بھٹکل کڈوین کٹہ ڈیم میں نوجوان بہہ کر لاپتہ؛ تلاشی مہم جاری؛ وینکٹاپور ندی کے اطراف سینکڑوں لوگ جمع

Source: S.O. News Service | By I.G. Bhatkali | Published on 10th July 2019, 7:44 PM | ساحلی خبریں | ان خبروں کو پڑھنا مت بھولئے |

بھٹکل 10/جولائی  (ایس او نیوز) یہاں تعلقہ کے کڈوین کٹہ ڈیم میں  بہہ کر ایک 16 سالہ نوجوان لاپتہ ہوگیا جس کو وینکٹاپور ندی میں تلاش کرنے سینکڑوں لوگ پہنچ گئے  ہیں اور  پولس سمیت  فائر بریگیڈ کا عملہ  بھی تلاش کرنے میں جٹ گیا  ہے۔

لاپتہ نوجوان کی شناخت حافظ قران  محمد ابراہیم  عابدہ ابن فیصل عابدہ کی حیثیت سےکی گئی ہے، جو بھٹکل فاروقی اسٹریٹ کا مکین ہے۔

ذرائع نے بتایا کہ  آج دوپہر کو ہی  ابراہیم عمرہ سے واپس لوٹا تھا اور تھوڑی دیر آرام کرنے  کے بعد وہ عصر کی نماز پڑھنے گھر سے باہر نکلا تھا،  سمجھا جارہاہے کہ نماز کے بعد وہ اپنے دوستوں کے ساتھ  کڈوین کٹہ ڈیم  چلا گیا۔ اس بات کا پتہ نہیں چل پایا ہے کہ  آیا وہ ڈیم میں دوستوں کے ساتھ تیرنے کے لئے اُترا تھا یا پھر ڈیم میں نیچے گرنے سے حادثہ پیش آیا۔

ذرائع سے ملی اطلاع کے مطابق ابراہیم ماہر تیراک ہے، مگر بھٹکل میں گذشتہ دو دونوں سے  ہورہی زبردست بارش کی وجہ سے ڈیم میں پانی اتنا  بھرا ہے کہ  پانی  تیزی کے ساتھ قریبی ندی وینکٹاپور میں بہہ رہا ہے۔

واقعے کی اطلاع ملتے ہی  کثیر تعداد میں  لوگ  ایک طرف  کڈوین کٹہ ڈیم کی طرف چلے گئے اور تلاشی مہم شروع کی، وہیں کافی لوگ شرالی کے وینکٹاپور ندی میں بھی اُس کی تلاش شروع کردی۔  

قریب دو گھنٹوں سے   ابراہیم کی تلاش جاری ہے اور اب چونکہ اندھیرا چھاگیاہے اُس کے  زندہ ملنے کی اُمیدیں دم توڑرہی ہیں۔

بھٹکل سرکل پولس انسپکٹر گنیش نے بتایا کہ  فائر بریگیڈکے عملے کو بھی نوجوان کی تلاش میں لگادیا گیاہے ، مگر شام   ساڑھے سات بجنے تک  کوئی نتیجہ نہیں نکلا ہے۔

ایک نظر اس پر بھی

انجمن ِ اسلام اور اترکنڑامسلم تنظیموں کی جانب سے ہبلی میں حج بھون تعمیرکا مطالبہ : میمورنڈم

ریاست کرناٹکا کے 9اضلاع پر مشتمل شمالی کرناٹکا کے لئے ہبلی میں حج بھون تعمیر کا مطالبہ لےکر دھارواڑ ضلع انجمن ِ اسلام کے ممبران سمیت دیگر مسلم تنظیموں کے عہدیداران نے اترکنڑا ضلع انتظامیہ کی جانب سے اترکنڑا ضلع اپر ڈپٹی کمشنر ناگراج سنگریر کو میمورنڈم سونپا۔

اُترکنڑا میں صبح سے زبردست بارش؛ سداپور میں چلتی بائک پر درخت گرنے سے فوریسٹ آفسر ہلاک؛ انکولہ میں ریلوے پٹری پر چٹان کھسکنے سے کچھ گھنٹوں کے لئے سروس متاثر

اُترکنڑا میں ضلعی انتظامیہ کی جانب سے ریڈ الرٹ جاری کرنے کے بعد آج منگل کو صبح چھ بجے سے صبح آٹھ بجے تک زبردست بارش ہوئی جس کے نتیجے میں بعض علاقوں سے نقصانات کی بھی خبریں آرہی ہیں۔  بارش  کے تیز تیور دیکھتے ہی   ڈپٹی کمشنر نے  صبح اسکول کھلنے سے قبل ہی تمام اسکولوں اور ...

