سعودی عربیہ کے دمام۔الخوبر ہائی وے پر کار اُلٹ گئی؛ بھٹکلی نوجوان بال بال بچے
بھٹکل 2 فروری (ایس او نیوز) سعودی عربیہ کے دمام.الخوبر ہائی وے پر پیش آئے ایک سڑک حادثہ میں بھٹکل کے نوجوان بال بال بچ گئے، البتہ حادثہ میں کار کو شدید نقصان پہنچا ہے۔ حادثہ بدھ دوپہر قریب ایک بجے پیش آیا۔
ساحل آن لائن سے فون پر گفتگو کرتے ہوئے مرحوم نوشاد کوبٹے کے فرزند سعد کوبٹے نے بتایا کہ وہ اپنے دو دوستوں کے ساتھ دمام اپنے گھر سے الخوبر اسکول جارہا تھا جب سامنے دوڑتی ہوئی کار نے اچانک بریک لگادئے۔ اگلی گاڑی رُکتے ہی سعد نے بھی پوری قوت سے بریک لگادئے جس کے نتیجے میں اس کی کار اُلٹ گئی۔ سعد نے بتایا کہ وہ اور اس کے دونوں دوست اللہ کے فضل سے بالکل محفوظ ہیں۔ البتہ کار کو شدید نقصان پہنچا ہے۔
حادثہ کے فوری بعد سوشیل میڈیا پر حادثہ میں کار کے اُلٹنے کی فوٹو اور وڈیو وائرل ہوگئی۔ وڈیو میں دیکھا جاسکتا ہے کہ حادثہ کے بعد کچھ دیر کے لئے ٹریفک جام ہوگیا تھا۔
بتاتے چلیں کہ دمام سے الخوبر کا فاصلہ 25 کلو میٹر ہے، پتہ چلا ہے کہ حادثہ دمام سے قریب پانچ کلومیٹر کے فاصلے پر اسکان نامی مقام پر پیش آیا۔
