بھٹکل مسلم یوتھ فیڈریشن کے زیراہتمام امین سیف اللہ بی سی ایل کرکٹ ٹورنامنٹ کا شاندار اختتام؛ اسکائی بریزر نے یونائیٹیڈ بھٹکل کو دی شکست

Source: S.O. News Service | By I.G. Bhatkali | Published on 18th December 2018, 9:09 PM | ساحلی خبریں | اسپورٹس |

بھٹکل 18/ڈسمبر (ایس او نیوز) بھٹکل مسلم یوتھ فیڈریشن کے زیراہتمام  امین سیف اللہ بھٹکل کرکٹ لیگ فور (BCL-4) ٹورنامنٹ  آج کامیابی کے ساتھ اختتام کو پہنچا جس میں  اسکائی بریزر نے  شاندار جیت درج کرتے ہوئے کپ اپنے نام کرلیا۔ٹورنامنٹ میں بھٹکل یونائیٹیڈ  دوسرا مقام حاصل کرنے میں کامیاب رہی۔

فائنل تقریب میں مہمان خصوصی کے طور پر  انڈین اتھلیٹک فیڈریشن کے سابق نائب صدر اور کیرالہ اتھیلیٹک اسوسی ایشن کے سابق صدر سمیت باسکٹ بال کے سابق انٹرنیشنل ریفری جناب عبدالمجید جوکاکو موجود تھے جنہوں نے اس موقع پر خطاب کرتے ہوئے نوجوانوں کو اپنا جسم توانا رکھنے اور فٹنس پر خصوصی توجہ دینے کی ہدایت دی، انہوں نے کہا کہ نوجوانوں کو ہرروز کم ازکم 45 منٹ ورزش، یوگا یا والکنگ کرنی چاہئے۔ اپنے فٹنس کا راز بتاتے ہوئے انہوں نے کہا کہ  وہ آج بھی روزانہ صبح سویرے   دو گھنٹے سوئمنگ  کرتے ہیں جسم کو فٹ رکھنے کے لئے سائیکل سواری بھی کرتے ہیں انہوں نے نوجوانوں کواپنے کھانے پینے کی طرف بھی خصوصی توجہ دینے کی نصیحت فرمائی اور  کہا کہ صبح کا ناشتہ بے حد ضروری ہے ، جسے انہوں نے کنگ کے ساتھ تعبیر کیا جبکہ  دوپہر کے کھانے کو  انہوں نے کوئین سے تعبیر کیا۔ جناب عبدالمجید جوکاکو نے بھٹکل مسلم یوتھ فیڈریشن کو قوم کی ریڑھ کی ہڈی قرار دیتے ہوئے   مشورہ دیا کہ آپ   کھیل کے ذریعے بھٹکل میں اتحاد و اتفاق کو عام کرنے اور بھائی چارگی میں اضافہ کرنے کی طرف توجہ دیں۔ 

کرکٹ ٹورنامنٹ کے ٹائٹل اسپاونسر اور مرڈیشور جماعت المسلمین کے صدر جناب امین سیف اللہ نے  کرکٹ ٹورنامنٹ کی تعریف کرتے ہوئے بتایا کہ بھٹکل میں اچھے اور قابل  کرکٹ کھلاڑی کافی تعداد میں موجود ہیں، فیڈریشن کو چاہئے کہ وہ  کھلاڑیوں کو آگے بڑھانے کی طرف توجہ دیں، کم ازکم پانچ سال کا  نشانہ مقرر کرکے کم ازکم ایک کھلاڑی کو قومی سطح تک لے جانے کی کوشش کریں، اس تعلق سے انہوں نے اپنی جانب سے ہرممکن تعائون فراہم کرنے کی یقین دہانی کرائی۔ انہوں نے پورا ٹورنامنٹ نہایت ڈسپلن کے ساتھ  منعقد کئے جانے پر فیڈریشن کو مبارکباد پیش کی اور کہا کہ کھیل کے ساتھ ساتھ عام زندگی میں بھی ہمارے نوجوانوں میں اسی طرح کے ڈسپلن کی ضرورت ہے۔

