این جی ٹی۔بی پی ایل ٹورنامنٹ کا دوسرا ہفتہ‘ یونیق اسٹرائکر اور 4 پارٹنرس چارجر س نے درج کی جیت
دبئی 7/فروری (ایس او نیوز) این جی ٹی۔ بی پی ایل کے دوسرے ہفتہ کے میچس متحدہ عرب امارات کے عجمان میں 14 سینٹی گریڈ کے درجہ حرارت میں کھیلے گئے۔میدان میں ٹھنڈ اتنی زیادہ تھی کہ ایسا محسوس ہورہا تھا کہ میچوں کو منسوخ کرنا پڑے گا، لیکن کھلاڑیوں کے اصرار پر گورننگ کونسل نے آخری لمحات میں کھیل جاری رکھنے کا فیصلہ کیا۔ پہلا میچ کچھ تاخیر کے ساتھ یونیق اسٹرائکر اور رکن الدین برادرس کے درمیان کھیلا گیا۔ یونیق نے ٹاس جیت کر پہلے بازی کرتے ہوئے مقررہ بیس اوورو ں میں چار وکٹ کھوکر 192 رن بنائے جس میں معتصم جاکٹی کے 66 رن اور راسخ جوباپو کے 41 رن شامل ہیں۔ رکن الدین برادرس ٹائٹن کی طرف سے ذاکر رکن الدین نے دو وکٹیں حاصل کیں۔ 193 رنوں کا پیچھا کرتے ہوئے ذاکر اور عبدالسلام رکن الدین نے بالترتیب 21 اور 49 رن بنائے، البتہ مزید کوئی دوسرا کھلاڑی کریز پر زیادہ دیر ٹک نہیں پایا۔ طحہ معلم اور عبدالباسط صوبیدار نے چار چار وکٹ چٹکائے۔ اس طرح پوری ٹیم 129 رنوں پر آل آوٹ ہوگئی اور یونیق اسٹرائکر نے یہ میچ 63رنوں سے جیت لیا۔ عبدالباسط صوبیدار کو مین آف دی میچ کے خطاب سے نوازا گیا۔
دوسرا میچ مرحبا چیمپس اور فور پارٹنرچارجر س کے درمیان کھیلا گیا۔ مرحبا چیمپس نے ٹاس جیت کر پہلے بلے بازی کرتے ہوئے 18.4 اووروں میں 117 رنوں پر آل آوٹ ہوگئی۔مرحبا میں صرف عبدالواحد مجاور کچھ شاندار بلے بازی کے جوہر دکھاتے ہوئے 50 رن بنانے میں کامیاب ہوئے۔ کپتان محبوب رضا نے ۳ وکٹ اور عبدالوحید کوچاباپو نے دو وکٹیں حاصل کئے۔ 118رنوں کا پیچھا کرتے ہوئے 4 پارٹنر چارجرس نے مقررہ نشانہ کو 18.2 اووروں میں ہی پارکرلیا اور میچ جیت لیا۔ آصف حاجی آمین نے 35 رن بنائے، جبکہ جعفر صادق شاہ بندری نے 3 وکٹیں حاصل کیں۔ کپتان محبوب رضا کو مین آف دی میچ کے خطاب سے نوازا گیا۔
کڑاکے کی سردی میں بھی کرکٹ شائقین کی اچھی خاصی تعداد گراؤنڈ میں موجود رہی۔اگلے جمعہ چار میچس کھیلے جائینگے۔
پہلا میچ صبح پونے آٹھ بجے میک ہوم چیلنجر اور رکن الدین برادرس ٹائٹنس کے درمیان کھیلا جائے گا، دوسرا میچ سوا گیارہ بجے یونیق اسٹرائکر اور ابوظبی رائڈرس کے درمیان، تیسرا میچ دوپہر پونے تین بجے قاسمجی واریر اور مرحبا چیمپس کے درمیان اوراور آخری میچ ساڑھے سات بجے 4 پارٹنر چارجرس اور ڈی وی ایس اسمیشر کے مابین کھیلا جائیگا۔