پیر ا ٹیبل ٹینس میں شہرت کی بلندیوں کو چھو رہے ہیں کمٹہ کے نوجوان کھلاڑی ناظم

Source: S.O. News Service | By I.G. Bhatkali | Published on 8th August 2018, 2:15 PM | ساحلی خبریں | اسپورٹس |

کمٹہ 8؍اگست (ایس اونیوز) ہمارے ملک میں نوجوان کھلاڑی زیادہ تر مقبول عام کھیل کرکٹ کی طرف ہی راغب ہوتے ہیں۔ لیکن اس رجحان کے برخلاف ضلع شمالی کینرا کے ایک نوجوان کھلاڑی نے پیرا ٹیبل ٹینس میں نہ صرف دلچسپی لی ہے بلکہ اس میدان میں ریاستی، نیشنل اور انٹرنیشنل سطح پر اپنی صلاحیتوں کا مظاہرہ کرتے ہوئے انعامات اور میڈل بھی حاصل کیے ہیں۔

کمٹہ کے دیورہکّل کے رہنے والے نوجوان کھلاڑی ناظم حالانکہ بائیں پاؤں کے گھٹنے میں سقم سے دوچار ہیں، لیکن پیرا ٹیبل ٹینس میں ان کی دلچسپی اور مہارت کی وجہ سے دیش کوان سے بڑی توقعات وابستہ ہیں۔ گزشتہ ۶ برسوں سے مسلسل اس کھیل کی تربیت پانے والے ناظم کمٹہ میں ہوم اپلائنس کی دکان چلانے والے جاوید اسماعیل خان اور فوزیہ خان کے فرزند ہیں۔ اب تک انہوں نے نیشنل اور انٹرنیشنل پیرا ٹیبل ٹینس مقابلوں میں حصہ لے کر اپنی جیت درج کی ہے اور بہت سے انعامات حاصل کیے ہیں۔ناظم نے 2013میں بنکاک، 2017میں بیجنگ اور امسال جون میں بارسیلونا میں منعقدہ بین الاقوامی مقابلوں میں شرکت کی تھی۔ سال 2012میں بنگلورو میں منعقدہ نیشنل پیرا ٹیبل ٹینس مقابلے میں انہوں نے گولڈ میڈل حاصل کیا تھا۔ 2016میں بنگلورو میں منعقدہ اور امسال اندور میں منعقدہ نیشنل چامپئین شپ مقابلے میں انہیں برانز میڈل حاصل ہوا تھا۔

ناظم خان فی الحال ہبلی کے کیمس میں ایم بی بی ایس کے فائنل ایئر میں زیر تعلیم ہیں ۔ نصابی تعلیم کے ساتھ انہوں نے غیر نصابی سرگرمی کے طور پر ٹیبل ٹینس کی مشق جاری رکھی ہوئی ہے۔ جب سال 2012میں ناظم کمٹہ کے ڈاکٹر وی وی بالیگا کالج میں پی یو سی کی تعلیم حاصل کرہے تھے تو انہوں نے وہاں دیوآنند گاؤنکر نامی کوچ سے ٹیبل ٹینس کی تربیت پائی تھی۔ اب ہبلی میں کورٹ روڈ پر واقع مہاراشٹرا منڈل ٹیبل ٹینس اکاڈیمی کے رکن بن گئے ہیں اور وہاں امیش، ابھیشیک،وجئے پائی اور دھن راج سے تربیت حاصل کررہے ہیں۔ناظم خان نے بتایا کہ وہ روزانہ ۲ گھنٹے اس کھیل کی مشق کرتے ہیں۔ کالج کے انڈور اسٹیڈیم میں کالج اسپورٹس ایسوسی ایشن کے صدر راج شیکھر دونڈریڈی ان کے ساتھ کھیلتے ہیں۔