ٹورنامنٹ میں اول آنے والی ٹیم کو  خوبصورت ٹرافی سمیت 66,666 نقد رقم اور دوم آنے والی ٹیم کو ٹرافی سمیت 44,444 روپیہ نقد انعام دیا گیا۔ پورے ٹورنامنٹ میں بہترین بلے بازی کرکے جملہ 399 رن اسکور کرنے والے چندرھاس موگیر کو بیسٹ بیٹسمین کے اعزاز سے نوازا گیا، اسی طرح ٹورنامنٹ میں  بہترین باولنگ کے جوہر دکھاتے ہوئے جملہ 16 وکٹیں حاصل کرنے والے  عمران کندن گوڈا کو بیسٹ باولر کے اعزاز سے نوازا گیا۔باولنگ اکنامی کو دیکھتے ہوئے عمران کندن گوڑا  کو خصوصی انعام کے طور پر ایک سائکل بھی انعام میں دی گئی۔فائنل میچ میں بہترین بلے بازی کرنے والے شیکھر  نائک کو مین آف دی میچ کے اعزاز سے نوازا گیا۔ مرڈیشور برادرس کو بیسٹ ڈسپلن ٹیم کا اعزاز دیا گیا۔اس موقع پر  ٹورنامنٹ میں خدمات انجام دینے والے الگ الگ ذمہ داروں کی تہنیت کی گئی۔

تقریب کا آغاز  یحیٰ نصیف خلیفہ کی تلاوت کلام پاک سے ہوا، بھٹکل مسلم یوتھ فیڈریشن کے سابق جنرل سکریٹری مولانا ایس ایم عرفان ندوی نے استقبال کیا،  فیڈریشن کے صدر امتیاز اُدیاور نے صدارت کی،  فیڈریشن کے اہم رکن مبشر حُسین ہلارے نے نظامت کے ساتھ ساتھ آخر میں شکریہ ادا کیا۔فیڈریشن کے جنرل سکریٹری محمد نصیف خلیفہ، سکریٹری مولوی محمد حُسین،  بھٹکل مسلم اسوسی ایشن جدہ  کے سابق جنرل سکریٹری محمد قمر سعدا،  ٹورنامنٹ کے کنوینر عمیر رکن الدین، فیڈریشن کے خزانچی ناہید کولا،   مسلم ایجوکیشن سوسائٹی مرڈیشور منظور حاجی امین،  سمیت دیگر ذمہ داران رئیس رکن الدین،مصدق علی اکبرا، فیصل آرمار، عُبید اسحاقی، محمد بلال قمری ، ہارون شینگری، ساجد مصباح، محمد شمعون حاجی فقیہ، تحسین رکن الدین، عتید کولا،   ابو فیصل، معروف صدیقہ، عبدالرحیم شیخ ، اُروا رکن الدین، نصراللہ عسکری، اقبال سُہیل، اقبال پٹھان وغیرہ موجود تھے۔ 

اسکائی بریزر کی شاندار جیت:

بھٹکل تعلقہ اسٹڈیم المعروف وائی ایم ایس اے میدان میں 28 نومبر سے شروع ہونے والا یہ ٹورنامنٹ آج 18 ڈسمبر کو اختتام کو پہنچا۔ 20 روزہ ٹورنامنٹ میں جملہ 12 ٹیموں نے حصہ لیا تھا جس میں آج فائنل میں اسکائی بریزر کا مقابلہ بھٹکل یونائیٹید کے ساتھ ہوا۔ ٹاس جیت کر بھٹکل یونائیٹیڈ نے  پہلے بلے بازی کرنے کافیصلہ کیا اور مقررہ 20 اووروں میں نو وکٹوں کے نقصان پر 149 رن بنائے۔ بھٹکل یونائیٹیڈ کی طرف سےشیبان جاکٹی نے صرف 29 گیندوں پر 9 چوکوں اور ایک چھکے کی مدد سے 51 رن بنائے، ان کے بعد وسیم رکن الدین 22 رن اور عمران کندن گوڈا 22 رن بنانے میں کامیاب رہے۔

