نئی دہلی، 4/مئی (ایس او نیوز /ایجنسی) گذشتہ  تین ماہ میں وہاٹس ایپ نے ہندوستان میں 22 کروڑ سے زائد اکاؤنٹس پر پابندی لگا دی ہے۔ میڈیا رپورٹوں کے  مطابق وہاٹس ایپ نے یہ کارروائی پالیسی کی خلاف ورزی کرنے پر کی ہے۔ بتایا گیا ہے کہ یہ تعداد گزشتہ سال کی اسی مدت کے مقابلے میں دوگنی ہے۔یہ اعداد و شمار سائبر گھوٹالوں کے بڑھتے ہوئے معاملات کی طرف بھی اشارہ کرتے ہیں۔

وہاٹس ایپ کی ماہانہ رپورٹ کے مطابق، ان ہندوستانی وہاٹس ایپ اکاؤنٹس کے خلاف کارروائی انفارمیشن ٹیکنالوجی (انٹرمیڈیری گائیڈ لائنز اینڈ ڈیجیٹل میڈیا ایتھکس کوڈ) رولز، 2021 کے رول 4(1)(ڈی) اور رول 3اے(7) کے تحت کی گئی۔وہاٹس ایپ کی جانب سے جن اکاؤنٹس پر پابندی عائد کی گئی تھی وہ اسپیمنگ اور دیگر غلط کاموں میں ملوث تھے۔ ان اکاؤنٹس سے اسپیم پیغامات بھیجے گئے تھے۔ اس کے علاوہ لوگوں کو فحش اور دھمکی آمیز پیغامات بھیجنے پر بھی کئی اکاؤنٹس پر پابندی لگا دی گئی ہے۔

اطلاع کے مطابق  ہندوستان میں تقریباً 53 کروڑ لوگ وہاٹس ایپ کا استعمال کرتے ہیں۔