بحرین میں بھٹکل مسلم جماعت بحرین کی خوبصورت عید ملن تقریب ؛ اناس افریقہ کو بیسٹ اسٹوڈینٹ کا ایوارڈ؛ قران حفظ کرنے پر اسعدمصباح کو بھی ملا خصوصی اعزاز

Source: S.O. News Service | By Jafar Sadique Nooruddin | Published on 15th June 2019, 11:23 AM | خلیجی خبریں | ساحلی خبریں |

بحرین:/14جون (ایس اونیوز/محمد اطہر پیرزادے) بھٹکل مسلم جماعت بحرین کا عید ملن پروگرام بروز جمعرات  13جون کو منعقد ہوا، جس میں  بچوں کے پروگرام بالخصوص نظمیں، کوئیز، کھیل مقابلے نہایت دلچسپ رہے، عید ملن تقریب میں تعلیمی ایوارڈ سمیت بچوں کی ہمت آفزائی  کے لئے  بعض خصوصی انعامات  سے بھی نواز گیا جبکہ   آخر میں ریفل ڈراء کے ذریعے  پروگرام کے شُرکاء کو بھی  انعامات سے  نوازا گیا۔

 رات کی پرلطف ضیافت کے بعد  رات  10بجے مولوی ناہل ابن نورالامین ملپا کی تلاوت قرآن کریم اور اس کے ترجمہ سے پروگرام کا آغاز ہوا۔ برادرم منور علی انصار پیرزادے نعت پیش کی جماعت کے جنرل سکریٹری مولوی محمد اظہر الدین آرمار ندوی نے تمام مہمان وشرکا کا پرتپاک استقبال کرتے ہوئے  مہمان خصوصی کا تعارف پیش کیا۔

جماعت کے دیگر ممبران برادرم محمد شاکر ربانی کھروری، برادرم محمد معین خلیفہ، جناب مشتاق احمد ائیکری،عزیزم محمد رباح ڈی ایف نے اپنی آواز میں نظموں سے سامعین کو محظوظ   فرمایا۔ ننھے  منے بچوں نے پروگرام میں  حصہ لینے میں بڑی دلچسپی دکھائی اور بڑھ چڑھ کر حصہ لیا، جس میں خاص کر شزا بنت شہنواز اسرمٹا، فاطمہ آشنا بنت اسحاق پلور، فاطمہ بنت پرویز قاسمجی کی  معصومیت بھری میٹھی زبان سے حدیث بیانی کو بہت پسند کیاگیا۔ امسال  بچوں کے تین  گروپ پروگرام منعقد ہوئے تھے جس  میں ' ماں باپ بڑے انمول'  نامی پروگرام کو بہترین پروگرام کے  خطاب سے نوازا گیا۔ اور سابقہ سالوں کی طرح اس پروگرام کے ہدایت کاروں (زوجہ پرویز قاسمجی و بنت روشن آرمار) کی ہمت افزائی کرتے ہوئے انعام سے نوازاگیا۔ اس پروگرام میں حصہ لینے والے بچوں کے نام سمرا افریقہ، اذشاسلامتی، آمنہ آرمار، زوہاسکری، آئینا پلور،، صنوبر رکن الدین، شزا اسرمتا، فاطمہ قاسمجی،، سمیہ ائیکری اور زہرہ آرمار  رہے۔

محمد اطہر پیرزادے کے زیر اہتمام کوئز پروگرام کے  ذریعہ بھٹکل کے تاریخ سامعین کو یاد دلانے کی کوشش کی گئی  جس کو سامعین نے بے حد  سراہا۔ محفل کو مزید لطف اندوز کرنے کے لیے ایک کھیل کا انتظام کیاگیاتھا جس میں ساری محفل کے شرکانے شرکت کی، محمد اطہر پیرزادے نے اس کھیل کی نظامت کو  خوبصورتی کے ساتھ  نبھایااور جیتنے والے چار ممبران کو انعامات سے نوازاگیا۔ اس کھیل کو حاضرین نے بے حد پسند کیا۔

بھٹکل کے معروف نوائطی اخبار نقش نوائط کے ایڈیٹر مولوی  عبدالعلیم قاسمی اس پروگرام میں مہمان خصوصی کے طور پر مدعو تھے، انہوں  نے اپنے پُر مغز بیان میں معاشرہ میں بڑھتے ہوئے غیر رسمی وغیر ضروری روایات پر تشویش کا اظہار کیا اور افسوس کے ساتھ بتایا کہ آج کل  ہمارے نوجوان کس طرح ہمارے اپنے طور طریقوں کو بھول کر دوسروں کے طریقوں کو اپنا رہے ہیں۔  انہوں نے  حاضرین کو  معاشرہ کی حفاظت  پر اُبھارا۔ جماعت ومحفل کے صدر مولوی عبدالرزاق خلیفہ ندوی نے اپنے  صدارتی خطاب میں بچوں کی تربیت پرزور دیا۔ محفل کے کنوینر وجماعت کے نائب صدر احمد ضیامحتشم نے آخر میں تمام سامعین، مہمانان، حصہ لینے والے حضرات وانعامات دینے والے حضرات کا فرداً فرداً  شکر یہ ادا کیا،  جناب محمد جنید مولوی کی  دعاپر  تقریب   کا اختتام ہوا۔    محفل کی نظامت برادرم محمد اسحاق پلور اور برادرم سرفراز احمد محتشم نے بخوبی نبھائی اور آخرتک محفل کو گرمائے رکھنے میں کامیاب رہے

