حوثیوں نے سعودی عرب کی جانب 83 بیلسٹک میزائل داغے: عرب اتحاد

Source: S.O. News Service | By Shahid Mukhtesar | Published on 22nd December 2017, 7:40 PM | خلیجی خبریں | عالمی خبریں |

صنعاء ،22؍ دسمبر (ایس او نیوز؍آئی این ایس انڈیا )یمن میں سعودی عرب کی قیادت میں عرب اتحاد کے ترجمان نے انکشاف کیا ہے کہ حوثی ملیشیا نے اب تک سعودی عرب کی جانب تراسی میزائل داغے ہیں۔اتحادی افواج کے ترجمان کرنل ترکی بن صالح المالکی نے شاہ سلمان ائیر بیس پر صحافیوں کو بتایا ہے کہ اتحادی فورسز نے یمن میں میزائل داغنے کی جگہوں کو فضائی حملوں میں تباہ کردیا ہے اور منگل کو سعودی دارالحکومت الریاض کی جانب داغے گئے بیلسٹک میزائل کی جگہ کو بھی تباہ کردیا گیا ہے۔

انھوں نے بتایا ہے کہ یمن میں صدر عبد ربہ منصور ہادی کی قانونی حکومت کا اس وقت ملک کے 85 فی صد علاقوں پر کنٹرول ہے۔ نظامتِ بیحان کو حوثیوں کے قبضے سے مکمل طور پر آزاد کرا لیا گیا ہے۔یمن میں حالیہ فوجی کارروائیوں اور فضائی حملوں میں حوثی ملیشیا کے گیارہ ہزار سے زیادہ جنگجو مارے جا چکے ہیں۔نیوز کانفرنس کے دوران یمن کے شمالی شہر صعدہ میں میزائل تیار کرنے والی فیکٹریوں پر بمباری اور اس شہر میں حوثیوں کے فوجی ہیڈ کوارٹرز پر فضائی حملوں کی تصاویر بھی دکھائی گئی ہیں۔

کرنل ترکی المالکی نے مزید بتایا کہ صنعاء کو حوثی ملیشیا سے آزاد کرانے کے لیے منصوبے پر عمل درآمد شروع کردیا گیا ہے۔انھوں نے یمنی عوام پر زوردیا ہے کہ وہ حوثی ملیشیا کے خلاف انقلاب کی تکمیل کے لیے آگے بڑھیں۔

انھوں نے واضح کیا کہ ایران کے حمایت یافتہ حوثی باغیوں کے سعودی عرب کی جانب بیلسٹک میزائل کے حملے کے باوجود عرب اتحاد یمنی عوام کو امدادی سامان پہنچانے کا سلسلہ جاری رکھے گا۔انھوں نے یہ بھی بتایا ہے کہ ایندھن سے لدے بحری جہازوں کو تیس روز تک یمن کی بندرگاہوں میں داخلے اور وہاں لنگر انداز ہونے کی اجازت دی جائے گی۔اس موقع پر یمن میں متعیّن سعودی سفیر محمد الجابر نے گفتگو کرتے ہوئے کہا کہ جنگ زدہ ملک میں انسانی امدادی سرگرمیوں کے ایک جامع منصوبے کو حتمی شکل دینے کے لیے کام جاری ہے۔

انھوں نے بتایا کہ اس منصوبے کے تحت یمن کی بندر گاہوں کی صلاحیت بڑھائی جائے گی اور سعودی عرب کی یمن کے ساتھ واقع سرحد ی گذرگاہوں کے ذریعے بھی انسانی امداد مستحقین تک پہنچائی جائے گی او ر اس امر کو یقینی بنایا جائے گا کہ اس عمل میں کوئی رکاوٹ نہ آئے۔سعودی سفیر نے کہا کہ اتحادی فورسز کی قیادت سے رابطے کے ذریعے ایک محفوظ راہ داری بنانے کا فیصلہ کیا گیا ہے اور آیندہ دنوں میں اقوام متحدہ اور علاقائی امدادی تنظیموں کے ساتھ مل کر اس منصوبے کی تفصیل کو حتمی شکل دے دی جائے گی۔
 

ایک نظر اس پر بھی

خاشقجی کے قتل میں سعودی ولی عہد کے براہِ راست ملوث ہونے کا کوئی ثبوت نہیں: پومپیو

امریکی وزیر خارجہ مائیک پومپیو نے ایک بار پھرباور کرایا ہے کہ سعودی عرب کے ولی عہد شہزادہ محمد بن سلمان کا صحافی جمال خاشقجی کے قتل کے ساتھ براہ راست کوئی تعلق نہیں اور انہیں اس کیس میں ملوث کرنے کا کوئی ٹھوس ثبوت نہیں ملا ہے۔امریکی وزیرخارجہ نے خاشقجی قتل کیس کے حوالے سے سعودی ...

