امین سیف اللہ بی پی ایل ٹورنامنٹ: ٹریک چارجرسیمی فائنل میں داخل؛ اگلے جمعہ کو کھیلا جائے گا سیمی فائنل اور فائنل

Source: S.O. News Service | By I.G. Bhatkali | Published on 31st March 2018, 8:29 PM | خلیجی خبریں | اسپورٹس |

عجمان 31/مارچ (ایس او نیوز) جمعہ کو کھیلے گئے آخری لیگ میچوں کے بعد  ٹریک چارجر امین سیف اللہ بی پی ایل 2018 کرکٹ ٹورنامنٹ  کے  سیمی فائنل میں پہنچنے میں کامیاب ہوگئی ہے، اس سے قبل تین ٹیمیں  این جی ٹی، کے ایم وارئیرس اور ڈی وی ایس یونائٹیڈ سیمی فائنل میں پہنچنے میں کامیاب ہوگئیں تھیں۔

جمعہ کو کھیلے گئے تین لیگ میچوں میں کے ایم وارئیرس نے ابوظبی رائیڈرس کو، ڈی وی ایس یونائیٹیڈ نے رکن الدین چیلنجرس کو اور این جی ٹی اسٹرائکر نے ٹریک چارجرس کو شکست دی تھی۔ خیال رہے کہ ابوظبی رائیڈرس، رکن الدین چیلنجرس اور ٹریک چارجرس اپنے کھیلے گئے تینوں میں میچوں میں ایک بھی میچ جیتنے میں کامیاب نہیں ہوسکیں اور نتیجتاً رن ریٹ کی بنیاد پر  ٹریک چارجرس کو سیمی فائنل میں داخل ہونے کا موقع ملا۔

پہلا میچ ابوظبی رائڈرس اور کے ایم واریئر کے درمیان کھیلا گیاتھا ۔ ٹاس ہار کر پہلے بلے بازی کرتے ہوئے کے ایم واریئر نے 19.5اوروں میں 132 رن بنائے ۔میچ میں کپتان شہزاد اکرمی اور سید رافع بافقی نے آخری اوروں میں اچھی بلے بازی کا مظاہرہ پیش  کرتے ہوئے ٹیم کو ایک حدتک اچھے اسکور تک  پہنچایا ۔ مخالف ٹیم کے سید نورالمبین اور سید اعجاز صدیقہ نے اچھی گیند بازی کی اور تین، تین وکٹیں  حاصل کرنے میں کامیاب ہوئے ۔ حالانکہ اسکور زیادہ بڑا نہیں تھا، مگر اس کے بائوجود ابوظبی رائڈرس کی اننگز شروع سے لے کرآخر تک بے حد  خراب رہی  اور پوری  ٹیم ۷۰ رنوں کے مجموعی اسکور پر ڈھیر ہوگئی ۔  ناگراج نائک نے  تباہ کن گیندبازی کرتے ہوئے  اپنے تین اوورں میں پانچ رن دیکر ۴ کھلاڑیوں کو اپنا شکار بنایا اور اس طرح یہ میچ 52 رنوں سے کے ایم وارئیرس نے جیت لیا ۔ ناگراج نائک کو مین اف دی میچ  کے اعزاز سے نوازا گیا۔ 

دوسرا میچ رکن الدین چیلنجر اور ڈی وی ایس یونائٹید کے درمیان کھیلا گیا ۔ ڈی وی ایس یونائیٹڈ نے ٹاس جیت کر پہلے بیٹنگ کرتے ہوئے مقررہ ۲۰ اوورو ں میں ۹ وکٹوں کے نقصان پر ۱۶۵ رن بنائے جس میں عبدالمقیط کوچاپو کے ۳۶ اور معتصم جاکٹی کے ۵۵ رن شامل ہیں ۔ جعفر صادق شاہ بندری نے تین وکٹ حاصل کئے ۔ رکن الدین چیلنجر کے لئے یہ بڑا چیلنج تھا لیکن وہ اس میچ  کو بھی  جیت میں تبدیل کرنے میں  ناکام رہے ۔ ذاکر رکن الدین کے ۲۳ ‘ سمیع اللہ ائیکری کے ۲۷ اور جعفر توصیف قاسمجی کے ۲۳ رن کے باو جود مقررہ ۲۰ اووروں میں پوری ٹیم ۱۴۹ رن ہی بنا پائی ‘ عبدالمقیط کوچاپو نے آل راؤنڈ کا کردگی پیش کرتے ہوئے چار وکٹ اور معتصم جاکٹی نے بھی بہترین کارکردگی پیش کرتے ہوئے تین وکٹ حاصل کئے اس طرح یہ میچ ڈی وی ایس یونائیٹیڈ نے ۱۶ رنوں سے جیت لیا ۔ عبدالمقیط کوچاپو کو مین آف دی میچ کے خطاب سے نوازا گیا ۔ 

