بھٹکل مسلم یوتھ فیڈریشن کے زیراہتمام 28 نومبر سے شروع ہورہا ہے ٹی ٹوینٹی کا شاندار BCL کرکٹ ٹورنامنٹ

Source: S.O. News Service | By I.G. Bhatkali | Published on 18th November 2018, 8:23 PM | ساحلی خبریں | اسپورٹس |

ٹورنامنٹ میں شریک 12 ٹیموں کے لئے تعلقہ بھر کی 32 ٹیموں  سے 180بہترین  کھلاڑیوں کا ہوا بولی کے ذریعے انتخاب

بھٹکل 18/نومبر (ایس او نیوز)  بھٹکل مسلم یوتھ  فیڈریشن کے زیراہتمام مورخہ 28/ نومبر سے  ٹی ٹوینٹی بھٹکل کرکٹ لیگ (BCL) کا شاندار ٹورنامنٹ شروع ہورہا ہے جس میں بارہ ٹیموں کو کھیلنے کا موقع دیا گیا ہے۔ ان بارہ ٹیموں میں بھٹکل ، مرڈیشور اور منکی کی جملہ 32 ٹیموں کے 320 کھلاڑیوں میں سے  180 بہترین کھلاڑیوں کا انتخاب بولی لگا کر کیا گیا ہے، جس کو دیکھتے ہوئے کہا جاسکتا ہے کہ سبھی بارہ ٹیمیں بے حد مضبوط ہیں اور ٹورنامنٹ کے تمام میچس نہایت دلچسپ   اور مقابلے سخت ٹکر کے ہونے کی توقع ہے۔

فیڈریشن کی جانب سے یہ چوتھا BCL ٹورنامنٹ ہے، جسے  امین سیف اللہ بی سی ایل۔4 کے نام سے جانا جائے گا۔ اس بار ٹورنامنٹ میں شریک ہونے کے لئے  جملہ 74 ٹیموں نے اپنا نام درج کروایا تھا، قرعہ اندازی کے ذریعے 11  ٹیموں کا انتخاب عمل میں آیا، جبکہ   ٹورنامنٹ کے ٹائٹل اسپاونسر جناب امین سیف اللہ کی ٹیم  مرڈیشور برادرس  کا راست انتخاب کیا گیا۔ ٹورنامنٹ میں حصہ لینے کے لئے   320 کھلاڑیوں  نے اپنا نام درج کروایا تھا جس  میں سے 180 کھلاڑیوں کے انتخاب کے لئے دو روز قبل آکشن منعقد کیا گیا جس میں ہر ٹیم کو  300 پوائنٹس دئے گئے تھے اور دئے گئے 300 پوائنٹس کا استعمال کرتے ہوئے ہر ٹیم کو 15 کھلاڑیوں کا انتخاب کرنا تھا۔ انفا ٹیم کے عبدالباری خطیب اس بار  سب سے مہنگے کھلاڑی ثابت ہوئے جنہیں سی اسٹار الیون نے  118 پوائنٹس دے کر حاصل کیا۔

آوکشن سے قبل سبھی بارہ ٹیموں کو ایک ایک ائیکون کھلاڑی  کے انتخاب کا موقع دیا گیا تھا اور ہر ٹیم نے اپنے لئے سب سے ٹاپ کھلاڑی کو اپنا ائیکون پلئیر منتخب کیا تھا۔

ٹورنامنٹ میں شریک 12 ٹیموں نے جن ٹاپ کھلاڑیوں کو سب سے زیادہ پوائنٹس دے کر حاصل کیا، اُن کے نام اور پوائنٹس کے ساتھ ساتھ اُس ٹیم کا ائیکون کھلاڑی کون ہے، اُس کا بھی نام  ذیل میں دیا جارہا  ہے:

سی ۔اسٹار 11 ....  عبدالباری خطیب (انفا) ۔۔118 پوائنٹس ۔۔۔ ٹیم کا ائیکون کھلاڑی: تعظیم حافظکا (سوپر اسٹار)

