منگلورو ،25 / ستمبر (ایس او نیوز) منگلورو نیشنل ہائی وے 66 پر تھوکٹو کے قریب پیش آنے والے المناک حادثہ میں اسکوٹر سے گرنے کی وجہ سے ایک خاتون  کی موت واقع ہوگئی ۔
    
مہلوک خاتون کا نام سوما نارائینا گٹّی (55 سال) ہے جس نے زخموں کی تاب نہ لاتے ہوئے ایک پرائیویٹ اسپتال میں دم توڑ دیا ۔ معلوم ہوا ہے کہ سوما نے بنٹوال نیٹلا میں واقع اپنے آبائی گھر میں پوجا میں شرکت کی تھی اور جب وہ اپنے بھائی کے ساتھ اسکوٹر پر کاسرگوڈ کی طرف جا رہی تھی تو یہ حادثہ پیش آیا ۔ اسکوٹر سے گرنے کی وجہ سے سوما کے سر میں شدید چوٹ آئی تھی ۔ ایک مقامی اسپتال میں ابتدائی طبی امداد کے بعد اسے ڈیرلکٹے کے نجی اسپتال میں منتقل کیا گیا ، لیکن اس کی جان بچائی نہیں جا سکی ۔