر مشتمل ایک ٹیم  پہلے ہی  بہترین پرفارمینس پیش کرکے چوتھے مرحلے کا ٹورنامنٹ جیت چکی ہے، اب وہ ٹیم   تھرڈ ڈیویژن کے لئے کولیفائی ہوچکی ہے۔وسیم کے مطابق تھرڈ ڈیویژن کے لئے کولیفائی کی گئی ٹیم  کے کھلاڑیوں کا بھی پرفارمینس  دیکھا جائے گا اور فٹ کھلاڑیوں کو ہی آگے  کے ٹورنامنٹ کے لئے  ٹیم میں رکھا جائے گا، ورنہ  نئے داخل ہونے والے کھلاڑیوں کا  پرفارمینس  زیادہ بہتر ہونے کی صورت میں  نئے کھلاڑیوں کو بھی ٹیم میں موقع دیا جاسکتا ہے۔

کرکٹ کھلاڑیوں کو  مکمل کوچنگ فراہم کرنے اور ماہرین کرکٹ   کے ذریعے اُن کو  بہترین انداز میں ٹریننگ  فراہم کرنے   میں شہر بھر میں معروف بھٹکل کرکٹ اکیڈمی  کا اگلا بیج مورخہ  6/اکتوبر سے شروع ہورہا ہے جس میں  کم عمر سے لے کر بڑی عمر تک کے کھلاڑی  شریک ہوکر اپنے کھیل میں نکھار پیدا کرسکتے ہیں اور اس اکیڈمی کے ذریعے  ریاستی سطح  سمیت نیشنل سطح کے  کرکٹ ٹورنامنٹوں میں بھی حصہ لے سکتے ہیں۔انہوں نے کہا کہ صبح چھ بجے سے آٹھ بجے تک پہلا سیشن اور دوسرا سیشن  شام 4:30 بجے سے 6:30 بجے تک رہے گا۔  مزید جانکاری کے لئے   بھٹکل اسپورٹس اکیڈمی کے  مینجنگ ڈائرکٹر جناب وسیم  کے ایم صاحب سے موبائل نمبر  8904600600 پر رابطہ کرسکتے ہیں۔

خیال رہے کہ بھٹکل اسپورٹس  کا   ایک کھلاڑی 16 سالہ  سورو سامن جس کا تعلق کاروار سے ہے، اس وقت   ہبلی زونل لیول کی نمائندگی کرتے ہوئے بنگلور میں چل رہے انڈر 16 کے KSCA زونل لیول  ٹورنامنٹ میں کھیل رہا ہے  اور اپنی قابلیت کا لوہا منوا رہا ہے۔ اسی طرح بھٹکل اسپورٹس کی ایک انڈر 16 ٹیم  اگلے ماہ یعنی اکتوبر کو ہبلی میں کرناٹکا اسٹیٹ کرکٹ اکیڈمی  کے زیراہتمام پچاس اووروں والے  کرکٹ ٹورنامنٹ میں شریک ہورہی ہے جس  میں بھٹکل ، مرڈیشور اور منکی کے کئی ایک کھلاڑی شامل ہیں۔  وسیم کی خواہش ہے کہ بھٹکل و اطراف   کے دوسرے کھلاڑی بھی  مکمل کوچنگ کے  ذریعے  آگے بڑھتے ہوئے قومی ٹیم میں جگہ  بنانے میں کامیاب ہوجائیں۔

ایک نظر اس پر بھی

منکی اور مرڈیشور کے ساحل اور محمد حیات کرناٹکا یونیورسٹی دھارواڑ کے کرکٹ یونیورسٹی بلیو منتخب

کھیل کے میدان میں بھٹکل اور اطراف کے کھلاڑیوں کا یونیورسٹی بلیو منتخب ہونا عام ہوتاجارہا ہے، تازہ خبر یہ ہے کہ  پڑوسی علاقہ منکی اور مرڈیشور سے تعلق رکھنےو الے دونوجوان کرکٹ میں کرناٹکا یونیورسٹی دھارواڑ کی کرکٹ ٹیم کے لئے  منتخب ہوگئے ہیں

مینگلور کے قریب پتورمیں ایک بزرگ مرد اور نوجوان لڑکی کا دوہرا قتل۔ مقتول بزرگ کی اہلیہ شدید زخمی

قریبی علاقہ  پتور کے ہوسمار علاقے میں ایک وحشت ناک دوہرے  قتل کی واردات پیش آئی ہے جس میں کوگّو صاحب (65 سال) اور ان کی نواسی سمیحہ بانو(16سال) جاں بحق ہوگئے ہیں جبکہ کوگّو صاحب کی اہلیہ خدیجہ بی(۵۵سال) شدید زخمی ہوگئی ہیں اور انہیں زندگی اور موت کی کیفیت میں علاج کے لئے اسپتال میں ...

منکی اور مرڈیشور کے ساحل اور محمد حیات کرناٹکا یونیورسٹی دھارواڑ کے کرکٹ یونیورسٹی بلیو منتخب

کھیل کے میدان میں بھٹکل اور اطراف کے کھلاڑیوں کا یونیورسٹی بلیو منتخب ہونا عام ہوتاجارہا ہے، تازہ خبر یہ ہے کہ  پڑوسی علاقہ منکی اور مرڈیشور سے تعلق رکھنےو الے دونوجوان کرکٹ میں کرناٹکا یونیورسٹی دھارواڑ کی کرکٹ ٹیم کے لئے  منتخب ہوگئے ہیں

پہلے ٹسٹ میں ہندوستان نے بنگلہ دیش کو اننگز اور 130 رن سے شکست دی

 تیز گیند باز محمد سمیع (31 رن پر 4 وکٹ) اور آف اسپنر روی چندرن اشون (42 رن پر تین وکٹ) کی بہترین گیند بازی کی بدولت ہندوستان نے بنگلہ دیش کو پہلے کرکٹ ٹسٹ کے تیسرے ہی دن اننگز اور 130 رنوں سے شکست دے کر دو میچوں کی سیریز میں 1۔0 کی برتری حاصل کرلی۔

نیلامی میں 73 کھلاڑیوں کے خریدنے پر 207 کروڑ روپئے خرچ

آئی پی ایل کے 13 ویں سیشن کے لئے 19 دسمبر کو کولکتہ میں ہونے والی نیلامی سے پہلے آٹھ ٹیموں نے جمعہ کو ری ٹین اور ریلیز کئے گئے کھلاڑیوں کا اعلان کر دیا۔ کھلاڑیوں کے معاہدہ کو بڑھانے کےاعلان کی آج آخری تاریخ تھی ۔