کرناٹک جنسی اسکینڈل سے سیاسی گھماسان،پر جول ریونا ملک سے فرار،کئی خواتین کے جنسی استحصال کا الزام
بنگلورو ، 30/اپریل (ایس او نیوز /ایجنسی) سابق وزیر اعظم ایچ ڈی دیو ے گوڑا کے پوتے اور ہاسن سے رکن پارلیمنٹ پر جول ریونا کے جنسی اسکینڈل نے کرناٹک میں ہلچل مچا دی ہے۔ ملازمہ کی شکایت پر پولیس نے پر جول ریونّا اور ان کے والد ایچ ڈی ریونّا کے خلاف ایف آئی آر درج کی ہے۔ کانگریس نے اس واقعے کے خلاف زبردست احتجاج شروع کر دیا ہے۔ دریں اثناء جنتا دل سیکولر میں بھی ریونا کے بارے میں سخت اختلاف شروع ہو چکا ہے۔ جے ڈی ایس کے ارکان اسمبلی نے پارٹی ہائی کمان سے ریونا کو پارٹی سے نکالنے کا مطالبہ کیا ہے۔ ان کا کہنا ہے کہ اس معاملے کی وجہ سے وہ کافی شرمندگی محسوس کر رہے ہیں ۔
واضح رہے کہ ایک دو نہیں بلکہ پر جول ریونا کی اب تک ہزاروں ویڈیوز منظر عام پر آچکی ہیں۔ ان کے گھر پر کام کرنے والی ایک ملازمہ نے اپنی شکایت میں کہا ہے کہ پر جول نے کئی بار اس کا جنسی استحصال کیا ہے۔ متاثرہ خاتون نے ریونا پر اپنی بیٹی سے فحش باتیں کرنے کا بھی الزام لگایا ہے۔
بہر حال، ریونا کی کئی خواتین کے ساتھ جنسی زیادتی کی ویڈیوز منظر عام پر آچکی ہیں۔ ان کے خلاف مزید مقدمات درج ہو سکتے ہیں۔ کرناٹک کی کانگریس حکومت نے اس معاملے میں ریونا کے خلاف ایس آئی ٹی تحقیقات کا حکم دیا ہے۔ جے ڈی ایس رکن اسمبلی شارنگودا کانڈ کور نے منظر عام پر آئیں ان فحش ویڈیوز کے تنازعہ کے درمیان پارٹی رکن پارلیمنٹ پر جول ریونا کو پارٹی سے نکالنے کا مطالبہ کیا ہے۔
سابق وزیر اعلیٰ ایچ ڈی کمار سوامی کے قریبی مانے جانے والے کا نڈ کور نے پارٹی کے قومی صدر د یوے گوڑا کو ایک خط لکھ کر کہا ہے کہ گزشتہ کچھ دنوں سے ریاست بھر میں سیکس اسکینڈل والی ویڈیوز شیئر ہو رہی ہیں ، جس سے پارٹی کو بڑی شرمندگی ہو رہی ہے۔ ویڈیوز کو دیکھ کر ایسا لگتا ہے کہ اس گھناؤنے واقعے میں پر جول ریونا ملوث ہیں۔ پہلی نظر میں ایسا لگتا ہے کہ وہ ملزم ہیں۔ اس لیے میں آپ سے درخواست کرتا ہوں کہ انہیں فوری طور پر پار پارٹی سے خارج کر دیا جائے۔ ریونا کو پارٹی سے نکالنے کے مطالبے پر پارٹی ہائی کمان کا کہنا ہے کہ وہ اس معاملے کی تحقیقات کے نتائج کا انتظار کر رہی ہے۔ پارٹی نے اس پر کوئی تبصرہ کرنے سے صاف انکار کر دیا ہے۔
دوسری طرف سابق وزیر اعلیٰ ایچ ڈی کمار سوامی کا کہنا ہے کہ جس نے بھی جرم کیا ہے اسے معاف کرنے کا کوئی سوال ہی پیدا نہیں ہوتا۔ انہوں نے یہ بھی کہا کہ پارٹی کار یونا کے بیرون ملک جانے سے کوئی لینا دینا نہیں ہے۔