منگلورو۔بنگلوروٹریک پرچٹان توڑنے کا کام مسلسل جاری۔ دن کے وقت چلنے والی ریل گاڑیاں 24جولائی تک کے لئے منسوخ

انی بندا کے قریب سبرامنیا سکلیشپور ریلوے ٹریک پر ایک بڑی چٹان لڑھکنے کا خطرہ پیدا ہوگیا تھا۔ اس حادثے کو روکنے کے لئے پہاڑی تودے کو دھماکے سے توڑنے کاکام پچھلے دو تین دن سے جاری ہے جس کے لئے ہیٹاچی مشین کے کامپریسر اور بارود کا استعمال کیا جارہا ہے۔ لیکن تیز برسات کی وجہ سے دن ...

منگلورومیں بارش کا قہر۔ چٹانیں کھسکنے، درخت اور بجلی کے کھمبے اکھڑنے سے مکانات اور موٹر گاڑیوں کو پہنچا نقصان۔ ضلع انتظامیہ نے جاری کیا ریڈ الرٹ

پچھلے چار پانچ دنوں سے ضلع شمالی کینرا میں جاری تیز بارش کی وجہ سے بھاری نقصانات کی خبریں مل رہی ہیں۔ چونکہ محکمہ موسمیات نے 27جولائی تک تیز بارش کا سلسلہ جاری رہنے کی پیشین گوئی کی ہے اس لئے ضلع انتظامیہ نے ریڈالرٹ جاری کیا ہے۔

ساحلی کرناٹکا میں موسلادھار بارش کا سلسلہ جاری؛ اُترکنڑا میں ریڈ الرٹ؛ ساگرروڈ پر غیر قانونی باکڑوں کو نہ ہٹانے کے پیچھے کیا راز ؟ مینگلور اور اُڈپی میں منگل کو اسکولوں اور کالجوں میں چھٹی

ساحلی کرناٹکا بشمول اُتر کنڑا، اُڈپی اور دکشن کنڑا میں  اتوار سے  جاری زوردار بارش کا سلسلہ آج پیر کو بھی جاری رہا جس سے  کئی علاقوں میں راستے تالاب میں تبدیل ہوگئے،  اس درمیان  محکمہ موسمیات کی جانب سے  بتایا گیا ہے کہ  کل اتوار کو بھٹکل میں جو زبردست بارش ہوئی، اُس کی ...

مودی حکومت نے لوک سبھا میں ’آر ٹی آئی‘ ختم کرنے والا بل پیش کیا: کانگریس

  کانگریس نے الزام لگایا ہے کہ ’کم از کم گورنمنٹ اور زیادہ سے زیادہ گورننس‘ کی بات کرنے والی مرکزی حکومت لوگوں کے اطلاعات کے حق کے تحت حاصل حقوق کو چھین رہی ہے اور اس قانون کو ختم کرنے کی کوشش کررہی ہے۔

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

بھٹکل میں 27 اور 28 جولائی کو ہوگا؛ فری ہارٹ چیک آپ کیمپ؛ کالی کٹ سے مشہوراورماہرامراض قلب ڈاکٹر علی فیضل کی ہوگی شرکت

کالی کٹ کے معروف میترا اسپتال اور بھٹکل  کے معروف ویلفئیر اسپتال کے اشتراک سے مورخہ 27 اور28 جولائی کو بھٹکل میں مفت ہارٹ چک اپ کیمپ کا انعقاد کیاجارہاہے جس میں ملک کے مشہور کارڈیالوجسٹ اور میترا اسپتال کے  ڈائرکٹر اینڈ چیف آف کلینکل سروس   ڈاکٹر علی فیضل  شرکت کریں گے۔اس ...