بھٹکل و اطراف کے کھلاڑیوں کے لئے خوش خبری ؛جلد قائم ہوگی ’بھٹکل اسپورٹس اکیڈیمی‘۔ دلچسپی رکھنے والے کھلاڑی رجسٹر کروائیں

Source: S.O. News Service | By Shahid Mukhtesar | Published on 25th February 2018, 2:26 PM | ساحلی خبریں | اسپورٹس |

بھٹکل25 فروری (ایس او نیوز) بھٹکل کے کھلاڑیوں کےلئے بڑی خوش خبری یہ ہے کہ یہاں کھلاڑیوں کو کھیل کی مکمل تربیت فراہم کرنے اور اُنہیں نہ صرف ضلعی اور ریاستی بلکہ قومی سطح تک لے جانے کے لئے درکار مکمل گائیڈلائن فراہم کرنے بھٹکل اسپورٹس ڈاٹ کوم کی جانب سے ایک اکیڈمی شروع کی جارہی ہے، جس کی تیاریاں گذشتہ کچھ ماہ سے زور و شور کے ساتھ جاری ہے۔

اخباری نمائندوں سے گفتگو کرتے ہوئے بھٹکل اسپورٹس ڈاٹ کام کے منیجنگ ڈائریکٹر جناب وسیم کے ایم نے بتایا  کہ ’ بھٹکل اسپورٹس اکیڈیمی‘کا اپنا ایک کرکٹ کوچنگ سنٹر ہوگا جس میں کرکٹ کھلاڑیوں کو مزید تربیت پانے اور کھیل کو تیکنیکی اعتبار سے بہتر بنانے کے مواقع حاصل ہونگے۔اس تربیتی سنٹر کی طرف سے ملکی سطح پر کرکٹ کے ماہر کھلاڑیوں اور تربیت کاروں کی خدمات حاصل کی جائیں گی تاکہ کھلاڑیوں کو بہترین تربیت اور عمدہ نگرانی میں اپنا مستقبل بنانے کا موقع ملے۔جناب وسیم نے کہا :’’ہم نے روزانہ اسکول کے تعلیمی اوقات سے پہلے اور بعد میں تربیتی سیشنس اور ہفتے کی چھٹی کے موقع پر پورے دن کا سیشن چلانے کا منصوبہ بنایا ہے۔تربیت کا لائحہ عمل تربیت پانے والے طالب علم کی سہولت کے مطابق طے کیا جائے گا۔ریگولر سیشنس کے علاوہ چھٹیوں کے دنوں میں خصوصی تربیتی کیمپ اور ملک کے مختلف مقامات کے ٹور کابھی اہتمام کیا جائے گا، تاکہ زیر تربیت کھلاڑیوں کو وسیع تجربہ اور مشاہدہ کے مواقع ملیں۔

جناب وسیم نے مزید یہ بھی بتایا کہ’ بھٹکل اسپورٹس اکیڈیمی‘ میں زیر تربیت کھلاڑیوں کو اکیڈیمی کی ٹیم میں کھیلنے اور ہبلی دھارواڑ ژون میں کرناٹکا اسٹیٹ کرکٹ ایسو سی ایشن(کے ایس سی اے) کی طرف سے منظور شدہ ٹورنامنٹس میں اکیڈیمی کی نمائندگی کرنے کا موقع بھی میسر ہوگا ۔اخباری بیان کے مطابق ہوٹل ٹی ایف سی اِن کے سامنے (کاماکشی پٹرول پمپ) کے قریب واقع اکیڈیمی کے گراؤنڈ پر امسال یکم اپریل سے 15مئی تک 8سال سے زیادہ عمر کے بچوں کے لئے45 دنوں کا ایک سمر کوچنگ کیمپ منعقد ہوگا، جس میں کھلاڑیوں کو روزانہ دو سیشنس ملیں گے۔

کرکٹ کھیلنے اور اس میں مہارت حاصل کرنے کے خواہشمند کھلاڑیوں سے درخواست کی گئی ہے کہ و ہ بھٹکل اسپورٹس ڈاٹ کام کے آفیشئل ویب سائٹ پر مہیا کیاگیا فارم پُر کرتے ہوئے اپنے آپ کو رجسٹر کروائیں۔انہوں نے یہ بھی بتایا کہ  جو کھلاڑی مارچ ختم ہونے سے پہلے پہلےاپنا نام رجسٹرڈ کرائیں گے، اُنہیں خصوصی رعایت دی جائے گی۔

مزید معلومات کے لئے جامعہ آباد روڈ  پر  سیدنا ابوبکر مسجد کے قریب واقع بھٹکل اسپورٹس ڈاٹ کام کے دفترمیں جناب وسیم کے ایم یا نصراللہ عسکری سے رابطہ قائم کرسکتے ہیں۔ وسیم کے ایم کا موبائل نمبر: 09020 82963 91 +

ایک نظر اس پر بھی

ہلیال: شیواجی کی مورتی نصب کرنے پر ہنگامہ۔ پولیس کا ہلکا لاٹھی چارج۔ حالات کشیدہ 

شہر کے تاریخی قلعہ روڈ پر واقع عمارت کے سامنے کسی محکمے یا پولیس کی اجازت کے بغیرآدھی رات کے وقت شیواجی کی مورتی نصب کرنے پر ہنگامہ ہوگیا اور مشتعل ہجوم کو قابو میں کرنے کے لئے پولیس کو ہلکا لاٹھی چارج کرنا پڑا۔جس کے دوران مقامی پی ایس آئی آنند مورتی کو بھی معمولی چوٹیں آنے کی ...

