ساحلی کرناٹکا میں زور دار بارش؛ بیندور میں مندرکے کمپائونڈ کی دیوار گرنے سے ایک طالبہ ہلاک؛ سڑکیں تالاب میں تبدیل؛ مینگلور اُڈپی میں ندیاں اُبلنے کی خبریں

Source: S.O. News Service | By I.G. Bhatkali | Published on 29th June 2018, 1:08 PM | ساحلی خبریں | ریاستی خبریں |

بھٹکل 29/جون (ایس او نیوز) بھٹکل سمیت پورے ساحلی کرناٹک میں موسلادھار بارش کا سلسلہ گذشتہ تین چار دنوں سے جاری ہے، البتہ آج جمعہ کو کاروار سے لے کر مینگلور کے تمام علاقوں سے کچھ زیادہ ہی بارش ہونے کی خبریں موصول ہورہی ہیں۔

زوردار بارش کے نتیجے میں بھٹکل کے پڑوسی تعلقہ بیندور میں ایک مندر کے کمپائونڈ کی دیوار گرنے سے ایک طالبہ  ہلاک ہونے کی اطلاع موصول ہوئی ہے۔ ساحل آن لائن کے کنداپور کے نمائندے ابراہیم گنگولی کی دی گئی اطلاع کے مطابق  جمعہ صبح  زوردار بارش کے دوران کمپائونڈ کی دیوار اُس وقت گرگئی، جب متعلقہ طالبہ  مندر  والی گلی سے گذر رہی تھی۔

مہلوک طالبہ کی شناخت  دھنیا شٹی کی حیثیت سے  کی گئی ہے  جو  مینگلور کی ایک کالج میں گریجویشن کے بعد اعلیٰ تعلیم حاصل کررہی تھی، وہ بیندور کے   چندرا شٹی  کی تین لڑکیوں میں سب سے چھوٹی  تھی۔ حادثے کی اطلاع ملتے ہی حیدرآباد میں کاروبار کرنے والے چندراشٹی بیندور کے لئے نکل گئے ہیں۔ خبر ملتے ہی  بیندور تحصیلدار کرن گوریا،   کنداپور سرکل پولس انسپکٹر پرمیشور گنگا سمیت  دیگر آفسران نے بھی جائے وقوع پر پہنچ کر دورہ کیا ہے۔ لاش کو بیندور سرکاری اسپتال میں پوسٹ مارٹم کے لئے لے جایا گیا ہے

مینگلور اور اُڈپی میں سڑکیں تالاب میں تبدیل؛ ندیاں اُبل پڑی:   زوردار بارش کا سلسلہ پڑوسی ضلع اُڈپی اور دکشن کنڑا میں بھی جاری ہے اور ساحل آن لائن کے مینگلور نمائندے شرن نے خبر دی ہے کہ  اُڈپی، کنداپور، بیندور، گنگولی سمیت مینگلور اور دیگر علاقوں میں آج جمعہ کو بھی زور دار بارش ہورہی ہے جس سے تمام نشیبی علاقوں میں پانی بھر گیا ہے۔ کئی مکانوں میں پانی داخل ہونے کے ساتھ ساتھ ندیاں اُبل پڑی ہیں، جس سے سڑکیں بھی تالاب میں تبدیل ہوگئی ہیں۔ کئی علاقوں میں گھروں کے ساتھ ساتھ دکانوں اور دیگر کچھ  مندروں میں بھی پانی گھسنے کی اطلاعات ہیں جس سے عام زندگی مفلوج ہوکر رہ گئی ہے۔

اُڈپی میں گذشتہ تین چار دنوں سے جاری مسلسل بارش سے  کئی علاقوں  میں سیلاب کی صورتحال پیدا ہوگئی ہے، کم از کم بیس مکانوں کو نقصان پہنچا  ہے جبکہ مسلسل بارش سے نندنی ندی اُبل پڑی ہے اور پانی بریج کے اوپر سے گذرتے ہوئے دیہاتوں میں جمع ہورہا ہے۔ خبر ملی ہے کہ ندی پر ایک بڑا درخت گر کر متعلقہ بریج میں جاکر پھنس جانے سے بریج ٹوٹنے کا خطرہ پیدا ہوگیا ہے جس سے عوام خوف میں مبتلا ہوگئے ہیں، کرین کی مدد سے درخت کو نکالنے کا کام جمعہ کو جاری تھا۔

