بھٹکل 6/اکتوبر (ایس او نیوز) بھٹکل کی نامدھاری کمیونٹی کا اہم مذہبی ادارہ نچّل مکّی دیوستھان کے صدر کے عہدہ پر آسارکیری کے کرشنا نائک کا انتخاب عمل میں آیا ہے جبکہ بھوانی شنکر نائک نائب صدر اور ایڈوکیٹ ایم جی نائک جنرل سکریٹری منتخب ہوئے ہیں۔
آسارکیری نچّل مکّی مندر ہال میں اتوار کو ہوئے انتخابات میں نئے عہدیداران کا انتخاب عمل میں آیا۔ بتایا گیا ہے کہ مندر کی انتظامیہ کے دیگر عہدے تبدیل نہیں ہوتے صرف صدر، نائب صدر اور جنرل سکریٹری تبدیل ہوتے ہیں، جبکہ بھٹکل سے لے کر وینکٹاپور تک کے علاقوں سے انتظامیہ کے لئے ممبران کا انتخاب کیا جاتا ہے۔
ذرائع سے ملی اطلاع کے مطابق اب نئی انتظامیہ میں جو لوگ شامل ہوئے ہیں، اُن کےنام اس طرح ہیں:
گوند نائک ہنومان نگر، گریش نائک، سریش واسو نائک، راما نائک بیلکے، شریدھر وینکٹ رمن نائک، شنیار نائک یلوڈی کاوور، وینکٹ رمن نائک تلگوڈ، کرشنا نائک ہیبلے، چندرو نائک جالی، منجوناتھ دیویّا نائک، شیورام نائک مُٹھّلی، نارائن کوپّیا نائک، پرمیش نائک سبپّتی، اور گنیش نائک۔
پتہ چلا ہے کہ اس بار کے انتخابات میں کافی نئے اور جوان چہرے انتظامیہ میں شامل ہوئےہیں۔