انکولہ کے قریب ہوائی اڈے کا مجوزہ منصوبہ۔ مقامی افراد کی جانب سے سخت مخالفت

یہاں سے قریب الگیری نامی دیہات میں مجوزہ ہوائی اڈے کی تعمیر کے سلسلے میں ریوینیو افسران نے جب اچانک علاقے کا سروے شروع کیا تو گاؤں کے لوگ حیران ہوگئے۔ اس کے ساتھ پورے گاؤں کے لوگوں نے اس منصوبے کی مخالفت کرتے ہوئے کہا کہ ہم لوگ اپنی جانیں قربان کرنے کے لئے تیار ہیں، لیکن ہوائی ...

ہائی کورٹ کی ہدایت پرگوکرن کامہابلیشورا مندر لیا گیا حکومت کی تحویل میں

ہائی کورٹ میں داخل مفاد عامہ کی درخواست (پی آئی ایل) پر گوکرن میں واقع مہابلیشورا مندرکو حکومت کی تحویل میں لینے کاجو حکم سنایا گیا تھا اس پر عمل کرتے ہوئے مُزرائی محکمہ کے افسران نے رامچندراپور مٹھ کی تحویل سے اپنے قبضے میں لے لیا۔

شراب کے نشے میں دُھت نوجوانوں کی دوسری کار پر سوار خواتین کے ساتھ چھیڑ چھاڑ؛ بھٹکل پہنچتے ہی لوگوں نے نشہ اُتار دیا

مینگلور سے کار پر سوار ہوکر جوگ فالس جانے کے دوران  شراب کے نشے میں دُھت چار نوجوانوں کا نشہ اُس وقت عوام نے اُتار دیا جب اُن کی کار بھٹکل پہنچی اور عوام کے ہتھے چڑھ گئی۔ واقعہ بدھ کی شب قریب آٹھ بجے بھٹکل پی ایل ڈی بینک کے بالمقابل نیشنل ہائی وے 66 پر پیش آیا۔

تحریک ادب اسلامی کے عظیم المرتبت شاعر جناب ڈاکٹر محمد حسین فطرتؔ کا انتقال پرملال تحریر: ڈاکٹر محمد حنیف شبابؔ

دنیائے اردو ادب میں اسلامی افکار و تصورات کی ترویج و اشاعت کے لئے سرگرم قافلۂ ادب اسلامی کے عظیم المرتبت شاعر و ادیب جناب ڈاکٹر محمد حسین فطرتؔ بھٹکلی نے کچھ عرصے تک ضعف و پیرانہ سالی سے متعلقہ علالت کا شکار رہنے کے بعد 84سال کی عمر میں آج داعئ اجل کو لبیک کہا۔ بعد نماز ظہر جامعہ ...

خلیل احمد ہوئے ٹیم انڈیا میں شامل، کیا ظہیرخان کی کمی پوری کرے گا یہ تیز بائولر ؟

راجستھان کے ٹونک ضلع کے 20 سال کے لیفٹ آرم اسپنرخلیل احمد نے ایشیا کپ 2018 میں ہانگ کانگ کے خلاف میچ کے ساتھ ہی ٹیم انڈیا کی طرف سے ڈیبیوکیا ہے۔ انہیں روہت شرما نے کیپ سونپی۔ اس ٹورنامنٹ میں مستقل کپتان وراٹ کوہلی کوآرام دیا گیا ہے، لہٰذا روہت شرما 16 رکنی ٹیم کی کمان سنبھال رہے ...

درونہ چاریہ ایوارڈ کے لئے وجے شرما اورتارک سنہا کے نام کی سفارش

ہندوستانی خاتون ویٹ لفٹرمیر ابائی چانو کے کوچ وجے شرما اور تجربہ کار کرکٹ کوچ تارک سنہا کا نام درونہ چاریہ ایوارڈ کے لئے بھیجا گیا ہے۔ ان دونوں کے علاوہ پانچ مزید لوگوں کے نام بھی اس ایوارڈ کے لئے سلیکشن کمیٹی کو بھیجے گئے ہیں۔

بی سی سی آئی نے اے سی سی سے کہا، براڈکاسٹر انتخاب کا فیصلہ نہیں کر سکتے

ہندوستانی کپتان وراٹ کوہلی کی ایشیا کپ میں غیر موجودگی کو لے کر بی سی سی آئی اور ایشیا کرکٹ کونسل (اے سی سی) میں تصادم کی صورتحال کھڑی ہو گئی ہے کیونکہ براڈکاسٹر اسٹار نے اس فیصلے پر ناراضگی کا اظہار کیا ہے۔

ہندوستان کو شکست دینے کے لئے بہترین کھیل کا مظاہرہ کرنا ہوگا: سرفراز احمد

ہانگ کانگ کے خلاف یکطرفہ جیت سے پاکستان نے ایشیا کپ میں شاندار آغاز کیا ہے لیکن ٹیم کے کپتان سرفراز احمد نے کہا کہ ان کی ٹیم کو اگر ایشیا کپ میں حریف ٹیم ہندوستان کو ہرانا ہے تو اسے بہتر کھیل کا نمونہ پیش کرنا ہوگا۔