بنگلورو20؍جنوری (ایس اونیوز)شیموگہ، شرنگیری، منگلورو جیسے علاقوں سے گزرنے والی ملیناڈو کراولی ریلوے لائن منصوبے پر جلد عمل درآمد کے لئے ریاستی وزیر اعلیٰ کمار ا سوامی نے مرکزی حکومت سے تقاضہ کیا ہے۔

معلوم ہوا ہے کہ وزیراعلیٰ نے مرکزی برائے ریلوے پیوش گوئیل کو تحریر بھیجتے ہوئے کہا ہے کہ اس منصوبے کے لئے سروے کاکام مکمل ہوگیا ہے۔ 227 کیلو میٹر لمبایہ پروجیکٹ عوامی مفاد کے لحاظ سے بہت اہم ہے۔اس کی راہ میں کافی پلانٹیشن اور سپاری کے باغات کی بھرمار ہے۔ اس سے کاشتکاروں کو اپنی زرعی پیداوار اور فصل شہروں تک فروخت کے لئے لے جانے میں سہولت ہوجائے گی۔ اس کے علاوہ شرینگیری کے زائرین بھی کثیر تعداد میں اس سے فائدہ اٹھائیں گے۔

بتایاجاتا ہے کہ ملیناڈو کراولی ریلوے منصوبے کے لئے سروے کا کام 2014-15میں مکمل ہوگیا تھا اور اس کی رپورٹ ریلوے بورڈ کو سونپ دی گئی تھی۔اور اس وقت کے وزیر ریلوے سدانند گوڈا نے اس کی توثیق کی تھی۔