بھٹکلی حضرات کا مسقط میں گاوٗیں ملن؛ بچوں نے پیش کیا خوبصورت تفریحی پروگرام، جان عبدالرحمن صاحب نے دی، نوجوانوں کو تجارت میں آگے بڑھنےکی ہدایت

Source: S.O. News Service | By I.G. Bhatkali | Published on 27th October 2018, 7:11 PM | خلیجی خبریں | ساحلی خبریں |

مسقط 27/اکتوبر (ایس او نیوز)  بھٹکل مسلم اسوسی ایشن مسقط کی جانب سے جمعرات شب  کو "گاویں ملن" کے نام سے  عمان کے مختلف شہروں اور علاقوں میں مقیم بھٹکلی حضرات کے لئے ایک گیٹ ٹو گیدر پروگرام منعقد کیا گیا جس میں  بچوں و خواتین سمیت 700 سے زائد ممبران نے حصہ لیا۔ پروگرام نہایت شاندار رہا اور  بالخصوص بچوں کے تفریحی پروگرام سے حاضرین نے خوب  لطف اُٹھایا۔

گاویں ملن میں ایک طرف مہمان خصوصی کے طور پر تشریف فرما انجمن حامئی مسلمین بھٹکل کے جنرل سکریٹری جناب صدیق اسماعیل کی تہنیت کی گئی اور قوم و ملت کے لئے اُن کی  خدمات کا اعتراف کیا گیا ، وہیں  بھٹکل جماعت المسلمین کے سابق صدر جناب عبدالرحمن محتشم جان کی بھی تہنیت کرتے ہوئے پوری جان برادری کو تجارت میں کامیابی کا زینہ طے کرنے پر مبارکباد پیش کی گئی۔

افتتاحی وصدارتی خطاب کرتےہوئے  جماعت کے صدر جناب ایس ایم سید محمد شکیل نے جناب عبدالرحمن جان کے متعلق   بتایا کہ ماضی میں انہوں نے جن جن شہروں میں قیام کیا، وہیں پر انہوں نے  اجتماعیت قائم کرتے ہوئے جماعت کی داغ بیل ڈالنے کا اہم فریضہ انجام دیا۔مزید کہا کہ  قوم و ملت کے ہرکام میں  ان کے  خاندان کا بڑا  contribution رہا ہے۔جبکہ جان عبدالرحمن صاحب اپنے خاندان کی بہترین نمائندگی کرتے ہوئے  پہلے سے ہی قوم  وملت کے لئے اپنا وقت،اپنی صلاحیت اور اپنا مال بھی خرچ کرکے   اپنی خدمات انجام دیتے آ رہے ہیں۔

مسقط  جماعت کے تعلق سے صدر جماعت نے بتایا کہ اس اسوسی ایشن کا قیام تقریبا 45سال قبل  18 ممبران سے ہوا تھا  اور آج اس کے ممبران کی تعداد  600 سے تجاوز کرچکی  ہے۔ اس جماعت کو یہ اعزاز حاصل ہے کہ اس جماعت کے ذریعے پہلی مرتبہ  آسان قسطوں  پر پلاٹ اسکیم  جاری کی گئی تھی جس کے ذریعے قلب شہر میں مسقط کالونی قائم ہوئی اور اس جماعت کی تقلید کرتے ہوئے دیگر جماعتوں نے بھی اپنے ممبران کے لئے اس طرح کی اسکیم بناکر ممبران کو آسان قسطوں پر پلاٹ فراہم کیا۔جناب شکیل صاحب نے بتایا کہ  اب اس جماعت کے تحت پلاٹ نمبر دو کی بھی شروعات کی گئی ہے۔

مہمان خصوصی کے طور پر خطاب کرتے ہوئے  انجمن حامئی مسلمین بھٹکل کے جنرل سکریٹری جناب  اسماعیل صدیق نے انجمن کا مختصر تعارف اور اس کی تعلیمی سرگرمیوں سے ممبران کو آگاہ کرایا انہوں نے کہا کہ 1919 سے قائم انجمن اب اپنا صد سالہ جشن منانے جارہا ہے، جس کا آغاز جنوری 2019 سے ہوگا اور پورا سال یعنی دسمبر تک مختلف پروگرام اور سیمینار وغیرہ منعقد ہوں گے۔

