دبئی میں سیاحوں کا 7 جولائی سے خیرمقدم کیا جائے گا

Source: S.O. News Service | Published on 22nd June 2020, 12:02 PM | خلیجی خبریں | ان خبروں کو پڑھنا مت بھولئے |

دبئی،22؍جون(ایس او نیوز؍ایجنسی) دبئی اپنے ہوائی اڈوں پر سمندر پار سے آنے والے سیاحوں کا7؍ جولائی سے خیرمقدم کرے گا اور کارآمد اقامتی ویزے کے حامل غیرملکی شہری22 جون پیر سے امارت میں واپس آسکتے ہیں۔

دبئی نے اپنے شہریوں اور مکینوں کو بھی 23 جون منگل سے بیرون ملک جانے کی اجازت دے دی ہے لیکن اس کی شرط یہ عاید کی ہے کہ میزبان ملک انھیں قبول کرنے پر آمادہ ہوں۔ نیز وہ ممالک کرونا وائرس کے حوالے سے کم خطرے کے حامل ہوں۔

دبئی میڈیا دفتر کے مطابق ’’دبئی اسپریم کمیٹی برائے کرائسس اور ڈیزاسسٹر مینجمنٹ نے سمندر پار سے تعلق رکھنے والے سیاحوں اور زائرین کے 7 جولائی سے خیر مقدم کا فیصلہ کیا ہے۔ یہ نئے فیصلے دبئی کے ہوائی اڈوں سے سفر کرنے اور یہاں اترنے والے تمام مسافروں کی صحت کے تحفظ اور بھلائی کے لیے حفاظتی احتیاطی اقدامات اور پروٹوکولز کے مطابق کیے گئے ہیں۔‘‘

کمیٹی کا کہنا ہے کہ سمندرپار سے مکینوں کی واپسی کا خیرمقدم اور سیاحوں کو ملک میں داخلے کی اجازت اس پیش رفت کی آئینہ دار ہے جو دبئی نے کووِڈ-19 کی وَبا پر قابو پانے کے لیے کی ہے۔

دبئی نے مئی کے آخر سے کرونا وائرس کے تعلق سے عاید کردہ پابندیوں میں بتدریج نرمی کرنا شروع کردی تھی۔ دبئی کے ولی عہد شیخ حمدان بن محمد نے کرفیو کے دورانیے میں کمی کردی تھی اور بعض کاروباروں کو دوبارہ کھولنے کی اجازت دے دی تھی۔

اب امارت دبئی نے تمام شاپنگ مالوں اور نجی شعبے کے کاروباروں کو اپنی مکمل صلاحیت کے ساتھ کھولنے اور کام کرنے کی اجازت دے دی ہے۔پانی سے متعلق کھیلوں کی سرگرمیاں بحال کردی گئی ہیں اور سرکاری شعبے کے تمام ملازمین کو دفاتر میں آنے کی اجازت دے دی گئی ہے۔

دبئی حکومت نے 18؍جون کو امارت میں مختلف سرگرمیوں اور خدمات کی بحالی کی اجازت دے دی تھی۔ان میں سرکاری لائبریریوں ، نجی عجائب گھروں اور آرٹ گیلریوں کو دوبارہ کھولنے کی اجازت دے دی گئی تھی۔

ان کے علاوہ حکومت نے گھریلو خدمات ،جیسے ضعیف العمر افراد کو گھروں میں صحت کی خدمات کی فراہمی ،گھروں میں بیوٹی سیلون کی خدمات ،گھر سے باہر سیاحت اور جسمانی فٹنس کی سرگرمیوں ،3 ڈی اور 4 ڈی سینیما ہال کھولنے اور بچوں کی پارکوں اور بیچز میں کھیلوں کی سرگرمیوں کی اجازت دے دی تھی۔

ایک نظر اس پر بھی

سعودی عرب نے ہندوستان پر لگائی سفری پابندی

ہندوستان میں کورونا انفیکشن بے قابو ہوتا ہوا نظر آ رہا ہے۔ روزانہ تقریباً ایک لاکھ مریض سامنے آ رہے ہیں اور کورونا مریضوں کی تعداد کے معاملے میں ہندوستان دنیا میں دوسرے نمبر پر ہے۔

بحرین کی اسرائیل سے ڈیل،علاقائی سلامتی کو تقویت ملے گی: شیخ سلمان کی نیتن یاہو سے گفتگو

بحرین کے ولی عہد شیخ سلمان بن حمد آل خلیفہ نے اسرائیلی وزیراعظم بنیامین نیتن یاہو سے ٹیلی فون پر بات چیت کی ہے۔انھوں نے عالمی سلامتی اور امن کو مضبوط بنانے اور امن ، استحکام اور خوش حالی کے فروغ کے لیے مسلسل کوششیں جاری رکھنے کی ضرورت پر زوردیا ہے۔

سعودی عربیہ کے طائف میں کار حادثہ کا شکارایک نوجوان جاں بحق، دوسرا شدید زخمی

یہاں سے قریب  35 کلو میٹر دور گولی ہوڑے کا ایک نوجوان سعودی عربیہ کے طائف میں ہوئے سڑک حادثہ میں جاں بحق ہوگیا جس کی شناخت  افتخار مٹّا (33) کی حیثیت سے کی گئی ہے۔ حادثے میں گنگولی کا رہنے والا ایک شخص جس کی شناخت مالی سرفراز (43) کی حیثیت سے کی گئی ہے شدید زخمی ہوا ہے جسے طائف کے کنگ ...

یلاپورمیں بھیانک سڑک حادثہ؛ لاری کی ٹکر میں کار پر سوار چاروں لوگ ہلاک

 ضلع اُترکنڑا کے یلاپور نیشنل ہائی وے پر ہوئے ایک بھیانک سڑک حادثے میں ایک ہی خاندان کے چار افراد جائے وقوع پر ہی ہلاک ہوگئے جن کی شناخت  روی نائر (58)، پشپا روی نائر (55)، ہریندرناتھ نائیر (62) اور پدماکشی نائیر (86) کی حیثیت سے کی گئی ہے۔

مودی-نتیش قسم کسانوں کی کھاتے ہیں اور دوستی سرمایہ داروں سے نبھاتے ہیں: کانگریس

کانگریس جنرل سکریٹری اور پارٹی کے میڈیا سیل انچارج رندیپ سنگھ سرجے والا نے جمعرات کو پٹنہ میں زرعی بلوں کو لے کر مرکزی حکومت اور حکومت بہار کے خلاف محاذ کھولتے ہوئے کہا کہ مودی جی اور نتیش بابو قسم کسانوں کی کھاتے ہیں اور دوستی مٹھی بھر سرمایہ داروں سے نبھاتے ہیں۔