تیسرا میچ  این جی ٹی اسٹرائکر اور ٹریک چارجر کے درمیان کھیلا گیا ۔ ٹاس ہار کر پہلے بیٹنگ کرتے ہوئے این جی ٹی کے بلے باز عبادہ برماور نے دھواں دھار اننگز کھیلی جس میں انہوں نے ۳۷ گیندوں پر ۱۰ چھکوں او ر ۵ چوکوں کی مدد سے ۹۶ رن بنائے اس کے علاوہ صفوان شانو نے بھی ۳۱ رن بنائے اس طرح ٹیم نے  ۲۱۰ رنوں کا پہاڑ نما ا اسکور کھڑا کردیا ۔ میچ میں ٹریک چارجر کے  شمعون شاہ بندری نے ہیٹ ٹرک بھی لی، مگر این جی ٹی کو بڑا اسکور کھڑا کرنے سے نہ روک سکے۔ ایک مضبوط اسکور کا پیچھا کرتے ہوئے ٹریک چارجر نے بھی اچھی بیٹنگ کا مظاہرہ کیا اس کے بلے باز خاص کر نعمان طاہرہ  نے دھواں دار بلے بازی کی اور ۳۰ گیندوں پر ۵ چھکوں اور ۴ چوکوں کی مدد سے ۶۰ رن بنائے ۔ اس کے علاوہ محبوب رضا اور شیس ملا نے بھی بالترتیب ۴۱ اور ۲۵ رن بنائے اور اپنی ٹیم کو جیت کے قریب تک لے آئے لیکن ان تمام کی کوشش کو این جی ٹی بولروں نے کامیاب ہونے نہیں دیا اور آخری اوو ر میں طحہ معلم نے بہترین گیند بازی کرتے ہوئے  ٹریک چارجر کی کوششوں پر پانی پھیر دیا۔ ایک دلچسپ اور سخت مقابلے میں  میچ این جی ٹی اسٹرائکر نے صرف ۴ رنوں سے میچ جیت لیا ۔ لیکن چونکہ  ٹریک چاجر کا رن ریٹ دیگر تین ہارے والی ٹیموں کے مقابلے میں کافی اچھے تھے، اُسی بنیاد پر یہ ٹیم بھی سیمی فائنل تک پہنچنے میں کامیاب ہوئی۔  این جی ٹی اسٹرائکر کی طرف سے عبادہ‘عبدالرحمن اور صفوان شانونے دو دو وکٹ حاصل کئے  عبادہ کو مین آف دی میچ کے خطاب سے نوازا گیا ۔ 

امین سیف اللہ بی پی ایل 2018 کا سیمی فائنل اگلے جمعہ ۶ اپریل صبح این جی ٹی اسٹرائکر اور ٹریک چارجر کے درمیان اور دوپہر میں کے ایم واریئر اور ڈی وی ایس یونائیٹیڈ کے درمیان کھیلا جائیگا ، جبکہ اسی  شام ۷ بجے ٹورنامنٹ کا فائنل میچ ہوگا۔

ایک نظر اس پر بھی

ایران پر اسلحہ کے حصول پرعاید پابندیاں برقرار رکھنے کی جدوجہد جاری رکھیں گے: پومپیو

امریکی وزیر خارجہ مائیک پومپیو نے اپنے برطانوی ہم منصب ڈومینک راب کے ساتھ مشترکہ پریس کانفرنس میں کہا ہے کہ واشنگٹن ایران پر عائد اسلحہ کے پابندی کو برقرار رکھنے کے لیے اپنی کوششیں جاری رکھے گا۔ ...