انہوں نے کہا کہ آج بھٹکل میں جو خوشحالی نظر آرہی ہے وہ انجمن کی بدولت ہے اور آج انجمن سے فارغ طلبا مختلف ملکوں اور شہروں میں برسر روزگار ہیں، انہوں نے مزید کہا کہ ہمارے یہی بھائی آج انجمن کی بھی بڑھ چڑھ کر مدد کرتے ہیں اور سبھی خادمان قوم کی خدمات کی وجہ سے  انجمن آج پھل دار اور تناور درخت کی شکل اختیار کرچکا ہے۔ انجمن کے تحت حال ہی میں شروع کئے گئے  الفطرہ پری اسلامک اسکول کے تعلق سے انہوں نے بتایا کہ اس میں پونے تین سے پونے چار سال کے بچوں کو داخلہ دیا جاتا ہے، یہاں قران تجوید کے ساتھ تین دور کو تین  سال میں مکمل کیا جاتا ہے، یہاں  سائنس ، میتھس اور انگریزی وغیرہ بھی سکھائی جاتی ہے جس کا مقصد ابتداٗء سے ہی بچوں کو قرآنی تعلیمات سے آراستہ کرنا ہے۔ مزید بتایا کہ 1968 سے انجمن کے ماتحت قوم کے افراد  کے تعائون  سے 19 تعلیمی  ادارے چل رہے ہیں۔انہوں نے انجمن کی صد سالہ تقریب میں سبھی جماعت کے ممبران کو شریک ہونے کی دعوت دی۔

جناب محتشم جان عبدالرحمن نے اپنے تاثرات پیش کرتے ہوئے نوجوانوں کو آواز دی کہ وہ صرف بڑی کمپنیوں میں ملازمت کرتے نہ رہ جائیں بلکہ ملازمت کرکے تجربہ حاصل کرتے ہوئے  اپنی خود کی تجارت بھی شروع کریں۔انہوں نے اس بات پر تشویش کا اظہار کیا کہ آج کل ہمارے نوجوان 80 فیصد کامرس میں داخلہ لیتے ہیں، دیگر میدانوں کی طرف ہم رُخ نہیں کررہے ہیں، انہوں نے کامرس کے ساتھ ساتھ نوجوانوں کو  ڈاکٹرس، انجینرس، وُکلا،  آئی اے ایس، آئی پی ایس وغیرہ میں بھی ہماری نمائندگی ہونے پر زور دیا۔

اس موقع پر دونوں مہمانوں کے اعزاز میں صدر جماعت ایس ایم سید شکیل کے ہاتھوں میمنٹو پیش کئے گئے، اسی طرح نائب صدر جناب ابوبکر لونا صاحب کے ہاتھوں  ڈاکٹر عمران سقاف کی اور ڈاکٹر وسیمہ بنت ظفر معلم مرحوم اور زوجہ  ایوب سدی باپا کی بھی قوم کے لئے خدمات انجام دینے کا اعتراف کرتے ہوئے اُن کی تہنیت کی گئی۔

جماعت کی تعلیمی و ثقافتی کمیٹی کے چیرمین جناب محمد قمر مرچنٹ نے   ممبران جماعت  کے  ہونہار بچوں   کو حسن شبر ایجوکیشن میموریل ایوارڈ سے نوازنے کا اعلان کیا جنہیں  مہمانان کے ہاتھوں  ایوارڈ سے نوازا گیا۔

اسپورٹس کمیٹی کے کنوینر جناب دلدار مُبین نے اسپورٹس ایوارڈ کا اعلان کیا، جس میں المحتشم روی ٹیم کو کرکٹ ٹورنامنٹ میں اول انعام اور سیب نوائط اے کو دوسرے انعام سے نوازا گیا۔

اس کے ساتھ ہی بچوں کا تفریحی پروگرام شروع ہوا جس میں بچوں نے خوبصورت اور سبق آموز جملہ 14 ڈرامے سمیت نظمیں اور اسلامی گیت پیش کرکے سامعین سے خوب داد و تحسین حاصل کی۔آخر میں ریفل ڈرا  کے ذریعے ممبران میں انعامات تقسیم کئے گئے۔ایک موٹر بائک اور ایکٹیوا سمیت چار موبائل ،ایک کوکنگ رینج، ایک ریٹرن ٹکٹ اور خواتین کے لئے گولڈ چین، فینسی پینڈل وغیرہ بہت سارے انعامات تقسیم  کئے گئے۔جماعت کے جنرل سکریٹری ایس پی عبدالباری کے کلمہ تشکر پر جلسہ کامیابی کے ساتھ اختتام پذیر ہوا۔