امسال تعلیمی ایوارڈ اناس بنت محمد شعیب افریقہ نے حاصل کیا جنہوں نے  درجہ دہم میں 95.8 فیصد سے امتیازی کامیابی حاصل کی تھی اور پورے بحرین میں بھٹکل کمیونٹی کا نام روشن کردیا تھا۔ امسال اعزازی حافظ قرآن کا  ایوارڈ  حافظ اسعد ابن محمد الطاف مصباح  کو   دیاگیا،   یہ بحرین میں مقیم بھٹکلی حضرات میں  پہلے حافظ قرآن ہیں جنہوں نے اپنے طالب علمی کے دوران ہی مکمل قرآن حفظ کیا۔ اسی طرح رمضان المبارک کے پورے روزے  رکھنے والے ننھے  بچوں کی بھی  ہمت افزائی کے لئے  ایک انعام رکھا گیا تھا جسے   آئنا  بنت اسحاق پلور نے حاصل کیا۔  ریفل ڈرا کا  پہلا  انعام انڈین پچاس ہزار روپئے   جناب محمد شاکر ربانی کھروری کے نام نکلا  جبکہ دوسرا  انعام 10گرام سونے کا سکہ جناب محمد شعیب افریقہ کے حق میں رہا۔ تیسراانعام انڈین 25ہزار روپئے کے حقدار جناب محمد عاقب قاسمجی  رہے۔ 
 

ایک نظر اس پر بھی

لبنان میں نئی حکومت کی تشکیل کے باوجود احتجاج کا سلسلہ جاری

لبنان میں ایوان صدر کے ایک بیان میں کہا گیا ہے کہ نو منتخب وزیراعظم حسان دیاب کی قیادت میں نئی کابینہ تشکیل دے دی گئی ہے جب کہ دوسری طرف ملک میں مختلف شہروں میں احتجاج کا سلسلہ بدستور جاری ہے۔لبنانی صدر میشل عون نے ایک صدارتی فرمان جاری کیا ہے جس میں کہا گیا ہے کہ نو منتخب ...

لیبیا میں ترکی کی مداخلت علاقائی تنازعات بھڑکانے کا باعث بن سکتی ہے: ابو الغیط

عرب لیگ کے سیکرٹری جنرل احمد بو الغیط نے خبردار کیا ہے کہ لیبیا میں ترکی کی مداخلت سے خطے میں جاری بحران مزید پیچیدہ ہونے کے ساتھ ساتھ اس کے نتیجے میں علاقائی تنازعات مزید بھڑک سکتے ہیں۔ایک مصری ٹی وی چینل کو دیے گئے انٹرویو میں احمد ابو الغیط نے کہا کہ برلن کانفرنس میں لیبیا ...

سعودی عرب اور مصر کی مشترکہ بحری مشق’مرجان-16‘ کا انعقاد

مصر کے شہر سفاجا میں ’مرجان - 16‘ کے نام سے بحری مشق کا آغاز ہو گیا ہے۔ مشق میں مصر اور سعودی عرب کی بحریہ شریک ہے۔ مشق کے آغاز کے موقع پر بحر احمر کے بحری اڈے کے کمانڈر میجر جنرل اسٹاف حازم حامد بھی موجود تھے۔سعودی خبر رساں ایجنسی ایس اے پی کے مطابق یہ مشق دو مرحلوں میں تقسیم ہے۔ ...

سعودی وزیر مملکت برائے خارجہ امور عادل الجبیر نے کہا؛ ایران دہشت گردی کا سب سے بڑا پشتی بان ہے، سعودی عدلیہ پرتنقید بلا جواز ہے

سعودی عرب کے وزیر مملکت برائے خارجہ امور عادل الجبیر نے یورپی پارلیمنٹ کی خارجہ تعلقات کمیٹی کے اجلاس سے خطاب میں کہا کہ سعودی عرب ایک خود مختار ریاست ہے اور ہم کسی کو مملکت کا گھیراؤ کرنے کی اجازت نہیں دیں گے۔ انہوں نے یورپی رہ نماؤں کو مخاطب کرتے ہوئے کہا کہ مملکت کے بارے میں ...

