کورونا وائرس: محض چار دنوں میں ایک لاکھ کیسس کا اضافہ

Source: S.O. News Service | Published on 24th March 2020, 5:12 PM | ملکی خبریں | عالمی خبریں | ان خبروں کو پڑھنا مت بھولئے |

نئی دہلی،24؍مارچ (ایس او نیوز؍ایجنسی) کورونا وائرس ’کووڈ -19‘ سے متاثر مریضوں کی تعداد لگاتار بڑھتی جا رہی ہے اور اس کے مصدقہ مریضوں کی تعداد اب تین لاکھ کے پار پہنچ چکی ہے جس میں دو لاکھ سے تین لاکھ کے اعداد و شمار تک پہنچنے میں محض چار دن کا وقت لگا۔

عالمی ادارہ صحت (ڈبلیو ایچ او) کے ڈائریکٹر جنرل ڈاکٹر ٹیدروس گبریسس نے گزشتہ کو ایک ورچوول پریس کانفرنس میں بتایا کہ کورونا وائرس کے مریضوں کی تعداد اب تین لاکھ کے پار پہنچ چکی ہے۔ دنیا کے تقریباً ہر ملک میں یہ وبا پھیل چکی ہے۔ یہ کافی افسوسناک ہے۔

انہوں نے کہا کہ ”اس وبا کے پھیلنے کی رفتار بڑھ رہی ہے۔ پہلے کیس کے بعد ایک لاکھ لوگوں کے متاثر ہونے میں 67 دن کا عرصہ لگا۔ دوسرے ایک لاکھ معاملہ سامنے آنے میں 11 دن لگے اور اب صرف چار دن میں مزید ایک لاکھ افراد متاثر ہو چکے ہیں۔ اس سے پتہ چلتا ہے کہ یہ وائرس کس تیزی سے پھیل رہا ہے“۔

گبریسس نے کہا کہ ہم اعداد و شمار کے غلام نہیں ہیں، ہم خاموش کھڑے ہوکر دیکھ نہیں سکتے۔ ہم اس وبا کے رخ کو پلٹ سکتے ہیں۔ اعدادوشمار معنی رکھتے ہیں کیونکہ یہ صرف تعداد نہیں ہیں۔ یہ وہ لوگ ہیں جن کی زندگی اور ان کے خاندان میں بھونچال آ گیا ہے۔ لیکن سب سے زیادہ اس بات پر فرق پڑتا ہے کہ ہم کیا کرتے ہیں۔

انہوں نے کہا کہ گھروں میں بند رہ کر اور جسمانی دوری بنا کر ہم وائرس انفیکشن کی رفتار کو کم کر سکتے ہیں، لیکن ان دفاعی اقدامات سے ہم اس کو ہرا نہیں سکتے۔ جیتنے کے لئے جارحانہ موقف اختیار کرنا ضروری ہے، ہر مشتبہ کی تشخیص اور ہر متاثرہ شخص کی دیکھ بھال اور اس کے قریبی رابطے میں آنے والوں کو قرنطینہ کرنا ضروری ہے۔

ایک نظر اس پر بھی

ملک میں کورونا سے 95542 افراد ہلاک، متاثرین کی تعداد 60.74 لاکھ

 ملک میں گزشتہ 24 گھنٹے کے دوران متاثرہ افراد کے 82 ہزار سے زیادہ نئے معاملے سامنے آنے سے متاثرین کی تعداد 60.74 لاکھ سے تجاوز کر چکی ہے جبکہ کورونا کے انفیکشن سے 74 ہزار سے زائد افراد صحت مند ہوچکے ہیں جس کے نتیجے میں صحت مند افراد کی تعداد 50.16 لاکھ ہوگئی ہے۔

بہار اسمبلی انتخابات میں ٹکٹ کے لئے بی جے پی کے دفتر میں ہنگامہ

بہار اسمبلی انتخابات کی تاریخوں کے اعلان کے بعد سے ٹکٹ کے دعویداروں کی سرگرمیاں اس قدر بڑھ گئی ہیں کہ ان کے حامی کارکنان ہنگامہ آرائی اور ہاتھاپائی کرنے تک آمادہ ہیں اور کل ایسا ہی نظارہ بھارتیہ جنتا پارٹی (بی جے پی) کے ریاستی دفتر میں دیکھا گیا۔

بالاسبرامنیم اس ملک کے موسیقی اورلسانی ثقافت کی ایک عمدہ مثال تھے: سونیا گاندھی

کانگریس  کی  چیئرپرسن سونیا گاندھی نے موسیقی کی دنیا کی ایک عظیم ہستی بالاسبرامنیم کے انتقال پراپنے گہرے رنج  وغم  کا اظہار کرتےہوئے کہا ہے کہ وہ ملک کی  موسیقی اور لسانی  ثقافت کے عمدہ مثال تھے اور ان کے نہیں رہنے  سے آرٹ اور کلچرل کی دنیا پھیکی پڑگئی ہے۔

بحرین کی اسرائیل سے ڈیل،علاقائی سلامتی کو تقویت ملے گی: شیخ سلمان کی نیتن یاہو سے گفتگو

بحرین کے ولی عہد شیخ سلمان بن حمد آل خلیفہ نے اسرائیلی وزیراعظم بنیامین نیتن یاہو سے ٹیلی فون پر بات چیت کی ہے۔انھوں نے عالمی سلامتی اور امن کو مضبوط بنانے اور امن ، استحکام اور خوش حالی کے فروغ کے لیے مسلسل کوششیں جاری رکھنے کی ضرورت پر زوردیا ہے۔

ایردوآن نے یو این میں اٹھایا مسئلہ کشمیر، ’اندرونی معاملات میں دخل نہ دے ترکی‘ انڈیا کی تاکید

 جموں و کشمیر کے حوالہ سے اقوام متحدہ کی جنرل اسمبلی میں ترکی کے صدر رجب طیب اردوآن کے بیان پر اقوام متحدہ میں ہندوستان کے مستقل نمائندہ ٹی ایس ترومورتی نے سخت احتجاج کرتے ہوئے کہا ہے کہ ترکی کو دوسرے ممالک کی خودمختاری کا احترام کرنا سیکھنا چاہئے۔

منشیات مخالف مہم: منگلورو میں ڈانسر کشور کا ایک او رساتھی گرفتار 

ریاست میں   اینٹی نارکوٹکس ڈپارٹمنٹ اور پولیس کی طرف سے چلائی جا رہی منشیات مخالف مہم کے دوران منگلورو پولیس  کی سٹی کرائم برانچ نے مشہور ڈانسر  اور فلم ایکٹرکشور شیٹی ، اس کے ساتھی امن شیٹی اور عقیل نوشیل کو ایم ڈی ایم  جیسی نشہ آور اشیاء کے استعمال اور ان کی فروخت کے سلسلے ...

28ستمبر کو کرناٹکا بند کے پس منظر میں ایس ایس ایل سی سپلمنٹری امتحان کیا گیا ملتوی

کرناٹکا ہائی اسکول اکزامنیشن بورڈ کی طرف سے جاری کیے گئے اعلامیہ کے مطابق ایس ایس ایل سی کا جو سپلمنٹری امتحان  28ستمبر کو منعقد ہونے والا تھا اسے کسانوں کے احتجاجی بند کے پیش نظر ملتوی کردیا گیا ہے۔