خیال رہے کہ رات نو بجے رات کی شاندار ضیافت کے ساتھ پروگرام کا آغاز ہوا تھا، اسٹیج پروگرام کی شروعات جناب حافظ معظم سعدا کی تلاوت کلام پاک سے ہوئی تھی۔ابوالاعلیٰ محتشم نے پروگرام کی نظامت بحسن و خوبی انجام دی۔

جن ہونہار بچوں کو تعلیمی ایوارڈ سے نوازا گیا، اُن کے نام اس طرح ہیں:

عائشہ  بنت ایوب سدی باپا ۔۔۔ میٹرک میں 80.40 فیصد ۔۔۔انڈین  اسکول، مسقط

عائشہ نُہیٰ بنت محمد الیاس ایم جے ۔۔۔ پی یو سی سکینڈ میں92.32 فیصد ۔۔۔۔  انجمن گرلز انگلش میڈیم ہائی اسکول، بھٹکل

امل بنت عبدالوہاب ائیکری،  پی یو سی سکینڈ میں 93.44 فیصد ۔۔۔۔ بیری انگلش ہائی اسکول، مینگلور

 انیقہ سیرین بنت عبدالرحمن ائیکری،  بی ایس سی  میں 85.58 فیصد ۔۔۔۔ انجمن ویمن کالج بھٹکل

قیصر احمد ابن محمد عمران سوکور ، بی ای میکانیکل انجینرنگ، 86.4 فیصد ۔۔۔انجمن انسٹی ٹیوٹ آف ٹیکنالوجی اینڈ مینجمنٹ، بھٹکل

سید احمد جاسم ابن سید اسماعیل، بی ای کیمیکل انجینرنگ، 89.5 فیصد ۔۔۔بی ایم ایس کالج آف انجینرنگ، بنگلور

محمد صلاح الدین ابن ایوب سدی باپا، ایم بی اے، صد فیصد ۔۔۔IPAG بزنس اسکول، پیرس، فرانس

ایک نظر اس پر بھی

کانگریس پارٹی نے کیا غیر رہائشی ہندوستانی ووٹروں کے لئے ڈسٹرکٹ کوآر ڈینیٹرکے بطوربھٹکل کے قمر سعدا کا تقرر

بھٹکل کے مشہورغیر رہائشی سماجی خدمت گار اور سعودی عرب کے تاجر قمر سعدا صاحب کو کرناٹکا پردیش کانگریس کی طرف سے پارلیمانی انتخابات کے موقع پر ووٹنگ کے لئے وطن میں تشریف لانے والے این آر آئیز کے لئے’ ڈسٹرکٹ کوآر ڈینیٹر‘ مقرر کیا ہے ۔

بھٹکل میں انڈین نوائط فورم کی جانب سے روزگار میلہ؛ چار سے پانچ لاکھ روپیوں میں کاروبار شروع کرنے کے خواہش مندوں کے لئے بھی سنہرا موقع

بھٹکل سمیت اطراف کے علاقوں بالشمول شرالی، مرڈیشور اور منکی کے لوگوں کے لئے جو نوکریوں کی تلاش میں ہیں، انڈین نوائط فورم کی جانب سے  27 اپریل کو منعقد کئے جانے والے جاب فئیر  کی تیاریاں آخری مراحل میں ہیں، اس تعلق سے کافی لوگوں نے  فئیر میں شریک ہونے کے لئے اپنا نام درج کروایا ...

دبئی کے قریب عجمان میں منعقدہ امین سیف اللہ "بی پی ایل" کرکٹ ٹورنامنٹ میں این جی ٹی بلٹز کی شاندار کامیابی

 امین سیف اللہ بھٹکل پریمئر لیگ(بی پی ایل)  2019 کرکٹ ٹورنامنٹ  کے فائنل میں این جی ٹی بلٹز نے شاندار کھیل کا مظاہرہ پیش کرتے ہوئے  الکریمی چیمپئن کوشکست دے کر بی پی ایل چیمپئن شپ حاصل کرلی ہے۔ خیال رہے کہ این جی ٹی ٹیم  مسلسل آٹھ سالوں سے بی پی ایل ٹورنامنٹ  میں حصہ لے رہی تھی، ...

