مسقط میں بھٹکلی کار کو پیش آیا سڑک حادثہ؛ ایک پولس اہلکار سمیت بھٹکل کے دو لوگ زخمی

Source: S.O. News Service | By I.G. Bhatkali | Published on 2nd March 2018, 4:04 AM | ساحلی خبریں | خلیجی خبریں |

مسقط یکم  مارچ (ایس او نیوز/جعفرنورالدین ندوی)  یہاں مسقط میں بھٹکلی کار کو پیش آئے  ایک عجیب و غریب سڑک حادثے میں بھٹکل جماعت المسلمین کے سرگرم رکن انتظامیہ اور جماعت کے سابق صدر جناب جان عبدالرحمن محتشم  اور ایک پولس اہلکار سمیت   تین لوگ  زخمی ہوگئے، جن میں پولس اہلکار کی حالت نازک بتائی گئی ہے۔جناب عبدالرحمن صاحب کوہاتھ سمیت سر کو بھی کچھ چوٹ لگنے کی اطلاعات ہیں۔جبکہ  جناب حبیب اللہ خطیب کو بھی ہاتھ کو چوٹ لگی ہے۔

حادثہ جمعرات صبح قریب بارہ بجے  اُس وقت پیش آیا جب  بھٹکل کے چار حضرات جناب فوزان محتشم (کٹک)،  جناب عبدالرحمن محتشم جان، جناب رکن الدین عبدالغفور اور جناب   حبیب اللہ خطیب ایک فورٹ ایکسپلورر کار پر سوار روی مسقط سے ایکسپریس ہائی وے کے ذریعے  شمائل  نامی مقام  جارہے تھے کہ اچانک آگے والی ایک عمانی کی کار سےایک خالی بوکس نیچے گر گیا جس کو دیکھتے ہوئے عمانی شخص نے اپنی گاڑی کو سڑک کے کنارے روک دیا، پیچھے سے آنے والی بھٹکلی کار جس کی ڈرائیونگ  عبدالغفور کررہے تھے، فوراً اپنی کار کی رفتار پر قابو پاتے ہوئے اُسے دھیمی کردیا، مگر ان کی کار کی رفتار کم ہوتے ہی پیچھے سے ایک کار نے ان کی کار کو ٹکر ماردی۔ 

پیچھے سے کار کی ٹکر لگتے ہی عبدالغفور نے اپنی کار کو کنارے لے جاکر پارک کردیا، جس کے فورا بعد پولس کار آگئی اور پولس نے اپنی کار کو بھٹکلی کار کے سامنے لے جاکر روک دیا۔ ایسے میں پولس سے بات کرنے کے لئے  فوزان محتشم اور عبدالغفور دونوں کار سے باہرآگئے، البتہ ان کی کار کی پچھلی سیٹ پر سوار جناب جان عبدالرحمن اور جناب حبیب اللہ  کار پر ہی موجود رہے۔ پولس والے بھی اپنی کار سے اُتر کر ان کی کار کے سامنے آکر   فوزان سے بات کررہے تھے  کہ اچانک  بھٹکلی کارکے پیچھے سے ایک اور کار تیز رفتاری کے ساتھ ٹکراگئی۔ ٹکر اتنی شدید تھی کہ ٹکر لگتے ہی بھٹکلی کار آگے بڑھ کر پولس کی کار سے ٹکراگئی۔ ایسے میں پولس کا ایک اہلکار جو دونوں کارکے درمیان کھڑا تھا، بری طرح  دو گاڑیوں کے درمیان کچل گیا اور شدید زخمی ہوگیا۔ اسے فوری طور پر قریبی اسپتال لے جایا گیا ، جہاں اس کی حالت نازک بتائی گئی ہے۔

بھٹکلی کار کو پیچھے سے تیز رفتاری کے ساتھ ٹکر مارنے کی نتیجے میں  بھٹکلی کار کی  پچھلی سیٹ پر سوار جناب عبدالرحمن محتشم جان اور  جناب  حبیب اللہ صاحب کو بھی چوٹ لگی، مگر اللہ تعالیٰ نے ان دونوں کو بال بال محفوظ رکھا ۔بتایا گیا ہے کہ ہاتھ کو فریکچر ہونے کی وجہ سے  جناب جان عبدالرحمن کا خولہ اسپتال میں علاج کیا گیا ہے اوروہ بالکل ٹھیک ہیں۔