کینسر کے شکار سعودی استاد کی بسترعلالت سے طلبا کی تدریس

سعودی عرب میں اپنے طلبا کو زیور علم سے آراستہ کرنے کے جذبے سے سرشار کینسر کا شکار ایک استاد کا سبق آموز اور قابل تقلید واقعہ سامنے آیا ہے جو چار ماہ سے خود اسپتال میں بستر علالت پر ہونے کے باوجود اپنی تکلیف کو بھلا کر بچوں کی تدریس کے فرائض انجام دے رہا ہے۔ ...

دو ریاستی حل میں امارات اور بحرین کا بڑا کردار ہو گا : جیرڈ کشنر کی العربیہ سے بات چیت

امریکی صدر کے مشیر جیرڈ کشنر کا کہنا ہے کہ دو ریاستی حل کو یقینی بنانے کے سلسلے میں امارات اور بحرین کا اہم کردار ہو گا۔ انہوں نے مزید کہا کہ فلسطینی معیشت کو بہتر بنانے کے لیے ایک اقتصادی منصوبہ موجود ہے۔

جب گیند ہاتھ میں ہوتی ہے تو ایسا لگتا ہے کہ میں راجہ ہوں: محمد شامی

طویل انتظار کے بعد آخر کار انڈین پریمیر لیگ کا 13 واں سیزن 19 ستمبر سے متحدہ عرب امارات میں شروع ہونے جارہا ہے۔ کے ایل راہل کی قیادت میں کنگز الیون پنجاب کی نظرپہلی بار خطاب پر ہے۔ تاہم کنگز الیون پنجاب کے لئے فاسٹ بولر محمد شامی کی کارکردگی سب سے زیادہ اہم ہوگی۔ محمد شامی نے کہا ...

ای سی بی کو کورونا کی وجہ سے ہوا بڑا نقصان،20 فیصد ملازمتوں میں ہوگی کمی

کورونا وائرس کی وجہ سے گزشتہ6 ماہ میں کرکٹ کو بہت نقصان اٹھانا پڑا ہے۔ انگلینڈ اور ویلز کرکٹ بورڈ کی ٹیم چار ماہ بعد میدان میں واپس آئی، لیکن اس کے باوجود کووڈ کی وجہ سے ای سی بی معاشی طور پر سب سے زیادہ متاثر ہوا ہے۔ ای سی بی اپنے عملے میں 20 فیصد کمی کرے گا جو 62 ملازمتوں کے مترادف ...

آئی پی ایل 2020: کوچ کمبلے نے کہا: کرس گیل کا کردار اہم ہوگا

کنگز الیون پنجاب کی نظر انڈین پریمیر لیگ کے 13 ویں سیزن میں پہلی بار ٹائٹل جیتنے پر ہے۔ انیل کمبلے کنگز الیون پنجاب کی کوچنگ کررہے ہیں، جبکہ کے ایل راہل کی شاندار فارم کو دیکھتے ہوئے کپتانی کی ذمہ داری سونپی گئی ہے۔ انیل کمبلے نے انکشاف کیا ہے کہ رواں سیزن میں 41 سالہ کرس گیل کا ...

رونالڈو نے بین الاقوامی فٹ بال میں لگائی سنچری،عالمی ریکارڈ کے لیے مزید9 گول کی ضرورت

اسٹار اسٹرائیکر کرسٹیانو رونالڈو بین الاقوامی فٹ بال میں 100 گول اسکور کرنے والے دنیا کے دوسرے فٹ بالر بن گئے۔ منگل کو پرتگال کی نیشنل لیگ میں سویڈن کے خلاف 2-1 سے فتح کے دوران رونالڈو نے یہ کارنامہ انجام دیا۔35 سالہ رونالڈو نے فری کک پر 25 میٹر کے فاصلے سے ٹیم کا پہلا گول اسکور ...