رمضانی چیلنجرس......اسرار حیدر (انفا) ۔۔۔۔99 پوائنٹس ۔۔۔۔ٹیم کا ائیکون کھلاڑی: نعمت اللہ موٹیا (لائن)

یونائیٹید بھٹکل  ........عمران کندن گوڈا (آزاد) ۔۔۔97 پوائنٹس ۔۔۔ ائیکون: وسیم اسرمتا (لائن)

میک اسپورٹس ...... نصر اللہ عسکری (مون اسٹار) ۔۔۔93 پوائنٹس ۔۔۔ ائیکون: انس مُلّا (لائن)

اسکائی بریزرس ...... نسیم اسرمتا (لائن) ۔۔۔۔90 پوائنٹس ۔۔۔۔ ائیکون: کیشو نائک (کٹے ویرا)

آر ایم ایس کنگ  ....مہیش نائک (آزاد) ۔۔۔۔۔88 پوائنٹس ۔۔۔ ائیکون: اسجد حیدر (اسداللہ)

ٹرینڈس سیٹرس .....نوار کھروری (لائن) ۔۔۔۔۔87 پوائنٹس ۔۔۔۔ ائیکون: ائیکروما موٹیا (لائن)

نوائط اسٹرائیکر ...... عبدالباری کھروری (انفا) ۔۔۔84 پوائنٹس ۔۔۔ ائیکون:  شمّاس محتشم (رویل)

سلور رائیڈرس .......ارشد کھمبرا (آزاد) ۔۔۔۔81 پوائنٹس ۔۔۔ ائیکون:  نعمان طاہرہ (مدینہ)

مرڈیشور برادرس ...... نُمیر سائوڑا  (آر ایس اے منکی) ۔۔۔72 پوائنٹس ۔۔۔ ائیکون:  سنّان سدی باپا (شاہین مرڈیشور)

ڈومینیٹرس .............عبدالوصی ایم جے ۔۔۔۔۔68 پوائنٹس  ۔۔۔۔ ائیکون: طلحہ ترچن پلّی (رویل)

اے تھری موبائل ..... اسماعیل خان (عسفا) ۔۔۔۔65 پوائنٹس ۔۔۔۔۔ ائیکون: وسیم بیری (آزاد)

اس بار کھلاڑیوں کے انتخاب کے دوران تعجب خیز بات یہ رہی کہ  بعض اہم کھلاڑی کسی بھی ٹیم میں منتخب ہونے سے رہ گئے، ان میں قابل ذکر حنیف آباد ویلفئیر اسوسی ایشن کے بہترین گیند باز ثوبان بنگالی  ہیں جنہوں نے آخری BCL میں سب سے زیادہ وکٹیں حاصل کرنے میں کامیاب ہوئے تھے، لائن کے نورالصادقین،  شاہین مرڈیشور کے عنایت مدّاس سمیت بعض دیگر کھلاڑیوں کو اس بار مایوسی کا سامنا کرنا پڑا۔

کھلاڑیوں کے اوکشن کے موقع پر صدارتی خطاب کرتے ہوئے بھٹکل مسلم یوتھ فیڈریشن امتیاز اُدیاور نے بتایا کہ اس بار جو بھی ٹیم ٹورنامنٹ کی فاتح بنے گی، وہ اگلے بی سی ایل ٹورنامنٹ کے لئے بغیر کسی قرعہ اندازی کے  راست منتخب کی جائے گی۔