موڈ بیدری اور بنٹوال میں بھی زوردار بارش سے سیلابی صورتحال پیدا ہونے کی خبریں موصول ہوئی ہیں۔

کمٹہ میں لاری کا پہئہ  روڈ میں  ہی دھنس گئے:   زوردار بارش کی خبریں کاروار، انکولہ، کمٹہ اور ہوناور سے بھی آرہی ہیں۔ کمٹہ سے ساحل آن لائن کے نمائندے سجاد قاضی نے اطلاع دی ہے کہ وہاں زوردار بارش کے نتیجے میں نیشنل ہائی وے سے گذرنے والی ایک لاری کا ایک پہیہ زمین میں دھنس گیا ہے، جبکہ زوردار بارش سے کئی نشیبی علاقوں میں بھی پانی جمع ہونے کی خبریں ہیں۔  سجاد قاضی کے مطابق کچھ روز قبل بھی کمٹہ میں ایک پرائیویٹ بس کا پہیہ اسی طرح زمین میں دھنس گیا تھا اور بس  بری طرح پھنس گیا تھا۔ دونوں واقعات کمٹہ بس اسٹائنڈ کے قریب نیشنل ہائی وے 66 پر پیش آئے ہیں۔

بھٹکل میں بھی زوردار بارش:  شہر بھٹکل میں بھی زوردار بارش کا سلسلہ آج جمعہ کو بھی جاری ہے، اور نشیبی علاقوں میں پانی جمع ہونے کی بھی خبریں آرہی ہیں، کئی علاقوں میں سڑکوں پر پانی جمع ہونے کی بھی خبریں ہیں البتہ بارش کے رُکتے ہی پانی تیزی کے ساتھ خالی بھی ہورہا ہے، جس سے لوگ راحت کی سانس لے رہے ہیں۔ بھٹکل میں شمس الدین سرکل اور رنگین کٹہ سمیت کچھ اوپری علاقوں میں بھی زورداربارش کے دوران کچھ لمحوں کے لئے پانی جمع ہوتا ہے،  مگر بارش رُکتے ہی پانی بھی تیز بہائو کے ساتھ  نالوں کے ذریعے گذررہا ہے۔ بھٹکل میں پانی کی تیزی کے ساتھ نکاسی پر عوام  بھٹکل میونسپالٹی  حکام کی ستائش کرتے ہوئے بھی دیکھے گئے ہیں۔

ایک نظر اس پر بھی

ڈاکٹر کے ہریش کماراب اُترکنڑا کے نئے ڈپٹی کمشنر؛ ایس ایس نکول کا بنگلور تبادلہ

ضلع اُترکنڑا کے ڈپٹی کمشنر ایس ایس نکول کا بنگلور تبادلہ کرنے کے ساتھ ہی ڈاکٹر کے ہریش کمار کو ضلع کا نیا ڈپٹی کمشنر مقرر کیا گیاہے۔ بتایا گیا ہے کہ ریاست کے گورنر کے حکم پر ان دونوں کے تبادلے ہوئے ہیں۔

ٹیلی ویژن اور اخبارات دیکھنے والوں کا دماغ صحیح نہیں ہوتا۔ متنازع بیانات دینے والے اننت کمار ہیگڈے نے اب میڈیا والوں کو لیا آڑے ہاتھ

مرکزی وزیر اننت کمار ہیگڈے نے ایک بار پھر اپنی زبان درازی کا مظاہرہ کرتے ہوئے میڈیا پر نشانہ سادھا اور کہا کہ میڈیا والے جو بھی من چاہے وہ لکھ دیتے ہیں۔جو لوگ ٹی وی دیکھتے اور اخبارات پڑھتے ہیں، ان کا دماغ صحیح نہیں ہوتا۔

بھٹکل : منکال وئیدیا کے بیان پر بی جے پی کا جوابی وار؛شرالی میں ہائی وے کی چوڑائی کی توسیع کا ٹھیکرہ ریاستی حکومت پر پھوڑا

