بھٹکل میں بیل ذبح کرنے کی کوشش کے دوران پولیس کا چھاپہ - ملزمین فرار
بھٹکل 28 / اکتوبر (ایس او نیوز) بھٹکل ٹاون پولیس نے بیل ذبح کرنے کی خبر ملنے پر ایک مقام پر چھاپہ مارا۔ بتایا گیا ہے کہ پولس نے بیل کو ذبح ہونے سے بچا لیا لیکن ملزمین موقع پر سے فرار ہوگئے ۔
پولیس کا کہنا ہے کہ کار اسٹریٹ پرایک بینک کے پیچھے دو لوگ غیر قانونی طور پر ذبح کرنے کے مقصد سے ایک بیل کو باندھ رکھا تھا ۔ جب ذبح کی تیاری چل رہی تھی تو پولیس نے اس مقام پر چھاپہ مارا جسے دیکھ کر ملزمین بیل کو چھوڑ کر وہاں سے فرار ہوگئے ۔
ٹاون پولیس اسٹیشن میں اس تعلق سے کیس درج کیا گیا ہے ۔