دبئی4 مئی (ایس او نیوز) حیدرآبادی کھانے بالخصوص حیدرآبادی بریانی دنیا بھر میں مشہور ہے اور گلف سمیت دبئی میں لوگ اکثر حیدرآبادی کھانوں کا مزہ لینے حیدرآبادی ریسٹورینٹ کی تلاش میں رہتے ہیں، لیکن اب دبئی میں رہائش پذیر بھٹکل اور اطراف بھٹکل والوں کے لئے خوش خبری یہ ہے کہ بھٹکل والوں کی ملکیت میں ہی دبئی کے دیرہ (نزد کلاک ٹاور) میں حیدرآبادی پکوان اور حیدرآبادی ذائقوں کے ساتھ حیدرآباد ہاوس ریسٹورینٹ کا افتتاح عمل میں آیا ہے جہاں ہر قسم کے حیدرآبادی کھانے چوبیسوں گھنٹے دستیاب رہیں گے۔
افتتاحی تقریب کو یادگار بنانے کے لئے حیدرآباد کے معروف کامیڈین کلاکار گُلو دادا مہمان خصوصی کے طور پر تشریف فرما تھے، جبکہ بھٹکل مسلم جماعت دبئی کے سابق نائب صدر مولانا ہاشم ایس ایم ندوی کی دعاوں کے ساتھ ریسٹورینٹ کا افتتاح کیا گیا۔ اس موقع پر جماعت کے صدرشہریار خطیب، جنرل سکریٹری جیلانی محتشم، سابق صدر اشفاق سعدا، سابق جنرل سکریٹری یوسف برماور ، سمیر کوکاری، آفاق نائطے ودیگر کئی ذمہ داران موجود تھے۔
دبئی یا عرب امارات میں مقیم حضرات اپنے دوست احباب اور رشتہ داروں کو اس ہوٹل میں دعوت یا پارٹی کرانے کے لئے بھی لاسکتے ہیں۔ ہوٹل میں چائے اور دیگر مشروبات کے ساتھ تازہ جوس بھی دستیاب ہے۔اس کے ساتھ ساتھ ہوم ڈیلیوری کی بھی سہولت فراہم کی گئی ہے۔
ہوٹل مالکان سرفراز رکن الدین، سرفراز دامدا، توصیف صدیق اور شہباز نستار نے دبئی اور امارات میں مقیم حضرات سے اپیل کی ہے کہ اگر آپ لذیذ کھانوں کے دلدادہ ہیں تو پھر اپنے دوست احباب اور رشتہ داروں کے ساتھ ایک بار ہوٹل کا رُخ ضرور کریں اور ہوٹل کے ذائقہ دار کھانوں کا لطف ضروری اُٹھائیں۔