ایرانی جنرل قاسم سلیمانی شام میں شہریوں کے بے دریغ قتل عام میں ملوث تھا: شامی وزیر دفاع کا بیان

شام میں سنہ 2011ء کو اسد رجیم کے خلاف شروع ہونے والی عوامی بغاوت کچلنے کے لیے ایرانی جنرل قاسم سلیمانی کا کردار کسی سے ڈھکا چھپا نہیں۔ مقتول کمانڈر سلیمانی نے شام میں جس بے دردی کے ساتھ لوگوں کو موت کے گھاٹ اتار اس کے ان گنت شواہد موجود ہیں۔اس حوالے سے شام کے وزیر علی ایوب کی ایک ...

یمنی دارالحکومت کے شمال میں 80 حوثی جنگجو ہلاک ، 100 قید

یمن میں ذرائع کے مطابق دارالحکومت صنعاء کے شمال مشرق میں نہم کے محاذ پر جھڑپوں کے دوران 80 حوثی باغی ہلاک ہو گئے۔ اس دوران 100 حوثیوں کو قیدی بھی بنا لیا گیا۔عسکری ذرائع نے واضح کیا کہ نہم کے محاذ پر یمن کی قومی فوج اور حوثی ملیشیا کے بیچ گھمسان کی لڑائی ہوئی۔اس دوران یمنی فوج جبل ...

بھٹکل میں گھر گھر جاکر سروے کرتی خواتین کو آزاد نگر میں روک دیا گیا؛ اسسٹنٹ کمشنر نے کہا، سرکار کی طرف سے نہیں ہورہا ہے کوئی سروے

بھٹکل میں گھر گھر جاکر سروے کرنے والی خواتین کو آزاد نگر کے عوام نے اُس وقت روک لیا جب تین خواتین پر مشتمل ایک ٹیم   ایک مکان سے معلومات جمع کرنے کے بعد دوسرے مکان کے کمپاونڈ  میں داخل ہورہی تھیں۔   مقامی لوگوں نے خواتین سے سوالات کئے تو اُن میں سے ایک خاتون نے اپنا شناختی ...

منڈگوڈ کے جنگلات سے صندل لکڑی کی چوری : چار گرفتار ،بی جےپی لیڈر سے بھی پوچھ تاچھ

تعلقہ کے کُرلی جنگلات سے دو صندل کے درختوں کو کاٹ کر غیرقانونی سپلائی کرنے  کے الزام میں فاریسٹ افسران نے چار ملزموں کو گرفتار کرتے ہوئے بائک اور صندل لکڑی کو ضبط کرلینےکا واقعہ پیش آیا ہے ۔

کمٹہ میں ریوینیو منسٹر آر اشوک کے ہاتھوں رکھاگیا مِنی ودھان سودھا کا سنگ بنیاد۔ طلبہ کودیا حکومت کی طرف سے لیپ ٹاپ کا تحفہ

محکمہ ریوینیو کے وزیر آر اشوک کے ہاتھوں کمٹہ میں مِنی ودھان سودھا کا سنگ بنیا درکھا گیا۔اس کے علاوہ قدرتی آفات سے متاثرہ افراد کی باز آبادکاری کے ایک مرکز کا بھی افتتاح کیا۔ اس تعلق سے منعقدہ اجلاس سے خطاب کرتے ہوئے انہوں نے کہا سیلاب زدگان کے لئے مکانات کی تعمیر کے مقصدسے فی ...

کیرالہ میں آر ایس ایس کارکن گرفتار، پوچھ تاچھ میں ہوئے حیرت انگیز انکشافات

پڑوسی ریاست کیرالہ  کے کنور میں آر ایس ایس دفتر کے پاس واقع پولس پوسٹ پر بم پھینکے جانے کے الزام میں پولس نے آر ایس ایس کارکن کو گرفتار کرنے کی خبر موصول ہوئی ہے۔ ذرائع سے ملی اطلاع کے مطابق تمل ناڈو کے کوئمبٹور سے آر ایس ایس کا یہ ورکر بدھ کے روز گرفتار ہوا جس کے بعد اس سے سختی کے ...

ہندوتوا کارکنوں پر درج ہوئے مقدمات بی جےپی حکومت واپس لے گی : وزیر کے ایس ایشورپا

موجودہ ریاستی بی جے پی کی حکومت ہندوتوا تنظیموں کے کارکنانوں پر دائر ہوئے مقدمات کو واپس لینےکی تیاری  میں ہے ، اس سلسلےمیں ریاستی وزیر کے ایس ایشورپا نے سرسی میں بیان دیتے ہوئے کہاکہ پچھلی سرکار ہندوتوا تنظیموں کے کارکنوں پر بے وجہ در ج کئے مقدمات کو بی جے پی حکومت واپس لے گی، ...