یلاپور،12؍اکتوبر (ایس او نیوز) یلاپور میں نیشنل ہائی وے 63 پر سہیادری کلچے بینک کے سامنے صبح 8 بجے کے قریب کیمیاوی مادہ لے جارہے ایک ٹینکر سے اچانک گیس کا اخراج ہونے لگا جس سے پوری سڑک پر دھواں تیزی سے پھیلنے لگا اور عوام خوف و ہراس میں پیدا ہوگیا۔
مقامی افراد نے فوری طور پر فائر بریگیڈ عملے کو اس کی خبر کردی ، لیکن فائر بریگیڈ والے موقع پر پہنچنے سے قبل ہی ٹینکر کے ڈرائیور نے خود ہی اپنے طور پر کوشش کی اور وہ گیس کے اخراج کو روکنے میں کامیاب ہوگیا۔یاد رہے کہ کاروار بلاری نیشنل ہائی وے پرروزانہ گیس ، پٹرول، ڈیزل، ایسیڈ اور دوسرے کیمیکلس لے جانے والے ٹینکروں کی بھرمار ہوتی ہے ، اور کبھی کبھی اس میں کوئی خامی پیدا ہوجاتی ہے یا پھر سڑک پر ٹینکر الٹ جانے کی وارداتیں ہوتی رہتی ہیں ۔ اس سے لوگوں میں خوف کی لہر دوڑ جاتی ہے اور اَن دیکھے خطرات اور خدشات سے وہ حواس باختہ ہوجاتے ہیں۔