کاروار :15؍ جنوری  (ایس اؤ نیوز )اترکینرا رکن پارلیمان اننت کمارہیگڈے کے اشتعال انگیز اور ہتک آمیز بیانات پر تعلقہ سطح سے لے کر ضلعی و ریاستی سطح کےکانگریسی لیڈران سخت مذمت کرتےہوئے بیانات جاری کررہےہیں۔ ایسا پہلی مرتبہ دیکھنےمیں آرہا ہے کہ کانگریسی لیڈران بیک وقت اننت کمارکو آڑے ہاتھوں لے رہےہیں اور خود بی جے پی کے  لیڈران  بھی ان کے بیانات سے پلہ جھاڑتے ہوئے نظر آرہے ہیں۔

بھٹکل تعلقہ کانگریس صدر، اترکنڑا ضلع کانگریس صدر، ضلعی کانگریس ترجمان ، کانگریس ماہی گیر شعبہ کے ریاستی جنرل سکریٹری ،نائب وزیر اعلیٰ ڈی کے شیوکمار، وزیر شیوراج تنگڈگی ، سابق وزیر اعلیٰ جگدیش شٹر، رکن اسمبلی پرتاپ ایشور، وزیر پریانکا کھرگے وغیرہ نے سخت مذمتی بیان جاری  کرتے ہوئے آڑے ہاتھو ں لیا ہے  تو بی جےپی کے باغی رکن اسمبلی بسون گوڈاپاٹل یتنال پلہ جھاڑتے نظر آئے 

اننت کمارحد پار کررہےہیں:سابق وزیر اعلیٰ جگدیش شٹر نے اننت کمار کے بیان کی سخت مذمت کرتےہوئے کہاکہ  اننت کمارہیگڈے  لکشمن ریکھا پھلانگ کر بات کررہے ہیں۔ اتنے دنوں تک لاپتہ رہنے والے اننت کمار اب اچانک کیسے بھاگ دوڑ کرنے لگے ہیں، تعجب کا اظہار کرتےہوئے انہوں نےکہاکہ ایک دستوری عہدے پر فائز  ایم پی کا  وزیراعلیٰ کےخلاف اس طرح کی باتیں مناسب نہیں ہے ۔ جگدیش شٹر نےکہاکہ اننت کمار لوک سبھا انتخابات کے پیش نظر بہت سرگرم ہوئے ہیں،ودھان سبھا الیکشن کے دوران وزیراعظم مودی ضلع کا دورہ کئےتھے تو تب اننت کمار کہاں گئے تھے؟ اب منہ میں جو آیا بات کہہ رہےہیں ، کیا وزیرا عظم مودی کےمتعلق اس طرح کی باتیں کریں گے تو وہ خاموش رہیں گے ؟ ۔

تمہارے جیسے کتوں کو وہیں آکر جواب دینا پڑےگا بیٹے :وزیر اعلیٰ سدرامیا کے بالمقابل ایم پی اننت کمارہیگڈے کی کوئی حیثیت نہیں  ہونے کا ریاستی وزیر شیوراج تنگڈگی نے خیال ظاہر کیا۔ انہوں نے اننت کمار کو سخت اور یک لہجہ میں کرارا جواب دیتےہوئےکہاکہ سدرامیا ، کانگریس کےخلاف بیان بازی کی تو تمہارے جیسے کتوں کو وہیں آکر جواب دینا پڑے گا بیٹے ۔ اننت کمارہیگڈے کو اسی کی زبان میں جواب دینا ہمیں بھی آتاہے، لیکن ہمارے بزرگوں نے ہمیں ادب سکھایا ہے، اسی لئے اس کو اس کے جیسی زبان میں جواب نہیں دے رہا ہوں، بلکہ تاکید کررہاہوں۔ یہی پہلا اور آخری ہونا چاہئے۔ سدرامیا کے متعلق کوئی بیان بازی نہ ہو۔ جتنا سدرامیا کاتجربہ ہے اتنی تیری عمربھی نہیں ہے۔ ہیگڈے ، سدرامیا کے پاؤں کی دھول کے برابر بھی نہیں ہے۔ ایسے کتوں کو ہم عقل سکھا دیں گے ۔ اگر بیان بازی جاری رہی تو مجھے بھی آئندہ شمالی کرناٹک کی بھاشا میں ہی جواب دینا ہوگا۔ہیگڈےکو متنبہ  کیا  کہ اس سے بھی خراب بھاشا میں جواب دونگا۔

اننت کمار ذہنی توازن کھو چکے ہیں :ریاست کے نائب وزیرا علیٰ ڈی کےشیوکمار نے اننت کمار کے بیان پر کہاکہ ایم پی اننت کمار  ہیگدے اتنے دنوں تک  آرام کررہے تھے  ، اب اچانک ہڑبڑا کراُٹھے ہیں اور  بڑبڑانے لگے ہیں، عوام  ہی انہیں اس کا جواب دیں گے ۔

زبان پر پکڑ ہو: کانگریس کے نوجوان رکن اسمبلی پردیپ ایشور نے کہاکہ  اگر ان کی اشتعال انگیزی سے زیادہ کم ہوجاتاہے تو کیا ہیگڈے آئیں گے ؟ حکومت کو چاہئے کہ وہ سخت کارروائی کرے۔ اننت کمارہیگڈے اپنی زبان پر کنٹرول رکھئے۔ ہندو دھرم تمہارے باپ کی جائیداد نہیں ہے ، ہندو دھرم کو اپنے باپ کی جائیداد سمجھ کر بات کررہے ہیں نا، اپنی زبان کنٹرول میں رکھئے۔

میرا اسٹائل الگ ہے ، میں انکے جیسا نہیں ہوں :بی جےپی کے باغی لیڈروں میں شمار کئے جانے والے وجئے پورا کے رکن اسمبلی بسون گوڈاپاٹل یتنال نے ایم پی کے بیان پر کہاکہ میں ان کےجیسا نہیں ہوں۔ اور میری ان کے جیسی زبان نہیں ہے۔ میں وزیرا علیٰ کا احترام کرتاہوں ۔ ان کا اسٹائل الگ ،میرا اسٹائل الگ ۔ انہوں نے وزیرا علیٰ کے بیان ’اننت کمارکے بیان سےبی جے پی کی تہذیب کا پتہ چلتاہے ‘ پر کہاکہ اس طرح بیان بازی ہماری پارٹی کی تہذیب نہیں ہے، بی جےپی سنسکرتی کےلئے جدوجہد  کرتی ہے۔

کانگریس کے خلاف بھی شکایت درج ہو:اننت کمارکے بیان پر سابق وزیر وشوتھ نارائن نےکہاکہ اگر اننت کمار کی  تنقید غیر قانونی ہے تو اس سے پہلے اسی طرح کی بیان بازی کرنےو الے کانگریس لیڈران کےخلاف بھی کیس درج کرنا پڑےگا۔ میں یہ نہیں کہتا کہ اننت کمار نے جو کہاہے وہ صحیح ہے، سیاست میں اس طرح کے الفاظ کا استعمال عام ہے ، اگر اسی بات پر کیس درج کیاجاتاہے تو کانگریس لیڈران کےخلاف بھی بہت سارے کیس درج کرنے ہونگے۔