شاہ سلمان جمعرات کو روس کا دورہ کریں گے

Source: S.O. News Service | By Shahid Mukhtesar | Published on 3rd October 2017, 12:44 PM | خلیجی خبریں | عالمی خبریں |

ماسکو،2؍ اکتوبر (ایس او نیوز؍آئی این ایس انڈیا )کِرملن کے مشیر یوری اوشاکوف نے پیر کے روز اعلان کیا ہے کہ سعودی فرماں روا شاہ سلمان بن عبدالعزیز جمعرات کے روز روس کا دورہ کریں گے۔ روس کی سرکاری خبر رساں ایجنسی ٹاس نے اوشاکوف کا یہ بیان نقل کیا ہے کہ "ہم پانچ اکتوبر کو شاہ کی آمد کے منتظر ہوں گے"۔یہ دورہ تیل برآمد کرنے والے ممالک کی تنظیم (اوپیک) کے اجلاس سے ایک ماہ قبل کیا جا رہا ہے۔ توقع ہے کہ اجلاس میں تیل کی پیداوار کی سطح کم رکھنے کی مدت میں توسیع کو زیر بحث لایا جائے گا جس کے نتیجے میں قیمتوں میں بہتری آئی ہے۔ واضح رہے کہ سعودی عرب اوپیک کا سب سے بڑا رکن ہے۔اس سے قبل گزشتہ ربس کے اختتام پر اوپیک تنظیم اور اس کے باہر تیل پیدا کرنے والے ممالک نے چھ ماہ تک کے لیے تیل کی یومیہ پیداوار میں 18 لاکھ بیرل کی کمی پر اتفاق رائے کا اظہار کیا تھا۔یاد رہے کہ ستمبر 2016 میں چین میں جی 20 کے سربراہ اجلاس کے ضمن میں سعودی ولی عہد شہزادہ محمد بن سلمان اور روسی صدر کے ولادیمر پیوتن کے درمیان ملاقات ہوئی تھی۔ ملاقات میں دونوں شخصیات نے باور کرایا تھا کہ تیل کے شعبے میں سعودی عرب اور روس کے درمیان تعاون سے تیل کی عالمی منڈیوں کو نفع حاصل ہو گا

ایک نظر اس پر بھی

ایرانیوں کا پیغام واضح ہے، وہ نظام کی تبدیلی چاہتے ہیں : شہزادہ رضا پہلوی

سابق شاہ ایران کے بیٹے شہزادہ رضا پہلوی نے ایران میں مظاہروں کی اہمیت پر زور دیتے ہوئے باور کرایا ہے کہ ایرانی عوام 40 برس تک مذہبی آمریت کے نظام کے تحت زندگی گزارنے کے بعد اس بات پر قائل ہو چکے ہیں کہ اس نظام کی اصلاح ممکن نہیں۔

اب سو فیصد ڈیجیٹل حج؛ آن لائن اور ایپ کے ذریعے3.60 لاکھ درخواستیں موصول؛ سعودی میں مرکزی وزیر مختار عباس نقوی کا بیان

امسال سے حج سو فی صد  دیجٹل  ہوگا اور لوگوں کے ابآن لائن اور موبائل ایپ کے ذریعے درخواستیں موصول کئے جارہے ہیں، اب تک  آن لائن  اور موبائیل ایپ کے ذریعہ تین لاکھ  60 ہزار درخواستیں  حج کمیٹی کو موصول ہوچکی  ہیں۔  ہمارا حج کوٹہ پچھلے سال کی طرح امسال بھی پرایویٹ ٹور اپریٹرس ...