شارجہ میں منکی کمیونٹی کی خوبصورت گیٹ ٹو گیدر تقریب؛ کرناٹک کے وزراء نے کی شرکت؛ منکی میں غریبوں کے لئے چالیس مکانات دینے کا اعلان

منکی کمیونٹی (یو اے ای) کی جانب سےگذشتہ روز شارجہ میں اتحاد و ملن کے نام پر   گیٹ ٹو گیدر کی ایک خوبصورت تقریب منعقد کی گئی جس میں کرناٹک کے وزراء نے بھی شرکت کی اور  منکی کے عوام کی کثیر تعداد ایک پلیٹ فارم پر نظر آنے پر نہایت  خوشی کا اظہار کیا۔ پروگرام میں  بچوں سمیت ...

18بیرونی ممالک میں ملازمت کرنے والوں کویکم جنوری سے لازمی طور پر آن لائن رجسٹریشن کرنا ہوگا

بیرونی ممالک میں ملازمت کرنے والوں کے لئے مرکزی حکومت نے ایک نئی شرط لاگو کردی ہے جس کے مطابق یکم جنوری 2019 ؁ء سے امیگریشن چیک ناٹ ریکوائرڈECNRوالا پاسپورٹ رکھنے والے ملازمین کے لئے لازمی ہوگا کہ وہ اپنا آن لائن رجسٹر کروائیں۔

سابق وزیراعظم دیوے گوڈا کی دبئی آمد پر تہنیتی پروگرام؛ پہلے ملک کے اندرونی مسائل حل کرنے کی طرف توجہ ہونی چاہئے؛ گوڈا نے مودی پر کسا طنز

سابق وزیراعظم  ایچ ڈی دیوے گوڈا کی دبئی آمد کے موقع پر کرناٹکا این آر آئی فورم کی جانب سے دبئی میں گذشتہ روز دیوے گوڈا کے لئے تہنیتی پروگرام کا انعقاد کیا گیا جس میں یہ بات بھی بتائی گئی کہ ریاست کرناٹک سے وزیراعظم منتخب ہونے والے دیوے گوڈا واحد شخص ہیں۔ پروگرام میں شال اوڑھ ...

دمام میں کاسرگوڈ کے ایک شخص کی لاش کی تین سال بعد تدفین

دمام سعودی عربیہ میں تین سال قبل انتقال کرگئے پڑوسی تعلقہ  کاسرگوڈ کیرالہ کے حسینار کنہی (۵۷سال) نامی ایک شخص کی لاش کو تین سال بعد دفنایا گیا۔ بتایا جاتا ہے کہ مرحوم حسینار کنہی کے پاسپورٹ پر درج اس کے  ہندوستانی پتے میں کچھ خامیاں تھیں اور پتہ نامکمل تھا اس لئے سعودی پولیس ...

سری لنکا کے برخاست وزیراعظم پر پارلیمان کا اعتماد

رواں برس اکتوبر میں برخاست کیے جانے والے سری لنکن وزیراعظم رانیل وکرمے سنگھے نے پارلیمنٹ میں اعتماد کا ووٹ حاصل کر لیا ہے۔ آج بدھ کو ہونے والی رائے شماری میں 225 رکنی ایوان میں وکرمے سنگھے کی حمایت میں 117 اراکین نے ووٹ ڈالا

امریکی فوج نے شمالی شام میں مبصر چوکیاں قائم کر دیں

امریکی وزارت دفاع نے اعلان کیا ہے کہ اْس کی افواج نے شمالی شام میں مبصر چوکیاں قائم کر دیں ہیں۔ اس اعلان میں ان چوکیوں کی تعداد اور مقامات کی وضاحت نہیں کی گئی ہے۔ اسی علاقے میں شامی کردوں کی ملیشیا وائی پی جی ایک بڑے علاقے پر قابض ہے

برطانوی وزیر اعظم کو درپیش قیادت کا چیلنج: کیوں اور کیسے؟

برطانوی پارلیمان کے ارکان نے قدامت پسند وزیر اعظم ٹریزا مے کے خلاف عدم اعتماد کی تحریک پیش کر دی ہے، جس پر رائے شماری آج بدھ بارہ دسمبر کو ہو رہی ہے۔ سوال یہ ہے کہ یہ تحریک پیش کیے جانے کے بعد اب ہو گا کیا ۔برطانوی وزیر اعظم ٹریزا مے نے اسی ہفتے پیر کا دن یورپ کے مختلف ممالک کے ...

سیٹلائٹ جی سیٹ ۔11کی کامیاب پرواز

ملک کے دیہاتوں اور ناقابل رسائی گرام پنچایتوں میں براڈ بینڈ کے رابطہ کو مستحکم کرنے کے ایک بڑے قدم کے طور پر ہندوستانی خلائی تحقیقی تنظیم (اسرو)کے سب سے بھاری اور جدیہ ترین مواصلاتی سیٹلائیٹ جی سیٹ۔11کو کامیابی کے ساتھ فرنچ گوانا کی خلائی بندرگاہ سے چہارشنبہ کی صبح کی اولین ...