جواب میں اسکائی بریزر نے ابتداء سے ہی دھواں دار بلے بازی کی اور ابتدائی چاراووروں میں ہی 36 رن بناڈالے،ساتویں اوور میں جب عاقب ساوڑا آوٹ ہوئے تو اسکور 59 پر پہنچ چکا تھا، عاقب نے تین چھکوں اور تین چوکوں کی مدد سے صرف 17 گیندوں پر 34 رن بنائے تھے۔ اس کے بعد آنے والے بلے باز چندرہاس نے بھی اچھے بلے بازی کی اورپندرہویں آور میں اسکور کو 120 تک پہنچانے کے بعد پویلین لوٹ گئے۔ چندرہاس نے ایک چھکا اور تین چوکوں کی مدد سے 23 گیندوں پر 30 بنائے تھے۔ اوپنر شیکھر نائک نے بہترین پاری کھیلتے ہوئے تین چھکوں اور پانچ چوکوں کی مدد سے ناٹ آوٹ52 رن بنائے اور اپنی ٹیم کو16.5 اووروں میں ہی  شاندار جیت دلائی۔ کپتان نسیم اسرمتا نے بھی آخر تک ناٹ آوٹ رہتے ہوئے  دس گیندوں میں 19 رن بنائے جس میں ان کا ایک چھکا اور دو چوکے شامل ہیں۔

بھٹکل یونائیٹیڈ کو 146 تک محدود رکھنے میں یوگی موگیر، صفوان اور شیکھر نے بہترین گیند بازی کی اور بالترتیب تین اور دو دو وکٹیں حاصل کیں۔ اسکائی بریزر نے صرف دو وکٹوں کے نقصان پر ہی مقررہ نشانہ پار کرلیا اور میچ آٹھ وکٹوں سے جیت لیا۔

حیرت کی بات یہ رہی کہ فرسٹ پلائی آف میں اسکائی بریزر اسی یونائٹیڈ بھٹکل کے ہاتھوں شکست سے دوچار ہوئی تھی، مگر  آج فائنل مقابلے میں اسکائی بریزر کا پرفارمینس بے حد  شاندار رہا اور  آسانی کے ساتھ یونائیٹیڈ بھٹکل کو شکست دینے میں کامیاب رہی۔

ٹورنامنٹ میں جملہ دو بلے بازوں نے سنچریاں اسکور کیں۔ رمضانی چیلنجرس کے شماس نائطے  نے111 رن اور اسکائی بریزر کے چندرہاس موگیر نے ناٹ آوٹ 11 رن بنائے تھے۔ اسی طرح ٹورنامنٹ میں تین گیند بازوں   سی اسٹار کے ہمّان گنگاولی، رمضانی چیلنجرس کے ناگراج نائک اور نوائط اسٹرائکر کے وقاص سدی باپا  نے ہیٹ ٹرک کرتے ہوئے اپنا ریکارڈ درج کرایا۔

ایک نظر اس پر بھی

مرڈیشور پالی ٹکنک طلبا کی طرف سے بم ناکارہ مشین کی نمائش

کورگ ضلع کے پونمپیٹ کے کورگ انسٹی ٹیوٹ آف ٹکنالوجی میں منعقدہ سال 2019کے پراجکٹ ایگزیبشن  مقابلے میں مرڈیشور آر این ایس پالی ٹکنک کالج کے طلبا کی طرف سے پیش کردہ الکڑانک بم کو ناکارہ بنانے والی مشین کے متعلق ہر ایک نے تعاریفی کلمات کہے۔

بھٹکل روٹری کلب کا انڈور اسٹیڈیم بھی قومی شاہراہ کی نذر : یادداشت کے لئے 29مارچ سے شٹل بیڈمنٹن ٹورنامنٹ کا انعقاد