ناظم خان کی کارکردگی صرف کھیل کے میدان تک ہی نہیں ہے بلکہ نصابی تعلیم میں بھی ان کامعیار بہت بلند ہے۔ انہوں نے سائنس فیکلٹی سے پی یوسی دوم میں 93فیصد مارکس حاصل کیے تھے۔اور امید کی جاتی ہے کہ ایم بی بی ایس فائنل میں بھی وہ نمایاں کامیابی درج کروائیں گے۔خیال رہے کہ ناظم کی بہترین صلاحیتوں اور عمدہ کارکردگی دیکھتے ہوئے اکثر بیرون ملک ٹورنامنٹ میں حصہ لینے کے لئے مخیر حضرات ان کو اسپانسر کرنے کے لئے آگے آتے ہیں۔

ایک نظر اس پر بھی

بھٹکل انجمن کا طالب العلم میسور میں منعقدہ اسٹیٹ لیول پرتیبھا کارنجی مقابلے میں دوم

میسور میں منعقدہ ریاستی سطح کے پرتیبھا کارنجی اُردو تقریری مقابلہ میں بھٹکل انجمن ہائی اسکول کا طالب العلم  خبیب احمد اکرمی ابن مولانا خواجہ معین اکرمی مدنی دوسرا مقام حاصل کرنے میں کامیاب ہوگیا ہے۔

مینگلور: چار سالہ بچی کے ساتھ جنسی عمل۔عدالت نے دی ملزم کو دس سال قید بامشقت کی سزا

چار سالہ بچی کے ساتھ جنسی عمل کرنے والے ملزم چندرا شیکھر عرف راجیش (۴۹سال)کو سیکنڈ ایڈیشنل ڈسٹرکٹ اینڈ سیشنس اور پوکسو اسپیشل کورٹ نے دس سال قید بامشقت اور 10ہزار روپے جرمانے کی سزا سنائی ہے۔

کاروار: کائیگا پلانٹ توسیعی منصوبہ۔ عوامی احتجاج کے درمیان افسران نے منعقد کیا عوامی اجلاس

کائیگا جوہری توانائی اسٹیشن میں مزید دو یونٹس کا اضافہ کرنے کے منصوبے پر عوامی رائے جاننے کے لئے سرکاری افسران نے کائیگا ٹاؤن شپ میں اجلاس منعقد کیا جبکہ ٹاؤن شپ سے باہر موجودہ اور سابق اراکین اسمبلی کی قیادت میں سیکڑوں افراد نے توسیعی منصوبے کے خلاف احتجاجی مظاہرہ کیا۔

بھٹکل میں نیشنل ہائی وے کی توسیع کو لے کر منکولی اور موڈ بھٹکل کے عوام کو نہیں مل رہا ہے کسی بھی مسئلہ کا حل؛ پریس کانفرنس میں پوچھا گیا کہ ہمارے سوالات کا کون دے گا جواب ؟

بھٹکل میں نیشنل ہائی وے کی توسیع کا کام تیز رفتاری کے ساتھ آگے بڑھ رہا ہے، مگر ہائی وے اہلکاروں کی طرف سے عوام کو کسی بھی طرح کی کوئی جانکاری نہ دئے جانے سے عوام تذبذب کا شکار ہیں اور کئی ایک مسائل کو لے کر پریشانی میں بھی مبتلا ہیں۔ عوام میونسپالٹی حکام سے سوال کرتے ہیں تو  ...

بھٹکل کے ہیبلے میں ناراض عوام نے لیا رکن اسمبلی کو آڑے ہاتھ؛ احتجاج کے باوجود رکھا گیا دو اسکولوں اور دو کالجوں کا سنگ بنیاد

بھٹکل رکن اسمبلی سُنیل نائک کو آج اتوار کو ہیبلے کے لوگوں نے اُس وقت آڑے ہاتھ لیتے ہوئے احتجاج کیا جب وہ وہاں سرکاری ہاڈی زمین پر دو اسکولوں اور دو کالجوں کا سنگ بنیاد رکھنے کے لئے پہنچے تھے۔ 

وراٹ کوہلی اور پرتھوی شا کی نصف سنچریوں کی بدولت ہندوستان نے بنا358 رنز

شاندار فارم میں چل رہے کپتان وراٹ کوہلی (64) اور نوجوان پرتھوی شا (66) سمیت پانچ ہندوستانی بلے بازوں نے نصف سنچری جمائے جس کی مدد سے ہندوستان نے کرکٹ آسٹریلیا الیون کے خلاف بارش سے متاثر پریکٹس میچ میں دوسرے دن 358 رن بنائے۔جواب میں کرکٹ آسٹریلیا الیون نے چار اوور میں بغیر کسی نقصان ...

