بھٹکل میں موسلادھار بارش کا سلسلہ جاری؛ ندی اور نالے اُبلنے کے قریب، کائیکنی میں مکان پر گرگیا ناریل کا درخت

Source: S.O. News Service | By I.G. Bhatkali | Published on 22nd September 2020, 12:55 AM | ساحلی خبریں | ان خبروں کو پڑھنا مت بھولئے |

بھٹکل 21 ستمبر (ایس او نیوز) بھٹکل میں  دو روز سے  جاری موسلادھار بارش کے دوران آج پیر کو کائیکنی میں ایک مکان پر ناریل کا درخت گرنے سے گھر کی چھت کو شدید نقصان پہنچا ہے۔

گھر کے مالک  کوپّا شنیار دیواڑیگا نے بتایا کہ  طوفانی ہواوں کے ساتھ ہوئی بارش کے نتیجے میں ناریل کا درخت آج  ان کے مکان پر گرا ہے جس سے ہزاروں مالیت کا نقصان پہنچا ہے۔ واقعے کی اطلاع ملنے پر محکمہ تحصیل کے آفسران نے جائے وقوع پر پہنچ کر نقصان کا جائزہ لیا ہے۔

جمعہ شب سے جاری موسلادھار بارش کا سلسلہ آج پیر کو دیر رات تک جاری رہا جس سے عام زندگی مفلوج رہی، موسلادھار بارش سے ڈارنٹا کی شرابی ندی میں طغیانی آئی ہے، جس سے ندی کنارے رہنے والے لوگوں میں تشویش پائی جارہی ہے۔  کل اتوار صبح  آٹھ بجے سے آج پیر صبح  آٹھ بجے تک بھٹکل میں  156 ملی میٹر بارش ریکارڈ کی گئی ہے۔ اس کے ساتھ ہی امسال  بھٹکل تعلقہ میں اب تک 4608 ملی میٹر بارش ریکارڈ کی گئی ہے۔

مسلسل بارش سے ویسے تو  شمس الدین سرکل یا  رنگین کٹہ کے قریب ہائی وے پر پانی  جمع ہوتا ہوا نظر نہیں آیا اور تیزی کے ساتھ نالوں کے ذریعے  گذرتا نظر آیا، جس سے شہری علاقوں میں بارش سے نقصانات کی اطلاعات نہیں ملیں، البتہ  تعلقہ کے بیلور، ماولّی، بینگرے اور شرالی دیہاتوں میں موسلادھار بارش کے نتیجے  میں  سینکڑوں ایکڑ زراعتی زمین  پر فصلوں کو شدید نقصان پہنچا ہے اور کھیتوں میں پانی جمع ہوجانے سے کھیت تالاب میں تبدیل ہوگئے ہیں۔

ایک نظر اس پر بھی

کاروارمیڈیکل کالج میں داخلے کی مل گئی اجازت۔150طلبہ کے ساتھ شروع ہوگا ایم ایم بی ایس کا پہلا سال

کاروار انسٹی ٹیوٹ آف میڈیکل سائنسس کے تحت شروع کیے گئے میڈیکل کالج میں  تعلیمی سال 2020-21 کے لئے 150طلبہ کو داخل کرنے کی اجازت نیشنل میڈیکل کمیشن(سابقہ نام: میڈیکل کاونسل آف انڈیا) کی جانب سے مل گئی ہے۔ 

بھٹکل ٹاون میونسپالٹی کے لئے کل جمعرات کو ہونے والے صدر اور نائب صدرکے انتخابات غیر معینہ مدت کےلئے ملتوی

کل جمعرات 22 اکتوبر کو منعقد ہونے والے ٹاون میونسپالٹی صدر  اور نائب صدر کے انتخابات غیر معینہ مدت کے لئے ملتوی ہوگئے ہیں، اس بات کی اطلاع بھٹکل تحصیلدار  روی چندرا نے دی۔

بی کام فائنل میں بھٹکل انجمن کالج کے طلبہ کا شاندار پرفارمینس؛ 50طلبہ نے حاصل کی امتیازی کامیابی

انجمن آرٹس ، سائنس اینڈ کامرس کالج بھٹکل کے بی کام فائنل طلبہ نے اس بار شاندار پرفارمینس پیش کرتےہوئے کالج کا نام روشن کردیا ہے، اس بار پچاس طلبہ نے امتیازی نمبرات سے کامیابی حاصل کی ہے جس میں چھ طلبہ ایسے ہیں جنہوں نے  ایک  سبجیکٹ میں سو میں سو مارکس حاصل کئے ہیں۔

بھٹکل ٹاون میونسپالٹی کے لئے کل جمعرات کو ہونے والے صدر اور نائب صدرکے انتخابات غیر معینہ مدت کےلئے ملتوی

کل جمعرات 22 اکتوبر کو منعقد ہونے والے ٹاون میونسپالٹی صدر  اور نائب صدر کے انتخابات غیر معینہ مدت کے لئے ملتوی ہوگئے ہیں، اس بات کی اطلاع بھٹکل تحصیلدار  روی چندرا نے دی۔

بی کام فائنل میں بھٹکل انجمن کالج کے طلبہ کا شاندار پرفارمینس؛ 50طلبہ نے حاصل کی امتیازی کامیابی

انجمن آرٹس ، سائنس اینڈ کامرس کالج بھٹکل کے بی کام فائنل طلبہ نے اس بار شاندار پرفارمینس پیش کرتےہوئے کالج کا نام روشن کردیا ہے، اس بار پچاس طلبہ نے امتیازی نمبرات سے کامیابی حاصل کی ہے جس میں چھ طلبہ ایسے ہیں جنہوں نے  ایک  سبجیکٹ میں سو میں سو مارکس حاصل کئے ہیں۔