ایران میں گرفتار اُترکنڑا کے ماہی گیروں کی فوری رہائی کا مطالبہ کرتے ہوئے کرناٹکا این آر آئی فورم کا دبئی میں ہندوستانی سفارت کار سے ملاقات

Source: S.O. News Service | By I.G. Bhatkali | Published on 16th October 2018, 9:28 AM | ساحلی خبریں | خلیجی خبریں |

دبئی 16/اکتوبر (ایس او نیوز)  ریاست کرناٹک کے ضلع اُترکنڑا کے 18 ماہی گیروں کی ایران میں گرفتاری کے بعد اُن کی رہائی کی کوششیں تیز ہوگئی ہیں۔ اس تعلق سے تازہ اطلاع یہ ہے کہ  دبئی میں موجود ماہی گیروں کے رشتہ داروں نے  کرناٹکا این آر آئی فورم کے  اہم ذمہ دار اور قائد قوم جناب ایس ایم سید خلیل الرحمن صاحب سے ملاقات کرتے ہوئے اُن سے درخواست کی ہے کہ وہ اس معاملے میں مداخلت کرتے ہوئے دبئی میں موجود ہندوستانی سفارت خانے سے رابطہ قائم کریں اور ماہی گیروں کی فوری طور پر رہائی کو یقینی بنائیں۔

خبر ملی ہے کہ جناب ایس ایم سید خلیل الرحمن نے  کرناٹکا این آر آئی فورم کے  صدر پروین شٹی کے ساتھ  پیر کو انڈین قونصلیٹ جاکر ہندوستانی سفارت کار مسٹر ویپول سے ملاقات کی ہے اور اُن پر زور دیا ہے کہ وہ ایران میں  گرفتار ضلع اُتر کنڑا کے سبھی 18 ماہی گیروں کی فوری رہائی کے لئے ایرانی حکومت سے مذاکرات کریں۔ جناب ایس ایم سید خلیل الرحمن نے بتایا کہ ایران کےساتھ ہندوستان کے تعلقات کافی بہتر اور نہایت دوستانہ ہیں، لہٰذا ڈھائی مہینے سے  ہندوستانی ماہی گیروں  کو نظر بند کرنا  نہایت تشویشناک ہے۔ انہوں نے مسٹر ویپول سے فوری  مداخلت کرنے کی اپیل کی اور سبھی ماہی گیروں کو بحفاظت رہائی دلانے مناسب اقدامات کا  مطالبہ کیا۔ اس موقع پر ان کے ساتھ جناب ابومحمد مختصر بھی موجود تھے۔

خیال رہے کہ ضلع اُتر کنڑا کے جملہ 18 ماہی گیرجو   دبئی سمندر میں مچھلیوں کا شکار کررہے تھے،قریب ڈھائی ماہ قبل ایران نیوی نے اُس وقت گرفتار کرلیا تھا جب اُن کی بوٹ غلطی سے ایرانی سرحد میں داخل ہوگئی تھی۔ جملہ تین بوٹوں پر موجود 18 ماہی گیروں میں 12  کو ایران کے  کِیش  جزیرہ پر  ایک بوٹ پر ہی نظر بند رکھا گیا تھا، جبکہ دیگر چھ کو جیل میں بند کردیا گیا تھا۔

 بتایا گیا ہے کہ جیل میں بند چھ ماہی گیروں کو اب عدالت سے ضمانت پر رہا کئے جانے کے احکامات دئے گئے ہیں، مگر اُنہیں  جیل سے نکال کر دیگر 12 ماہی گیروں  کے ساتھ  اُن کی  بوٹ پر نظر بند رکھا گیا ہے۔

ذرائع سے اطلاعات مل رہی ہیں کہ اگلے دو دنوں میں سبھی 18 ماہی گیروں کی رہائی  ممکن ہے، جس کے لئے کاغذی کاروائیاں جاری ہیں۔

یاد رہے کہ 18 ماہی گیروں میں  نو کا تعلق بھٹکل ، سات کا تعلق کمٹہ، ایک کا تعلق ہوناور کے منکی اور ایک کا تعلق ضلع اُڈپی کے شیرور سے ہے۔

ایک نظر اس پر بھی

منڈگوڈ میں ڈاکٹر انجلی نمبالکر  نے کہا : وزیر اعظم صرف من کی بات کرتے ہیں اور جن کی بات بھول جاتے ہیں  

لوک سبھا کے لئے کانگریسی امیدوار ڈاکٹر انجلی نمبالکر نے منڈگوڈ کے ملگی نامی علاقے میں انتخابی اجلاس سے خطاب کرتے ہوئے کہا کہ گزشتہ دس برسوں میں وزیر اعظم نریندرا مودی نے صرف من کی بات کی ہے اور انہیں کبھی جن کی بات یاد نہیں آئی ۔

اُتر کنڑا میں چڑھ رہا ہے سیاسی پارہ - پرچار کے لئے وزیر اعظم نریندر مودی اور کرناٹک کے وزیراعلیٰ سدا رامیا کریں گے ضلع کا دورہ

لوک سبھا انتخابات کے دوسرے مرحلے کے لئے اُتر کنڑا میں سیاسی پارہ پوری قوت سے اوپر کی طرف بڑھ رہا ہے کیونکہ اپنے اپنے امیدواروں کے پرچار کے لئے وزیر اعظم نریندرا مودی اور وزیر اعلیٰ سدا رامیا کے دورے طے ہوئے ہیں ۔