پاکستان کو زبردست جھٹکا: بی سی سی آئی کا ہندوستانی ٹیم کو پاکستان بھیجنے سےانکار

 ہندوستانی کرکٹ کنٹرول بورڈ (بی سی سی آئی) نے آئندہ ایمرجنگ نیشنس کپ کیلئے ہندوستانی ٹیم کو پاکستان بھیجنے سے انکارکردیا ہے۔ حال ہی میں معاوضے کے سلسلے میں کیس جیتنے والی بی سی سی آئی نے ہندوستانی ٹیم کو پاکستان بھیجنے سے انکارکیا ہے۔

اردویونیورسٹی میں پہلے آزاد راؤنڈ رابن لیگ والی بال ٹورنمنٹ کا انعقاد

نظامت جسمانی تعلیم و کھیل کود، مولانا آزاد نیشنل اردو یونیورسٹی کے زیر اہتمام پہلے آزاد راؤنڈ رابن لیگ والی بال ٹورنمنٹ 2018 کا انعقاد یونیورسٹی اسپورٹس کمپلیکس میں عمل میں آیا۔ ایک روزہ ٹورنمنٹ کو ریڈ ہلز والی بال ٹیم نے جیت لیا۔ مہمانِ خصوصی ڈاکٹر محمد اسلم پرویز، وائس ...

میرے بیان کو توڑ مروڑ کر پیش کیا گیا اے ایم یو کے نام سے’مسلم‘ لفظ ہٹانے کی بات نہیں کہی:سابق ہاکی کھلاڑی ظفر اقبال

ہندوستانی ہاکی ٹیم کے سابق کپتان اور اولمپک کھیلوں کے گولڈ میڈلسٹ ٹیم کے رکن رہ چکے ظفر اقبال نے ان کے ذریعہ علی گڑھ مسلم یونیورسٹی (اے ایم یو) کا نام بدلنے کی حمایت کرنے کی خبروں پر نارازگی ظاہر کی ہے۔ظفر نے کہا کہ ان کے بیان کو توڑ مروڑ کر پیش کیا جا رہا ہے۔اے ایم یو کے طالب علم ...

وراٹ کوہلی ٹاپ پربرقرار، ربادا پھر بنے نمبر ون گیندباز

ہندوستانی کپتان وراٹ کوہلی آسٹریلیا کے خلاف چار ٹیسٹ میچوں کی اہم سیریز سے پہلے آئی سی سی ٹیسٹ بلے بازی رینکنگ میں ٹاپ پربنے ہوئے ہیں جبکہ جنوبی افریقہ کے کیگسو ربادا پھر دنیا کے نمبر ایک ٹیسٹ بولر بن گئے ہیں۔آئی سی سی کی بدھ کو یہاں جاری رینکنگ کے مطابق کوہلی کے 935 پوائنٹس ہیں۔

ٹیسٹ ٹیم میں جگہ نہ ملنے سے دھون دکھی، بولے ٹریننگ کا اٹھاؤں گا لطف

خراب دور سے گزرنے کے بعد فارم میں واپس آئے شکھر دھون آسٹریلیا سیریز کے لئے ہندوستان کی ٹیسٹ ٹیم میں جگہ نہیں ملنے سے شروع میں دکھی تھے لیکن اب وہ اس سے نکل گئے ہیں۔ابھی حال ہی میں ختم ٹی 20 سیریز میں مین آف دی سیریز چنے گئے دھون نے کہاکہ میں تھوڑا سا اداس تھا لیکن میں آگے بڑھ گیا ...