بینگلورو میں غنڈہ ایکٹ کے تحت ہندو کارکن اور گئو رکھشک گرفتار
بینگلورو ، 13/اگست (ایس او نیوز/ایجنسی) کرناٹک پولیس نے ہندو کارکن پونیت کیریہلی کو غنڈہ ایکٹ کے تحت بینگلورو سے گرفتار کرلیا۔ پونیت جو گئو رکھشک ہے مبینہ طور پر گائیں منتقل کے دوران ایک مسلم نوجوان کو پیٹ پیٹ کر قتل کرنے کے الزام میں مقدمہ درج کیا گیا تھا۔
تحقیقات بعد میں انکشاف ہوا کہ مقتول نے غیرقانونی طور پر گائیں منتقل کی تھیں۔ اسے بعد ازاں ضمانت پر رہا کیا گیا۔
پولیس کے مطابق وہ 2013 اور 2023ء کے درمیان 10پولیس معاملات میں ملوث تھا۔ ملزم بار بار سماج میں امن بگاڑنے غیرسماجی سرگرمیوں میں ملوث تھا جس کے بعد اس کے خلاف فوجداری مقدمات درج کیے گئے۔
سی سی بی پولیس کی خصوصی ونگ نے اسے جمعہ کے روز تحویل میں لیا۔ اس کے خلاف ڈی جے ہلی، کگالی پورہ، ہلسورو گیٹ، چامراج پیٹ، الیکٹرانک سٹی، مالاولی اور ستنور پولیس اسٹیشن حدود میں مقدمات درج ہیں۔
غنڈہ ایکٹ کے تحت گرفتار ملزم کو ایک سال تک ضمانت نہیں ملتی۔ پولیس کو اسے گرفتاری کے اندرون 24گھنٹے جج کے روبرو پیش کرنے کی ضرورت نہیں ہوتی اور اسے پولیس تحویل میں لینے ضابطہ پر عمل کرنے کی بھی ضرورت نہیں ہوتی ہے۔
پولیس نے کہا کہ ہاسن کا ساکن پونیت راشٹرا رکشا پریڈ کے نام پر جبری وصولی کے مقصد سے فوجداری مقدمات میں بار بار ملوث رہا ہے۔
وہ گائیں کو ذبیحہ کے لیے منتقل کرنے والوں کو نشانہ بناتا وہاں کے تاجرین کو دھمکاتا اس سے نظم و ضبط پر منفی اثر پڑتا۔ اسے غیرسماجی سرگرمیوں سے روکنے 11/ اگست کو غنڈہ ایکٹ کے تحت اس کی حراست کا حکم جاری کیا اور سی سی بی پولیس نے اسے 11/ اگست کو گرفتار کرلیا۔