اُتر کنڑا میں آج سے 30 اپریل تک چلے گی عمر رسیدہ، معذور افراد کے لئے گھر سے ووٹ دینے کی سہولت

ضلع ڈپٹی کمشنر گنگو بائی مانکر کی طرف سے جاری کیے گئے بیان کے مطابق الیکشن کمیشن کی طرف سے معذورین اور 85 سال سے زائد عمر والوں کے لئے گھر سے ووٹ دینے کی جو سہولت فراہم کی گئی ہے، اتر کنڑا میں آج سے اس کی آغاز ہو گیا ہے اور 30 اپریل تک یہ کارروائی چلے گی ۔

انجمن گرلز کے ساتھ انجمن بوائز کی سکینڈ پی یو میں شاندار کامیابی پر جدہ جماعت نے کی ستائش؛ دونوں پرنسپالوں کوفی کس پچاس ہزار روپئے انعام

انجمن گرلز پی یو کالج کے ساتھ ساتھ انجمن بوائز پی یو کالج کے سکینڈ پی یو سی میں قریب97  فیصد نتائج آنے پربھٹکل کمیونٹی جدہ نے دونوں کالجوں کے پرنسپال اور اساتذہ کی نہ صرف ستائش اور تہنیت کرتے ہوئے سپاس نامہ پیش کیا، بلکہ ہمت افزئی کے طور پر دونوں کالجوں کے پرنسپالوں کو فی کس ...

بھٹکل کا کھلاڑی ابوظبی انڈر۔16 کرکٹ ٹیم میں منتخب؛

بھٹکل کے معروف اور مایہ ناز بلے بازاور کوسموس اسپورٹس سینٹر کے سابق کپتان ارشد گنگاولی کے فرزند ارمان گنگاولی کو ابوظبی انڈر۔ 16 کرکٹ ٹیم میں شامل کیا گیا ہے جو جلد منعقد ہونے والے انڈر 16  ایمریٹس کرکٹ ٹورنامنٹ میں اپنے کھیل کا مظاہرہ کریں گے۔

ووٹنگ کے لئے خلیجی ممالک سے لوٹ آئے تیس ہزار سے زائد ملیالیس ؛ گلف کی مختلف جماعتوں پر لگی ہیں بھٹکل اور اُترکنڑا کے ووٹروں کی نگاہیں

ملک میں لوک سبھا کے  دوسرے مرحلہ  کے  انتخابات  جمعہ  26 اپریل کو ہونے والے ہیں ، جس میں  پڑوسی ضلع اُڈپی، مینگلور اور پڑوسی ریاست کیرالہ شامل ہیں۔ مگر اس بار  مودی حکومت سے ناراض   اور ملک میں جمہوری کو اقدار کو باقی رکھنے کے مقصد سے  کیرالہ کے تیس ہزار افراد صرف ووٹنگ کےلئے ...

قطر میں بھٹکل مسلم جماعت کی خوبصورت عید ملن تقریب

بھٹکل مسلم جماعت کی طرف سے حسب سابق۲ شوال  مطابق ١١ اپریل  بروز جمعرات قطر کے مختلف علاقوں میں رہائش پذیر بھٹکلی احباب کے لئے عید ملن کے نام سے ایک گیٹ ٹوگیدر تقریب کا اہتمام کیا گیا جس میں بچوں نے اپنی گوناگو صلاحیتوں کا مظاہرہ پیش کرتے ہوئے شریک حاضرین سے داد و تحسین حاصل ...

متحدہ عرب امارات میں شدید بارش؛ نظام زندگی مفلوج، عمان میں 18 افراد جاں بحق

  متحدہ عرب امارات (یو اے ای) اور اس کے گردونواح میں منگل کو طوفانی بارش ہوئی۔ صورتحال ایسی ہو گئی کہ متحدہ عرب امارات میں ہر طرف پانی ہی پانی نظر آیا۔ سیلاب کے باعث کئی شہر جام ہو گئے۔ وہیں، پڑوسی ملک عمان میں شدید بارشوں سے آنے والے سیلاب کے باعث 18 افراد ہلاک ہو چکے ہیں۔

عمان میں سیلاب سے تباہی، 13 افراد جاں بحق، لاپتہ لوگوں کی تلاش جاری

مشرق وسطیٰ کے شہر عمان میں اس وقت سیلاب نے زبردست تباہی مچا رکھی ہے۔ اتوار سے ہی عمان میں سیلاب کا قہر دیکھنے کو مل رہا ہے اور پیر کے روز بھی موسلادھار بارش کی خبریں سامنے آ رہی ہیں۔ موصولہ اطلاع کے مطابق اب تک اس سیلاب نے 13 لوگوں کی جان لے لی ہے اور کئی دیگر لاپتہ ہیں جن کی تلاش ...

سعودی عربیہ میں روڈ ایکسڈینٹ کے کیس میں پھنسا ہے بھٹکل کا ایک نوجوان؛ بھٹکل کمیونٹی جدہ اور بھٹکل مسلم خلیج کونسل سے مدد کی اپیل

  بھٹکل بیلنی کا ایک  28 سالہ نوجوان محمد خالد ابن محمد جعفر گذشتہ چار سال سے   سعودی عربیہ کے   تيماء  میں معمولی  روڈ ایکسیڈنٹ کے   ایک کیس میں بری طرح پھنس گیا ہے اور عدالت نے اُس پر 34500 ریال (قریب سات لاکھ ہندوستانی رقم ) کا جرمانہ عائد کیا ہے۔ نوجوان کا کہنا ہے کہ اُس کی ...