بھٹکل میں 27 اور 28 جولائی کو ہوگا؛ فری ہارٹ چیک آپ کیمپ؛ کالی کٹ سے مشہوراورماہرامراض قلب ڈاکٹر علی فیضل کی ہوگی شرکت

Source: S.O. News Service | By Abu Aisha | Published on 22nd July 2019, 11:20 PM | ساحلی خبریں | ان خبروں کو پڑھنا مت بھولئے |

بھٹکل :22؍جولائی  (ایس اؤ نیوز) کالی کٹ کے معروف میترا اسپتال اور بھٹکل  کے معروف ویلفئیر اسپتال کے اشتراک سے مورخہ 27 اور28 جولائی کو بھٹکل میں مفت ہارٹ چک اپ کیمپ کا انعقاد کیاجارہاہے جس میں ملک کے مشہور کارڈیالوجسٹ اور میترا اسپتال کے  ڈائرکٹر اینڈ چیف آف کلینکل سروس   ڈاکٹر علی فیضل  شرکت کریں گے۔اس بات کی اطلاع  میترا اسپتال کے جنرل مینجر مسٹر   مرلی تھراوٹ نے دی ۔ وہ یہاں اتوار کو ایک پرائیویٹ ہوٹل میں منعقدہ پریس کانفرنس میں بات کرتے ہوئے معلومات دے رہے تھے۔

انہوں نے کہا کہ ہارٹ چیک آپ کیمپ میں ڈاکٹر علی فیضل کے ہمراہ   کنسلٹنٹ کارڈیولوجسٹ ڈاکٹر شاج الدین اور ٹکنیکل ٹیم کے ممبران بھی شریک رہیں گے۔ کیمپ میں   ہارٹ چیک آپ کے دوران  کسی کو خون کی جانچ، ای سی جی یا Echo وغیرہ کرنے کی ضرورت پڑی تو  کیمپ میں یہ سبھی سروس بالکل مفت دستیاب رہے  گی۔ انہوں نے بھٹکل کے عوام سے بہتر استفادہ کی اپیل کرتے ہوئے بتایا کہ جو لوگ اس کیمپ میں شریک ہونا چاہتے ہوں، وہ پہلی فرصت میں اپنا نام  رجسٹرڈ کرائیں۔ پہلے نام درج کرنے والوں کو  پہلے  ترجیح دی جائے گی۔ چیک آپ کیمپ میں  نام درج کرنے کے لئے ڈائل کریں:  9019330977

شہر کے اولڈ بس اسٹائنڈ کے قریب  ویلفئیر اسپتال میں یہ کیمپ رکھا گیا ہے۔  کیمپ کا افتتاح  27 جولائی بروز سنیچر  صبح ٹھیک 11بجے ہوگا، اگلے دن اتوار 28 جولائی کو بھی صبح سے دوپہر 1بجے تک کیمپ جاری رہے گا۔پریس کانفرنس میں بتایا گیا کہدل کی بیماریوں کے پرانے مریض یا کسی ڈاکٹر سے کنسلٹ لے چکے مریض اپنی جانچ کرانا چاہتے ہوں تو اپنی میڈیکل ٹیسٹ کی رپورٹ والی فائل اپنے ساتھ ضرور لے کر آئیں، اسی طرح  ڈاکٹر علی فیضل کے پرانے مریض بھی  اس کیمپ سے استفادہ کرنا چاہتے ہوں تو   وہ بھی اپنے   میڈیکل ریکارڈ کے فائل کے ساتھ کیمپ میں شرکت کریں۔ کیمپ میں بھٹکل کے ساتھ ساتھ اطراف کے علاقوں کے عوام بھی شریک ہوکر  فائدہ اُٹھا سکتے ہیں۔

خیال رہے کہ  ڈاکٹر علی فیضل  کافی عرصہ تک  کالیکٹ کے میمس اسپتال میں خدمات انجام دے چکے ہیں انہوں نے  بھٹکل سمیت اطراف کے علاقوں کے کئی لوگوں کا کامیابی کے ساتھ  اوپن ہارٹ سرجری سمیت امراض قلب کا علاج کرچکے ہیں۔ موصوف اب تجربہ کار ڈاکٹروں کی ٹیم کے ساتھ  گذشتہ کچھ سالوں سے میترا اسپتال قائم کرکے  وہاں اپنی خدمات دے رہے ہیں۔ موصوف پہلی بار بھٹکل تشریف لارہے ہیں۔

پریس کانفرنس میں ویلفیر اسپتال کے  ایڈمنسٹریٹر جناب ابوالاعلیٰ برماور اور ڈاکٹر ظہیر کولا  موجود تھے۔