بھٹکل کمیونٹی جدہ کی جانب سے ممبران کے لئے پکنک کا اہتمام؛ خواتین کے لئے صحت بیداری کا بھی منعقد ہوا بہترین  پروگرام

  4/اپریل 2019 کوبھٹکل کمیونٹی جدہ نے موجودہ  حالات کو مد نظر رکھتے ہوئے پریشانیوں،  دشواریوں اور تناو  سے تھوڑا سا ارام اور پرسکون ماحول فراہم کرنے  ممبران کے لئے پکنک کا اہتمام کیا جس میں بچوں  بڑوں اور بزرگوں اور خواتین کے لئے  بہت سارے تفریحی پروگرام منعقد کئے گئے. خیال رہے ...

گلف سے بھٹکل لوٹنے والوں کے لئے 27اپریل کوہوگا انڈین نوائط فورم کا جاب میلہ؛ فوری فارم بھرکر اپنا نام رجسٹرڈ کرائیں

حال ہی میں خلیجی ممالک کی بعض پالیسیوں سے پریشان ہوکرجو لوگ گلف سے بھٹکل واپس لوٹ چکے ہیں اُن کے لئے انڈین نوائط فورم (INF) کی جانب سے  مورخہ 27 اپریل  کو بھٹکل نوائط کالونی ،رابط  ہال میں  جاب میلہ  کا انعقاد کیا گیا  ہے جس میں مختلف میدانوں میں کام کا تجربہ رکھنے والوں کو اُن کی ...

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔

لوک سبھا انتخابات؛ اُترکنڑا میں کیا آنند، آننت کو پچھاڑ پائیں گے ؟ نامدھاری، اقلیت، مراٹھا اور پچھڑی ذات کے ووٹ نہایت فیصلہ کن

اُترکنڑا میں لوک سبھا انتخابات  کے دن جیسے جیسے قریب آتے جارہے ہیں   نامدھاری، مراٹھا، پچھڑی ذات  اور اقلیت ایک دوسرے کے قریب تر آنے کے آثار نظر آرہے ہیں،  اگر ایسا ہوا تو  اس بار کے انتخابات  نہایت فیصلہ کن ثابت ہوسکتےہیں بشرطیکہ اقلیتی ووٹرس  پورے جوش و خروش کے ساتھ  ...

بھٹکل میں بی کے ہری پرساد کا بی جے پی اور مودی پر راست حملہ، کہا؛ پسماندہ طبقات کومزید کمزور کرنے کی سازش رچی جارہی ہے

بی جے پی بھلے ہی اپنے آپ کو اقلیت مخالف پارٹی کے طور پر پیش کرتی ہو، مگر  دیکھا جائے تو یہ پارٹی حقیقتاً پسماندہ طبقات، دلت اور ادیواسیوں کو  مزید  کمزور کرنے کی سازش میں لگی ہوئی ہے اور صرف ایک طبقہ کو برسراقتدار پر لانے میں کوشاں ہے۔ یہ بات  آل انڈیا کانگریس کمیٹی (اے آئی ...

اگر آپ عزت دار ماہی گیر ہیں تو آننت کمار ہیگڈے کو ہرگز ووٹ نہ دیں؛ بھٹکل میں ماہی گیروں سے پرمود مدھوراج کی اپیل

اگر آپ عزت دار ماہی گیر ہیں تو  آپ کو چاہئے کہ  ماہی گیروں کی پرواہ نہ کرنے والے بی جے پی اُمیدوار آننت کمار ہیگڈے  کو ہرگز ووٹ  نہ دیں۔ ملپے سے نکلی سات ماہی گیروں پر مشتمل بوٹ لاپتہ ہوکر  پانچ ماہ ہوچکے ہیں مگر مرکزی وزیر آننت کمار ہیگڈے کو ماہی گیروں کی پرواہ ہی نہیں ہے۔ ...

منگلورو میں ایک عجیب سانحہ۔بوتھ کے آخری ووٹر نے ووٹ دینے کے بعد لی آخری سانس

پاجیرو گاؤں کے پانیلا میں ایک شخص نے پولنگ بوتھ میں اپنا ووٹ ڈالنے کے بعد گھر لوٹتے ہی دم توڑ دیا۔پانیلا کے رہنے والے والٹر ڈیسوزا(۴۰سال) گردے کی بیماری میں مبتلا تھاجس کے لئے وہ بہت عرصے سے زیرعلاج تھا۔