شرالی میں قومی شاہراہ کی توسیع کے تعلق سے کل سابق رکن اسمبلی منکال وئیدیا نے بی جے پی کو راست نشانے پر لیتے ہوئے بیان دیا تھا کہ ہائی وے کی توسیع  کا کام نیشنل ہائی وے اتھارٹی کا ہوتا ہے جس کے لئے مرکزی حکومت کی طرف سے  منظوری حاصل کرنی ہوتی ہے، مگر منکال وئیدیا کے بیان پر چراغ پا ...

بھٹکل کے سابق رکن اسمبلی جے ڈی نائک دوبارہ کانگریس میں شامل؛ کہا، اننت کمار ہیگڈے کو شکست دینا میرا مقصد

توقع کے مطابق بھٹکل کے سابق رکن اسمبلی جے ڈی نائک بدھ کو بنگلورو کی کرناٹکا پردیش کانگریس کمیٹی (کے پی سی سی) دفتر میں ریاستی صدر دنیش گنڈوراؤ ، ضلع نگراں کاروزیر آر وی دیش پانڈے ، کانگریس ضلع صدر بھیمنا نائک کی موجودگی میں دوبارہ کانگریس میں شمولیت اختیار کی۔

گروسدھیندرا کالج بھٹکل اور جے جی کالج ہبلی نے جیتا کرناٹکا یونیورسٹی شٹل بیڈمنٹن زونل چمپئین کا خطاب؛ بھٹکل انجمن کو سوم مقام

یہاں انجمن ڈگری کالج بھٹکل کے زیراہتمام روٹری کلب میں منعقدہ دو روزہ کرناٹکا یونیورسٹی دھارواڑ سے ملحق کالجوں کے درمیان مردوں اور عورتوں کے زونل لیول شٹل بیڈمینٹن ٹورنامنٹ میں  شری گرو سدھیندرا کالج بھٹکل اور جے جی کالج  ہبلی نے زبردست پرفارمینس پیش کرتے ہوئے بالترتیب ...

ٹیلی ویژن اور اخبارات دیکھنے والوں کا دماغ صحیح نہیں ہوتا۔ متنازع بیانات دینے والے اننت کمار ہیگڈے نے اب میڈیا والوں کو لیا آڑے ہاتھ

مرکزی وزیر اننت کمار ہیگڈے نے ایک بار پھر اپنی زبان درازی کا مظاہرہ کرتے ہوئے میڈیا پر نشانہ سادھا اور کہا کہ میڈیا والے جو بھی من چاہے وہ لکھ دیتے ہیں۔جو لوگ ٹی وی دیکھتے اور اخبارات پڑھتے ہیں، ان کا دماغ صحیح نہیں ہوتا۔

بنگلورو ایئر شو حادثے میں نیا موڑ۔ جھیل میں ملا ایک اور زخمی پائلٹ

کل بنگلورو میں ایئر شو ریہرسل کے دوران فضا میں دو جیٹ ہوائی جہاز ٹکرانے کی وجہ سے ایک پائلٹ ہلاک اور دو پائلٹس زخمی ہونے کی خبر دی گئی تھی اور بتایا گیا تھا کہ دو جیٹ فائٹرس کے اندر تین ہی پائلٹ تھے۔ مگر آج اس معاملے میں اس وقت ایک غیر متوقع موڑ سامنے آیا جب جائے حادثہ سے دور ایک ...

بی بی ایم پی کا بجٹ اور وارڈ کمیٹیاں!

بنگلور۔19؍فروری(ف ن) بروہت بنگلورو مہا نگرا پالیکے (بی بی ایم پی) نے اگر چہ کہ حسب توقع دس ہزار کروڑ روپئے سے زیادہ کا بجٹ پیش کیا ہے جس میں ماہرین کے مطابق لوک سبھا انتخابات کے پیش نظر ہر ایک طبقہ کو خوش کرنے کی بھی کوشش کی ہے مگر اسی کے ساتھ ماہرین شہریات کا یہ بھی کہنا ہے کہ اس ...