ایک نظر اس پر بھی

بھٹکل: مرڈیشور میں راہ چلتی خاتون کو اغوا کرنے کی کوشش ہوگئی ناکام؛ علاقہ میں تشویش کی لہر

تعلقہ کے مرڈیشور میں ایک خاتون کو اغوا کرنے کی کوشش اُس وقت  ناکام ہوگئی جب اُس نے ہاتھ پکڑ کھینچتے وقت چلانا اور مدد کے لئے پکارنا شروع کردیا،  وارات  منگل کی شب قریب نو بجے مرڈیشور کے نیشنل کالونی میں پیش آئی۔واقعے کے بعد بعد نہ صرف مرڈیشور بلکہ بھٹکل میں بھی تشویش کی لہر ...

کیا شمالی کینرا سے شیورام ہیبار کے لئے وزارت کا قلمدان محفوظ رکھا گیا ہے؟

کرناٹکاکے وزیراعلیٰ  ایڈی یورپا نے دو دن پہلے اپنی کابینہ کی جو تشکیل کی ہے اس میں ریاست کے 13اضلاع کو اہمیت دیتے ہوئے وہاں کے نمائندوں کو وزارتی قلمدان سے نوازا گیا ہے۔اور بقیہ 17اضلاع کو ابھی کابینہ میں نمائندگی نہیں دی گئی ہے۔

ساگر مالا منصوبہ: انکولہ سے بیلے کیری تک ریلوے لائن بچھانے کے لئے خاموشی کے ساتھ کیاجارہا ہے سروے۔ سیکڑوں لوگوں کی زمینیں منصوبے کی زد میں آنے کا خدشہ 

انکولہ کونکن ریلوے اسٹیشن سے بیلے کیری بندرگاہ تک ’ساگر مالا‘ منصوبے کے تحت ریلوے رابطے کے لئے لائن بچھانے کا پلان بنایا گیا اور خاموشی کے ساتھ اس علاقے کا سروے کیا جارہا ہے۔

ماڈرن زندگی کا المیہ: انسانوں میں خودکشی کا بڑھتا ہوا رجحان۔ ضلع شمالی کینرا میں درج ہوئے ڈھائی سال میں 641معاملات!

جدید تہذیب اور مادی ترقی نے جہاں انسانوں کو بہت ساری سہولتیں اور آسانیاں فراہم کی ہیں، وہیں پر زندگی جینا بھی اتنا ہی مشکل کردیا ہے۔ جس کے نتیجے میں عام لوگوں اور خاص کرکے نوجوانوں میں خودکشی کا رجحان بڑھتا جارہا ہے۔

منگلورو پولیس نے ایک اور مشکوک کار کو پکڑا؛ پنجاب نمبر پلیٹ والی کار کے تعلق سے پولس کو شکوک و شبہات

دو دن دن پہلے لٹیروں اور جعلسازوں کی ایک ٹولی کے قبضے سے منگلورو پولیس نے ایسی کار ضبط کی تھی جس پر نیشنل کرائم انویسٹی گیشن بیوریو، گورنمنٹ آف انڈیا لکھا ہوا تھا۔اب مزید ایک مشکوک کار کو پولیس نے اپنے قبضے میں لیا ہے۔ جس پر بھی گورنمینٹ آف انڈیا لکھا ہوا ہے۔

بھٹکل: مرڈیشور میں راہ چلتی خاتون کو اغوا کرنے کی کوشش ہوگئی ناکام؛ علاقہ میں تشویش کی لہر

تعلقہ کے مرڈیشور میں ایک خاتون کو اغوا کرنے کی کوشش اُس وقت  ناکام ہوگئی جب اُس نے ہاتھ پکڑ کھینچتے وقت چلانا اور مدد کے لئے پکارنا شروع کردیا،  وارات  منگل کی شب قریب نو بجے مرڈیشور کے نیشنل کالونی میں پیش آئی۔واقعے کے بعد بعد نہ صرف مرڈیشور بلکہ بھٹکل میں بھی تشویش کی لہر ...

کاروارمیں ریڈ الرٹ کے باوجود کوسٹل سیکیوریٹی پولیس کی انٹر سیپٹر کشتیاں نہیں اتریں سمندر میں!

ابھی دو دن پہلے ملک کی خفیہ ایجنسی نے سمندری راستے سے دہشت گردانہ حملہ ہونے کا خدشہ ظاہر کیا تھا جس کے بعد پوری ریاست کرناٹکا میں اور بالخصوص ساحلی کرناٹکا میں ریڈ الرٹ جاری کیا گیا ہے۔