قومی شاہراہ توسیع کام کو لے کر کچھ ہی دنوں میں نکال باہر ہونے والے دوردرشن مرکز سے متصل روٹری کلب کے انڈور اسٹیڈیم میں 29مارچ سے تین دنوں تک شٹل بیڈمنٹن ٹورنامنٹ منعقد کئے جانے کی روٹری کلب کے سکریٹری شری نواس پڈیار نے جانکاری دی ۔

سداپور : 5مرتبہ ایم پی منتخب ہونے والے اننت کمار سے ضلع کو کوئی فائدہ نہیں : آزاد امیدوار کی حمایت کریں گے

آئندہ ہونے والے لوک سبھا انتخابات میں آزاد امیدوار کی حیثیت سے انتخاب لڑنےو الے وکیل جی ٹی نائک کی ہم لوگ حمایت کریں گے۔ کیونکہ وکیل جی ٹی نائک غریب، پسماندہ ، کسان اور مظلو م طبقات کے متعلق فکر رکھتے ہیں ۔ہیمنت نائک، ہریش نائک، ارون نائک نے پریس ریلیز جاری کرتے ہوئے اعلان کیا ...

بھٹکل اسپورٹس اکیڈمی  کے زیرا ہتمام کرکٹ کھلاڑ یوں کا سلیکشن ٹرائل: کے ایس سی اے کے انڈر14اور انڈر16 کرکٹ ٹورنامنٹ میں حصہ لینے کا  سنہرا موقع

اپریل کے پہلے ہفتہ میں افتتاح ہونے والی بھٹکل اسپورٹس اکیڈمی، پہلے مرحلے کے طورپر کرناٹکا اسٹیٹ کرکٹ اسوسی ایشن (کے ایس سی اے )کے زیرسرپرستی  14اور16سالہ کرکٹ ٹورنامنٹ اپریل کےمہینے میں ہبلی  میں کھیلا جائے گا جس میں اکیڈمی کی ٹیم شریک ہونےکی  اکیڈمی کے ذمہ دار کے ایم وسیم نے ...

سنسنی خیز میچ میں ہندوستان نے آسٹریلیا کو 8 رنوں سے دی شکست ، سیریز میں 2-0 برتری حاصل

کپتان وراٹ کوہلی (116) کے 40ویں سنچری اور جسپریت بمراہ کی ڈیتھ اووروں کی کمال کی گیندبازی اور وجے شنکر کی کرشمائی آخری اوور کی بدولت ہندوستان نے یہاں ودربھ کرکٹ ایسوسی ایشن اسٹیڈیم میں آسٹریلیا کو دوسرے ون ڈے مقابلے میں منگل کو آٹھ رن سے ہراکر اپنے ون ڈے کی تاریخ کی 500ویں جیت ...

لکھنو میں منعقدہ آل انڈیا مدرسہ اتھلیٹک چمپئن شپ میں بھٹکل کے تین طلبا کا شاندار پرفارمینس

لکھنو میں منعقدہ  آل انڈیا مدرسہ اتھلیٹک چمپئن شپ مقابلوں میں بھٹکل اور اطراف کے طلبا نے  شاندار پرفارمینس پیش کرتے ہوئے اسپورٹس میں بھی   اپنی صلاحیتوں کا لوہا منوانے میں کامیاب ہوگئے ہیں۔ 

آئی سی سی نے سنتھ جے سوریا پر 2سال کی پابندی عائد کردی

انٹرنیشنل کرکٹ کونسل(آئی سی سی)نے کرپشن کے حوالے سے تحقیقات میں تعاون سے انکار پر سابق سری لنکن کپتان سنتھ جو سوریا پر دو سال کی پابندی عائد کردی۔سنتھ جے سوریا اکتوبر 2020تک کرکٹ کی کسی بھی سرگرمی میں حصہ نہیں لے سکیں گے ۔