ٹورنامنٹ کے تعلق سے معلومات فراہم کرتے ہوئے  BCL ٹورنامنٹ کے کنوینر  عُمیر رکن الدین نے بتایا کہ  تمام میچس نوائط کالونی تعلقہ اسٹڈیم (وائی ایم ایس اے میدان)  میں کھیلے جائیں گے،   28 نومبر کو افتتاحی تقریب ہوگی، جبکہ اگلے روز 29/نومبر سے میچس کی شروعات ہوگی۔  دن میں دو میچس کھیلے جائیں گے اور ٹورنامنٹ میں اول آنے والی ٹیم کو 66,666 روپیہ نقد انعام مع ٹرافی دی جائے گی۔

ٹورنامنٹ کو بہترین اور منظم انداز میں منعقد کرنے کے لئے فیڈریشن صدر امتیاز اُدیاور اور سکریٹری مولوی محمد حُسین جوکاکو  اور بی سی ایل کنوینر عُمیر رکن الدین سمیت    فیصل آرمار، رئیس رکن الدین ، محمد شمعون، مبشر حُسین ہلارے، عُبید اسحاقی، محمد صادق مٹّا، مصدق علی اکبرا ، معروف صدیقہ، ہارون شینگری، بلال قمری  ودیگر ممبران پیش پیش نظر آرہے ہیں۔

خیال رہے کہ اس سے قبل BCL-1 میں بینا ویدیا نے جیت درج کی تھی جبکہ BCL-2 اور BCL-3 دونوں ٹورنامنٹ کولا ۔بلاک نے جیتا تھا۔

ایک نظر اس پر بھی

کورونا کا خوف؛ ہارٹ کے مریض کو دیکھنے سے پرائیویٹ اسپتال سمیت مرڈیشور سرکاری ڈاکٹر کا بھی انکار؛ دو تین گھنٹوں کی دوڑ دھوپ کے بعد مریض نے توڑا دم

لیڈران، ذمہ داران یہاں تک کہ ڈاکٹرس پوری شدت کے ساتھ یہ کہتے ہیں کہ  کورونا سے کسی کو ڈرنے یا خوف کھانے کی ضرورت نہیں ہے،  مگر دیکھا جائے تو عوام سے زیادہ    ڈاکٹرس ہی  کورونا سے خوف کھاتے ہیں بعض ڈاکٹرس کورونا سے اتنا زیادہ خوف کھاتے ہیں کہ وہ ہر مریض کو  کورونا کا ہی مریض ...

مینگلور کے سابق ایم ایل سی ایوان ڈیسوزا کی رپورٹ کورونا پوزیٹیو آتے ہی رکن اسمبلی یو ٹی قادر نے کیا ہوم کورنٹائن کا اعلان

سابق ایم ایل سی ایوان ڈیسوزا کی رپورٹ کورونا پوزیٹیو آنے کی اطلاع کے اگلے ہی روز رکن اسمبلی یوٹی قادر نے اتوار کو  اعلان کیا کہ وہ خود سے ہی ہوم کورنٹائن ہوگئے ہیں کیونکہ وہ ایوان ڈیسوزا کے ابتدائی رابطے میں تھے۔

منگلورو:کووِڈ سے فوت ہونے والوں کی آخری رسومات ان کے گھر والے ادا کرسکیں گے۔جنوبی کینرا اور اڈپی ضلع انتظامیہ کی مشروط اجازت

منگلورو کے اسسٹنٹ کمشنر مدن موہن کے بیان کے مطابق اب کووِڈ کی وجہ سے فوت ہونے والوں کی آخری رسومات اگر ان کے گھر والے اداکرنا چاہیں تو مشروط طور پر وہ یہ کام کرسکیں گے۔

دبئی :یو اے ای میں مقیم ہندوستانیوں کا پاسپورٹ 2دن میں رینول ہوجائے گا۔ قونصل جنرل کی یقین دہانی

متحدہ عرب امارات  کے لئے ہندوستانی قونصل جنرل امن پوری نے یو اے ای میں مقیم ہندوستانیوں کو یقین دہانی کرائی  ہے کہ درخواست ملنے کے 2دنوں کے اندر ان کا پاسپورٹ رینیوکردیا جائے گا۔