ایک نظر اس پر بھی

بیلتھنگڈی میں غیر قانونی ریت کا ذخیرہ ؛ تحصیلدار کی قیادت میں چھاپہ : کشتیاں ضبط

بیلتھنگڈی تحصیلدار کی قیادت میں تعلقہ کے دھرمستھل ، اجکوری نامی مقام پر چھاپہ مارتے ہوئے افسران نے ندی کنارے جاری غیر قانونی ریت سپلائی کے ذخیرے اور کشتیوں کو ضبط کرلینے کا واقعہ پیش آیا ہے۔

منگلورمیں سواریوں کی تلاشی کے دوران غیر قانونی ریت سپلائی کرنے والی ٹپر لاریاں ضبط

منگلورو جنوبی زون کے اے سی پی ، جنوبی زون راؤڑی نگراں دستہ کے ساتھ مشترکہ طورپر کنکناڑی شہری پولس تھانہ حدود کے پڈیل جنکشن اور پمپ ویل قومی شاہراہ پر سواریوں کی تلاشی کے دوران غیر قانونی طورپر ریت سپلائی کرنےو الی لاریوں کا پتہ چلنے پر سواریوں کو ضبط کرنے کا واقعہ پیش آیا ہے۔

ہوناور شراوتی ندی سے ریت سپلائی کے انتظار میں مزدور، ٹھیکدار اور سواری مالکان :کیا حکومت اس طرف توجہ دے گی ؟

گذشتہ جون سے بند ریت سپلائی ستمبر ختم ہونےکو ہے شروع ہونے کے کوئی آثار نظر نہیں آنے  سے ریت پر انحصار کرنے والے مزدور، سواری مالکان، ٹھیکدار سب پریشان ہیں۔ سرکاری عمارات سمیت کئی پرائیویٹ عمارات کی تعمیر ریت نہیں ملنے کی وجہ سے رکی ہوئی ہیں، ترقی کو گرہن لگاہے۔

مینگلور کے قریب بنٹوال میں نابالغہ کی عصمت دری کی کوشش : تین ملزم گرفتار

چہارم جماعت میں زیر تعلیم نابالغہ کی عصمت دری کی کوشش کئے جانے کا واقعہ بنٹوال تعلقہ پانے منگلورو کے قریب گوڈینبلی میں پیش آیاہے۔ اس سلسلے میں بنٹوال شہری تھانہ پولس نےمعاملے کو لےکر تین ملزموں کو گرفتار کیا ہے۔

سعودی عرب کو سی پیک میں شامل ہونے کی دعوت

پاکستان کے وفاقی وزیر اطلاعات و نشریات فواد چودھری نے کہا ہے کہ پاکستان کے وزیرِ اعظم عمران خان نے سعودی عرب کے دورے کے دوران وہاں کی قیادت سے ہونے والی ملاقات میں سعودی عرب کو چین پاکستان اقتصادی راہداری (سی پیک) کے منصوبوں میں بطور تیسرے شراکت دار شامل ہونے کی دعوت دی ہے۔

بھٹکلی نوجوان ابصر محتشم کی شارجہ قبرستان میں ہوئی تدفین؛ جنازے میں کثیر تعداد میں لوگوں نے کی شرکت

بھٹکل کے نوجوان ابصر محتشم  جس کی نعش جمعرات کو  شارجہ میں واقع اُسی کے فلیٹ سے برآمد ہوئی تھی، آج کاغذی کاروائیوں کے بعد میت کو اُس کے بھائی اور رشتہ داروں کے حوالے کردی گئی۔

دبئی میں ملازمت کرنے والے بھٹکل کے نوجوان کی شارجہ میں موت؛ آج کی گئی نوجوان کی شناخت

بھٹکل  گڈلک روڈ کے رہائشی محمد ابصر محتشم (30) جس کی نعش   متغیر  حالت میں  شارجہ میں اُسی کے فلیٹ سے 23اگست کو برآمد کی گئی تھی، آج اُس کے  بھائیوں کی مدد سے شناخت کے بعد اُن کے حوالے کرنے کاغذی کاروائی جاری ہے۔ توقع ہے کہ کل پیر کو میت بھائیوں کے حوالے کی جائے گی اور کل ہی ...

مناسک حج کی ادائیگی کے دوران اردنی خاتون نے بچے کو جنم دے دیا

مزدلفہ میں شب قیام کے بعد حجاج کرام پہلے دن کی رمی کے لئے منیٰ پہنچ گئے ہیں اورقربانی کے بعد حجاج کرام کاسرمنڈوا کر احرام کھولنے کاعمل بھی جاری ہے اورمناسک حج کی ادائیگی کے دوران اردنی خاتون نے بچے کو جنم دے دیا۔